កម្លាំងសមត្ថកិច្ចកិច្ចជំនាញប្រឆាំងបទល្មើសគ្រឿងញៀនបានសហការជាមួយកម្លាំងស្នងការនគរបាលខេត្តកំពង់ឆ្នាំងចុះបានឃាត់ខ្លួន ជនសង្ស័យពីបទជួញដូរ និងប្រើប្រាស់នូវសារធាតុញៀន នៅឃុំសែបចំនួន០២នាក់ និងឃុំតាជេសចំនួន១នាក់ ស្ថិតក្នុងស្រុកកំពង់ត្រឡាច

កំពង់ឆ្នាំង៖ កាលពីថ្ងៃទី៧ ខែឧសភា ឆ្នាំ២០២០ កំលាំងជំនាញប្រឆាំងគ្រឿងញៀនស្រុកកំពង់ត្រឡាច បានចុះសហការជាមួយកំលាំងប៉ុស្តិ៍នគរបាលរដ្ឋបាលសែប និងកំលាំង ប្រឆាំងគ្រឿងញៀនរបស់ស្នងការដ្ឋាននគរបាលខេត្តកំពង់ឆ្នាំង បានធ្វើការបង្រាបករណី ជួញដូរ និងប្រើប្រាស់នូវសារធាតុញៀននៅចំនុចផ្ទះរបស់ឈ្មោះ ជៀម វ៉ុន ស្ថិតនៅក្នុងភូមិតាណុប ឃុំសែប ស្រុកកំពង់ត្រឡាច ខេត្តកំពង់ឆ្នាំង។
ឃាត់ខ្លួនជនសង្ស័យបានចំនួន ០២នាក់ ទី១ៈឈ្មោះជៀម វ៉ុន ភេទប្រុស អាយុ៣២ឆ្នាំ ជនជាតិខ្មែរ មុខរបរ មិនពិតប្រាកដ (ពីបទជួញដូរ និងប្រើប្រាស់នូវសារធាតុញៀនដោយខុស
ច្បាប់)។ ទី២ៈ ឈ្មោះ អ៊ុន ឈៀង ភេទប្រុស អាយុ ៣០ឆ្នាំ ជនជាតិខ្មែរ មុខរបរមិនពិតប្រាកដ (ពីបទប្រើប្រាស់នូវសារធាតុញៀនដោយខុសច្បាប់)។ ធ្វើការឆែកឃើញម្សៅក្រាមពណ៌សថ្លាសង្ស័យថាជាសារធាតុញៀន បានចំនួន ០៩កញ្ចប់តូច ឧបករណ៍សំរាប់ប្រើប្រាស់ថ្នាំញៀនមួយចំនួន និងទូរស័ព្ទដៃ ចំនួន០១គ្រឿង។

លុះរហូតមកដល់ម៉ោង ១៥ និង៣០នាទី រសៀល កម្លាំងបានសហកការណ៍ជាមួយកម្លាំងប៉ុស្តិ៍ នគរបាលរដ្ឋបាលតាជេស និងកំលាំងប្រឆាំងគ្រឿងញៀនខេត្ត ធ្វើការបង្រាបកណីជួញដូរ និងប្រើប្រាស់នូវសារធាតុញៀនមួយករណីទៀត នៅចំនុចមុខរោងចក្រស៊ូភើលីងស្ថិតនៅក្នុងភូមិសូវង្សឃុំតាជេស ស្រុកកំពង់ត្រឡាច ខេត្តកំពង់ឆ្នាំង។

បានធ្វើការឃាត់ខ្លួន ជនសង្ស័យម្នាក់ ឈ្មោះ ញ៉ូង ឆេងហៀង ភេទប្រុស អាយុ ២៧ឆ្នាំ ជនជាតិខ្មែរ មុខរបរមិនពិតប្រាកដ ឆែកឆេររកឃើញ ម្សៅក្រាមពណ៍សថ្លា សង្ស័យថាជាសារ
ធាតុញៀនចំនួន ៣កញ្ចប់តូច ទូរស័ព្ទ ១គ្រឿង។

ក្រោយពេលឃាត់ខ្លូនរួច សមត្ថកិច្ចបានកសាងសំណុំរឿងបញ្ជូនខ្លួនជនសង្ស័យទាំង ០៣នាក់ រួមទាំងវត្ថុតាងទៅកាន់ការិយាលយ័ប្រឆាំងគ្រឿងញៀនខេត្ត ចាត់កាបន្តទៅតាមនីតិវិធី ៕