ខណ្ឌដង្កោ៖ ទីតាំងល្បែងស៊ីសង «មាន់ជល់ហាយឡាយ បង្គប់អាប៉ោង» កំពុងប្រមូលផ្ដុំគ្នាលេង យ៉ាងអនាធិបតេយ្យ

ខណ្ឌដង្កោ៖ ទីតាំងល្បែងស៊ីសង «មាន់ជល់ហាយឡាយ បង្គប់អាប៉ោង» កំពុងប្រមូលផ្ដុំគ្នាលេង យ៉ាងអនាធិបតេយ្យ

ភ្នំពេញ៖ ទីតាំងល្បែងស៊ីសងដុះស្លែ «មាន់ជល់ ហាយឡាយ បង្គប់អាប៉ោង» មួយកន្លែងស្ថិតនៅភូមិគោកឪឡឹក សង្កាត់ស្ពានថ្ម ខណ្ឌដង្កោ កំពុងប្រមូលផ្ដុំគ្នាលេង យ៉ាងអនាធិបតេយ្យ ដោយមិនទាន់មានអាជ្ញាធរនិងសមត្ថកិច្ចមូលដ្ឋានចុះបង្ក្រាបឡើយ។

ប្រជាពលរដ្ឋបានសម្តែងការព្រួយបារម្ភយ៉ាងខ្លាំង ប្រាប់សារព័ត៌មានថា៖ ទីតាំងល្បែងស៊ីសងខុសច្បាប់ខាងលើនេះ បានបើកដំណើរការលេងជាប្រចាំ និងហ៊ោកញ្ជ្រៀវ ឡូឡា ពេល ឈ្នះចាញ់ម្ដងៗ។

ជុំវិញករណីខាងលើប្រជាពលរដ្ឋបាន ត្អូញត្អែរ និងរិះគន់ មន្ត្រីថ្នាក់ក្រោម ដោយពោលពាក្យថា៖ «អ្នកញៀនល្បែងជាច្រើនកំពុងតែប្រមូលផ្ដុំគ្នាលេងយ៉ាងកក្រើកក្រែងពេញ មូលដ្ឋានបែរជាមើលមិនឃើញ»។

ប្រជាពលរដ្ឋជាច្រើនសុំអំពាវនាវដល់ លោក ជឹម ស៊ីថាអធិការនគរបាលខណ្ឌដង្កោ សូមមេត្តាចាត់វិធានការទប់ស្កាត់បទល្មើសល្បែងស៊ីសងខុសច្បាប់ខាងលើនេះផងទាន ដើម្បីភូមិសង្កាត់មានសុវត្ថិភាព៕