សម្ដេចក្រឡាហោម ស ខេង អញ្ជើញជាអធិបតីដ៏ខ្ពង់ខ្ពស់ក្នុងពិធីចុះសួរសុខទុក្ខ និងចែកអំណោយជូនប្រជាជនរងគ្រោះដោយសារជំនន់ទឹកភ្លៀងនៅ ខេត្តបាត់ដំបង
![](https://blogger.googleusercontent.com/img/b/R29vZ2xl/AVvXsEjmyhlZU9vu_5pKJ4u_IfA6CCbMDcqvJVkhUDEo3ncnCJ06HRmEkEXXXQkyE-hhUJS3JSgdnT5a-u_ukocUnmi8LXAo5zHBJSlqaxrIzmUhDc59B9A-eMuZvlXBz1fGyDeZK_FvHIDI0SQ/s0/FB_IMG_1604802085890.jpg)
សម្ដេចក្រឡាហោម ស ខេង អញ្ជើញជាអធិបតីដ៏ខ្ពង់ខ្ពស់ក្នុងពិធីចុះសួរសុខទុក្ខ និងចែកអំណោយជូនប្រជាជនរងគ្រោះដោយសារជំនន់ទឹកភ្លៀងនៅ ខេត្តបាត់ដំបង
បាត់ដំបង ៖ នៅព្រឹកថ្ងៃអាទិត្យ ទី០៨ ខែវិច្ឆិកា ឆ្នាំ២០២០ សម្ដេចក្រឡាហោម ស ខេង ឧបនាយករដ្ឋមន្រ្តី រដ្ឋមន្រ្តីក្រសួងមហាផ្ទៃ និងជាប្រធានក្រុមការងាររាជរដ្ឋាភិបាលចុះជួយខេត្តបាត់ដំបង តំណាងដ៏ខ្ពង់ខ្ពស់សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តីនៃកម្ពុជា បានអញ្ជើញជាអធិបតីដ៏ខ្ពង់ខ្ពស់ក្នុងពិធីចុះសួរសុខទុក្ខ និងនាំយកនូវអំណោយដ៏ថ្លៃថ្លារបស់សម្ដេចអគ្គមហាសេនាបតីតេជោ ហ៊ុន សែន និងសម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន រួមទាំងអំណោយរបស់សម្តេចផ្ទាល់ ចែកជូនដល់បងប្អូនប្រជាពលរដ្ឋរងគ្រោះដោយសារជំនន់ទឹកភ្លៀង ចំនួន១០២១០គ្រួសារ ដែលរងគ្រោះដោយសារទឹកជំនន់ មកពីស្រុករងគ្រោះនានាក្នុងខេត្តបាត់ដំបង ។ ដែលប្រព្រឹត្តទៅនៅទីតាំងអាកាសយានដ្ឋានបាត់ដំបង ស្ថិតនៅភូមិរំចេក សង្កាត់រតនៈ ក្រុងបាត់ដំបង ខេត្តបាត់ដំបង ដោយមានការអញ្ជើញចូលរួមពី គណៈប្រតិភូអមដំណើរ ក្រុមប្រឹក្សារខេត្ត អភិបាលនៃគណៈអភិបាលខេត្ត មន្ទីរ អង្គភាព មន្រ្តីរាជការជុំវិញខេត្ត និងអាជ្ញាធរមូលដ្ឋានគ្រប់ជាន់ថ្នាក់ ព្រមប្រជាពលរដ្ឋជាច្រើនរូបផងដែរ។
សូមជម្រាបផងដែរថា ក្រុងបាត់ដំបង មាន១០សង្កាត់ ៦២ភូមិ មានគ្រួសារសរុប ចំនួន២៩.៤៥៣គ្រួសារ បានរងគ្រោះដោយសារទឹកជំនន់ទឹកភ្លៀង និងជំនន់ទឹកស្ទឹងសង្កែ ដែលបណ្តាលឱ្យលិចលង់ផ្ទះសម្បែងរបស់ប្រជាពលរដ្ឋចំនួន៤.៩២៦គ្រួសារ និងបានជម្លៀសប្រជាពលរដ្ឋមកទីទួលមានសុវត្ថិភាពចំនួន១៩១គ្រួសារ។ ជាងនេះទៀត នៅទូទាំងខេត្តបាត់ដំបង ជំនន់ទឹកភ្លៀងបានធ្វើឲ្យប៉ះពាល់ដល់ស្រុកចំនួន១០ មានឃុំចំនួន៩៦ ក្នុងចំណោម១៤ក្រុង-ស្រុករបស់ខេត្តបាត់ដំបង ដោយគិតត្រឹមថ្ងៃទី២ ខែវិច្ឆិកា ឆ្នាំ២០២០ ដំណាំស្រូវរងផលប៉ះសរុបមានចំនួនជិត១៣ម៉ឺនហិកតា ស្រូវខូចខាតចំនួនជាង៤ម៉ឺនហិកតា។ ដំណាំសាកវប្បកម្ម ពោតស ម្នាស់ និងបន្លែ ប៉ះពាល់សរុបចំនួនជិត១៥០០ហិកតា ក្នុងនោះផ្ទៃដីខូចខាតមានចំនួន៧៤៣ហិកតា ដំណាំកសិ-ឧស្សាហកម្ម ដំឡូងមី ពោតក្រហម សណ្តែកបាយ សណ្តែកសៀង និងល្ងរ ប៉ះពាល់ សរុបមានចំនួនជាង៥ម៉ឺន៦ពាន់ហិកតា ក្នុងនោះខូចខាត ចំនួនជាង ៣ម៉ឺន៦ពាន់ហិកតា។
ជាងនេះទៀត អំណោយដ៏ថ្លៃថ្លារបស់សម្ដេចអគ្គមហាសេនាបតីតេជោ ហ៊ុន សែន និងសម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន រួមទាំងអំណោយរបស់សម្តេចក្រឡាហោមផ្ទាល់ ដែលបានចែកជូនដល់បងប្អូនប្រជាពលរដ្ឋទាំង១០២១០គ្រួសារ ដែលរងគ្រោះដោយសារទឹកជំនន់នាពេលនេះរួមមានៈ ស្រូវពូជ សម្ភារប្រើប្រាស់ និងគ្រឿងឧបភោគបរិភោគ ព្រមទាំងថវិកាមួយចំនួនផងដែរ៕
រូបភាព៖ ក្រសួងមហាផ្ទៃ
![](https://blogger.googleusercontent.com/img/b/R29vZ2xl/AVvXsEir1iD4dsJM48GZRWQ5Zp-gq4yGHL-9jUoK2POoumx2MTTkqIVuYFCnpjA5zWc0hRQDB4XD-ETkP8ugvnB4ck2SX5OQLbrWExcSGY5LlCxRPJ4E-w0M-guDU72UTtQVIs4DwTpXF3k9Ebg/s0/FB_IMG_1604802080804.jpg)
![](https://blogger.googleusercontent.com/img/b/R29vZ2xl/AVvXsEiQHO3hYCl02jEFO-mSRJ_z1u9N4WqVjudD7H2gSOSD9nzLiGzqd4qNvyc5RH7dwgjxRziTvzjEXRZLzcpdj1yyWh8PBYhMSdu_01Zlk29C9g11KMhQKg_dXQHZ7OVdJ78QOjzMgQLNvdY/s0/FB_IMG_1604802083433.jpg)
![](https://blogger.googleusercontent.com/img/b/R29vZ2xl/AVvXsEifhW9dytGI0kPlUNokrQi_TQbEwN3DJD6yHjX8pok-8UNri-1gKzSEJxcnH0MVN9c_feSWjrLXw3JOCl9u4-lAfod-ZzTtE2BJMxNZAsBAq7jLDfyc4ntaKNJgI-jJhhOTeV4o4jsbFyI/s0/FB_IMG_1604802090482.jpg)
![](https://blogger.googleusercontent.com/img/b/R29vZ2xl/AVvXsEgVnjnPpfnhtyTf2os-aD_6Tb6yqlP8m8jyRrpfEUNu7fdXPyQy-Db28lpbhv_h3OzdtQd8z5ap5tEwGXplrAiLrX-YeZNF9kaSCC5XPrN3a_Z6ntNQAHjty6X6PFpkVJ-i-j-VYigRyL8/s0/FB_IMG_1604802092890.jpg)
![](https://blogger.googleusercontent.com/img/b/R29vZ2xl/AVvXsEjKa4NJRTXHDSU90y8QKTWYmVv_qMkPmsoqgIjZ7qJeak35d1QDO_4Uqw4b3zTr4N2p_0oLguVGT6WS5GW4nC7DZMFyB3xnFCfQZo3KJ_xLiPINR-fLGd9rcTnsj51khX96Owpr8Fsu1OU/s0/FB_IMG_1604802095153.jpg)
![](https://blogger.googleusercontent.com/img/b/R29vZ2xl/AVvXsEh2d_uto2vjj2Xi7kzo7qxGipD750NnejNC7zZked71Z54NhXSYaTVn0M2wWQRUL9HIsU0eTh9HolO5QtytwIQMogzQFNiRapivGHoFxODqETkpEXLa0BnCCWS1gQhcigsoBJ1B_i6vSCo/s0/FB_IMG_1604802097372.jpg)
![](https://blogger.googleusercontent.com/img/b/R29vZ2xl/AVvXsEj1K6R_JWBZOSoVFLN0xbIpExxQ-m2BTU4nBiWiC-U9zencByFbUrHjVSwABYx8uyNy6sb8duhZsQH7SPcq-G9tFSYyh7EWOCUCubGzfseRBCLsD_8_1Gnovuc_MMzTlwdRyXP9j0vwPD8/s0/FB_IMG_1604802104615.jpg)
No comments