សុំណុំរឿងប៉ុនប៉ងរំលោភសម្លាប់ នៅខណ្ឌពោធិ៍សែនជ័យ ដែលសមត្ថកិច្ចកប់ទុកអត់មានវិធានការ ពេលនេះ គ្រួសារជនរងគ្រោះ ក្លាយទៅជាជនសង្ស័យ_វគ្គ២
![](https://blogger.googleusercontent.com/img/b/R29vZ2xl/AVvXsEhLOH4-0SJwl2t-T8pKyy4v1KlSnO_MQoFjrHu7QFcukliXr9sx1zmprr1kqVxwhegeI4v577TmlOMiRgTpWrLpfxQzqdB9WN-0_dMpAm8c7vw_mwrM-zxn8PpyLelWNIRgVmJDSJgI6CC5Z6AzqzMMCfasqubPDkKBBOv2P1RDijcilKlrhvsaIr5w/s1600/Picsart_22-11-29_21-23-32-176.jpg)
សុំណុំរឿងប៉ុនប៉ងរំលោភសម្លាប់ នៅខណ្ឌពោធិ៍សែនជ័យ ដែលសមត្ថកិច្ចកប់ទុកអត់មានវិធានការ ពេលនេះ គ្រួសារជនរងគ្រោះ ក្លាយទៅជាជនសង្ស័យ_វគ្គ២
ផ្សាយនៅថ្ងៃទី២៩ ខែវិច្ឆិកា ឆ្នាំ២០២២ វេលាម៉ោង២១:៣៨នាទីបន្ទាប់ពីសារព័ត៌មានជាច្រើនអង្គភាពធ្វើការចុះផ្សាយ ជុំវិញពាក្យបណ្តឹងប្តឹងពីបទប៉ុនប៉ងរំលោភសម្លាប់ នៅខណ្ឌពោធិ៍សែនជ័យ ដែលសមត្ថកិច្ចកំពុងតែរក្សាភាពស្ងៀមស្ងាត់ ដោយយកសុំណុំរឿងទៅកប់ទុកឥតចាត់វិធានការ អស់រយៈពេលជាង១ខែ ស្រាប់តែនៅរសៀលថ្ងៃទី២៩ ខែវិច្ឆិកា ឆ្នាំ២០២២នេះ សមត្ថកិច្ចនៃអធិការដ្ឋាននគរបាលខណ្ឌពោធិ៍សែនជ័យ បានអញ្ជើញម្ចាស់ដើមបណ្ដឹងទៅសួរនាំឆ្លើយបំភ្លឺ! ប៉ុន្តែអ្វីដែលធ្វើឱ្យម្ចាស់ដើមបណ្ដឹងឈឺចិត្ត គឺសុំណុំរឿងប៉ុនប៉ងរំលោភសម្លាប់ខាងលើនេះ ត្រូវបានសមត្ថកិច្ចយកទៅរក្សាទុកអត់មានវិធានការ រហូតធ្វើឱ្យគ្រួសារជនរងគ្រោះ ក្លាយទៅជាជនសង្ស័យ។
បើយោងតាមកំណត់ហេតុសួរឆ្លើយបំភ្លឺ ដែលសារព័ត៌មានយើងទទួលបាននៅល្ងាចថ្ងៃទី២៩ខែវិច្ឆិកានេះបានឱ្យដឹង «កាលពីថ្ងៃទី២៧ ខែតុលា ឆ្នាំ២០២២ កន្លងទៅជាង១ខែ មានករណីករណីប៉ុនប៉ងរំលោភសេពសន្ថវៈស្ថិតនៅផ្លូវទ័ពអាកាស ភូមិតាងួន១ សង្កាត់កាកាប១ ខណ្ឌពោធិ៍សែនជ័យ រាជធានីភ្នំពេញ បង្កដោយជនសង្ស័យម្នាក់ភេទប្រុសអាយុប្រហែល៥០ឆ្នាំមិនស្គាល់អត្តសញ្ញាណបានចូលជួលបន្ទប់ស្នាក់នៅ ក្នុងផ្ទះសំណាក់ រួចក៏ចាប់បង្ខំឱ្យស្ត្រីជាម្ចាស់ផ្ទះសំណាក់ឱ្យគេងរួមភេទជាមួយ ដោយធ្វើសកម្មភាពចាប់ខ្ទប់មាត់ស្ត្រីរងគ្រោះ និងបានគំរាមកំហែងថានិងសម្លាប់ចោរបើសិនហ៊ានប្រាប់គេ»។
«តាមប្រភពព័ត៌មានច្បាស់ការ ដែលសារព័ត៌មានយើងទទួលនៅថ្ងៃទី២៩ ខែវិច្ឆិកា ឆ្នាំ២០២២នេះឯណេះវិញ បានបញ្ជាក់ច្បាស់ថា «ជនសង្ស័យនៅក្នុងករណីប៉ុនប៉ងរំលោភ និងគំរាមសម្លាប់មានឈ្មោះ ឆីង វិរៈមុនីរ៉េត មានមុខរបរជាមន្ត្រីយោធា» តែមិនទាន់ដឹងច្បាស់ថានៅក្នុងអង្គភាពណាឱ្យពិតប្រាកដនោះទេ។»
ប៉ុន្តែអ្វីដែលកាន់តែចំឡែកនិងធ្វើឱ្យមហាជនហួសចិត្ត ផ្ទុយពីដំណើររឿងខាងលើ ដែលក្រុមការងារសារព័ត៌មានយើងទទួលបាន បានឱ្យដឹងថាពាក្យបណ្តឹងរបស់ស្ត្រីរងគ្រោះ ប្តឹងក្នុងករណីប៉ុនប៉ងរំលោភសម្លាប់កាលពីថ្ងៃទី២៧តុលា ដែលសមត្ថកិច្ចយកសុំណុំរឿងទៅកប់ទុកឥតចាត់វិធានការ បានប្រែក្លាយឱ្យគ្រួសារជនរងគ្រោះក្លាយទៅជាជនសង្ស័យ! ដោយហេតុថា៖ «មន្ត្រីយោធាឈ្មោះ ឆីង វិរៈមុនីរ៉េត ដែលជនសង្ស័យក្នុងករណីប៉ុនប៉ងរំលោភសម្លាប់បានសម្ងំទៅដាក់ពាក្យបណ្តឹងប្តឹងគ្រួសារជនរងគ្រោះទៅកាន់សាលាដំបូងរាជធានីភ្នំពេញ ពីបទហិង្សាដោយចេតនាមានស្ថានទម្ងន់ទោស និងប្រើប្រាស់អាវុធ គំរាមសម្លាប់ និងកំហែងយកទៅវិញ នេះបើយោងតាមដីកាកោះហៅរបស់លោក ហេង ផេង ព្រះរាជអាជ្ញារងអមសាលាដំបូងរាជធានីភ្នំពេញ កោះហៅអញ្ជើញឈ្មោះ សុិន ឡូត ជាប្តីរបស់ស្ត្រីរងគ្រោះខាងលើ ឱ្យចូលទៅកាន់អយ្យការអមសាលាដំបូងរាជធានីភ្នំពេញ នៅព្រឹកថ្ងៃទី៣០ ខែវិច្ឆិកា ២០២២»។
សូមបញ្ជាក់ដែរថា៖ ករណីប៉ុនប៉ងរំលោភសេពសន្ថវៈកាលពីថ្ងៃទី២៧ ខែតុលា ឆ្នាំ២០២២ ហេតុការណ៍ពេលនោះត្រូវបានប្តីជនរងគ្រោះ ឈ្មោះ សុិន ឡូត ដឹងទាន់ទើបមានការផ្ទុះហិង្សាទៅលើជនសង្ស័យ បន្ទាប់មកស្ត្រីដែលជាជនរងគ្រោះនិងប្តីក៏បានរាយការណ៍ប្តឹងទៅសមត្ថកិច្ចមូលដ្ឋានដើម្បីឱ្យជួយអន្តរាគមន៍! បន្ទាប់ពីទទួលបានសមត្ថកិច្ចមូលដ្ឋានក៏ចុះមកដល់កន្លែងកើតហេតុភ្លាមៗផងដែរ ប៉ុន្តែជនសង្ស័យបានរត់គេចខ្លួនបាត់ស្រមោល ដោយបន្សល់ទុកនូវម៉ូតូ១គ្រឿងម៉ាក Suzuki let's យកទៅរក្សាទុកនៅប៉ុស្តិ៍នគរបាលរដ្ឋបាលសង្កាត់កាកាប១។
ស្ត្រីរងគ្រោះនិងគ្រួសារសូមអំពាវនាវទទូចស្នើសុំដល់ សម្តេចក្រឡាហោម ស ខេង ឧបនាយករដ្ឋមន្ត្រីរដ្ឋមន្ត្រីក្រសួងមហាផ្ទៃ ឯកឧត្តមនាយឧត្តមសេនីយ៍សន្តិបណ្ឌិត នេត សាវឿន អគ្គស្នងការនគរបាលជាតិ សូមសម្តេចឯកឧត្តមមេត្តាជួយអន្តរាគមន៍ក្នុងសុំណុំរឿងប៉ុនប៉ងរំលោភដែលមន្ត្រីថ្នាក់ក្រោមយកទៅរក្សាទុកអត់មានវិធានការផង។
ក្រុមគ្រួសារជនរងគ្រោះសូមអំពាវនាវស្នើសុំដល់ឯកឧត្តមលោកជំទាវរដ្ឋមន្ត្រីគ្រប់ក្រសួងស្ថាប័នពាក់ព័ន្ធជាពិសេសរដ្ឋមន្ត្រីក្រសួងកិច្ចការនារីសូមមេត្តាជួយអន្តរាគមន៍បើកការស៊ើបអង្កេតករណីប៉ុនប៉ងរំលោភពីសំណាក់មន្រ្តីយោធាខាងលើផងទាន។
ជុំវិញទៅនឹងការចុះផ្សាយករណីខាងលើនេះក្រុមការងារសារព័ត៌មានយើង នៅមិនទាន់មានការបំភ្លឺពីភាគីពាក់ព័ន្ធឈ្មោះ ឆីង វិរៈមុនីរ៉េត នោះទេព្រោះគ្មានលេខទូរស័ព្ទសម្រាប់ទំនាក់ទំនង។
ក្រុមការងារសារព័ត៌មានយើងនិងធ្វើការតាមដានចុះផ្សាយជាបន្តបន្ទាប់ជុំវិញដំណើររឿងខាងលើ និងរងចាំការបកស្រាយបំភ្លឺពីសមត្ថកិច្ចនិងភាគីពាក់ព័ន្ធទាំងសងខាងរៀងរាល់ម៉ោងធ្វើការ៕
ទំនាក់ទំនងការិយាល័យនិពន្ធ៖ 0712326664
![](https://blogger.googleusercontent.com/img/b/R29vZ2xl/AVvXsEgDBdg0D-Q5_cNGthxUcDLBGm9IluKc4DtxhnQINtBgeK95b90quwOvwIZ1X0CY_Ui5EQwRecYGHpGTIMOchqaDhXRfc4h99rhYsl4pDO9Op9Ncj4XFhWzhEwXGwZZbfmBYlZWssIbQrEtAOmp_t0O9_mC40dCT71vCI5HmBY5F0A9a9Oo7ZgVt3mK5/s1600/118245.jpg)
![](https://blogger.googleusercontent.com/img/b/R29vZ2xl/AVvXsEh4M9o3TqszN9q5pvRFxnV-EGupz54b02nBSYtB-QuQoMS60A3cXTBZo91LYIAq7yZrY6PdqoYvMrd4LbXT6LQBu8yBp5EnqB2L4LrX4ne1wg6cz-6lZOEbKAauV-3v2pdyjiB9byvH7hHhi08Q8EqRRBipHV8U3JXv5z9SrFhO0vYB68oPuRxGrK0p/s1600/IMG_20221129_212427.png)
![](https://blogger.googleusercontent.com/img/b/R29vZ2xl/AVvXsEhbptM3FNaV9pdK2GIbhpP2eiYg0Nho784pmw6X4rW_LUWYhuZh5nY8GgYF2dgbZxfUOwmiTjp1PcE6cuELWEzxPYU0AQd3cW0FRE13rMSxLIEUO1Q-isBgUYkycO3pIqaZniqSxO8TXi4q5blSaT9tIKNkCXw4AKFsbq7ef-kZLOf2Oxq8PQCp3eyk/s1600/73769-768x512.2e16d0ba.fill-960x540.jpg)
![](https://blogger.googleusercontent.com/img/b/R29vZ2xl/AVvXsEj9jgaabvqVfe6zINpcm5YyCR92ph8EWVPcDIJA-hSCUJeJn4V_a4nMlbq5Qb_FrHtMGlkGDGvlgubRUmL0NrNAHw-EzVr4UBRT4rHfRtChc64ufCwpqRPW0L-9t0gp3x2Nt_w64aqrl4q4ranGsFEkeraTTAQn5aZv2PZ1Ln4au-98-0GwZLNReTa-/s1600/IMG_20221129_092909.jpg)
![](https://blogger.googleusercontent.com/img/b/R29vZ2xl/AVvXsEilXA8ZQkrsUy72N8MMTvliEuBhr18QWHyuEauACG6Hf-69sQ7ikMDRoBb3wiGZNtItUEs7SqfKnxKm3hMC6dm8V3TXJJjgJSqYkyB2B3sMnSSzv0HjYtFhXuYGiJzLfygB3DDCaWJ_ybgTPv2JstLeZsv3oUIGyiMCeBNW2uhEyHQ3HXc9BUnzfLUD/s1600/IMG_20221129_092757.jpg)
![](https://blogger.googleusercontent.com/img/b/R29vZ2xl/AVvXsEjGckKvGsP9ZdlgjzkqEybeclVCFQ9q9J8jW2gHCATui2xraczCe5y_x9mY-goEdnqEy3vaBnyYfDrFE9u3ka36lcxTm3ZL7detJPp8HZE6MvUWGejquuHSg3gJbbP-BfjSitrc1lEC6DsCFl2ONXEvZdm7FIpPEQd9UxmHEtovtJ-6T0BUCzECBg0r/s1600/IMG_20221129_211811.jpg)
![](https://blogger.googleusercontent.com/img/b/R29vZ2xl/AVvXsEh0Wj84BCqC97OZYuOZKQkMP2gvA57xuUdSLrAuKFaEpY5ie-SJTVDEqjyUH7SETKO7DVZEYjVFv8-m9UlwHOT5XFMW1QqgVqikZjBc_6td74cFQJwpumWHU835P-o0H4x3G3_1UDVG5uWhueJfJ0Q9F4F4gaD-vWLVpK8reF8vKOXbYZH4H8HrOVif/s1600/IMG_20221129_213125.jpg)
![](https://blogger.googleusercontent.com/img/b/R29vZ2xl/AVvXsEjjylBwJRTTNaNxMNol9u3O7yMqY89XglNBaVRNJnPx7ZkVsL4zbaGVnfpc74kAgr5HK9M6TwPhUbtlWVnwK01tUj73tHvNpkVsnSbk96SOgrFv8iZFcrvAmLNpDC8SCt8PLy_izu2_Jnj2-FVHeprscxWNI8j81PcQzzQHvHg-DaV3Q7vBCroSQn_I/s1600/IMG_20221129_213505.jpg)
![](https://blogger.googleusercontent.com/img/b/R29vZ2xl/AVvXsEige3KBwQ3JiWo-hkJ6W6O6oQUwD7800mq2CR4hEJEHn-2xir9_C8JhtIbJXAj9Hu2-ANs8GY_aF2FKztEZPeM2i7lDQlp9zUMZ0WU1uqBqlS6uFvjxA9LZmu3cyXxZPxqrB3Cl0KbsezyqK05INSZ7cbt5ZGlEj1UthE40BJLAUa8YViG1HTbKIpNe/s1600/IMG_20221128_222255.jpg)
![](https://blogger.googleusercontent.com/img/b/R29vZ2xl/AVvXsEj1IMtClCRvqwWKNDK_s4CcmRvL1JfDODF2Jw7P7Vv5Kx7-Wb_2gY7EMGSpOeGYgQTLM40FIbx8n-SkCvDdlyfRfTVjWokoBr06cKDa4B06vXzE1YBGn0mP_7zOpHGIhwSCp-DCqqNSc-3GxALM6LHezX6FBut5luErdocbJdxJ6kJl5SMWSj40RJkA/s1600/IMG_20221128_224737.jpg)
![](https://blogger.googleusercontent.com/img/b/R29vZ2xl/AVvXsEjaCWgKwgcS1zs1m1a2CclddTaQjRvLDm8GtC__YQ6WGW6fnKsKhqsiQsR6EoZyfw0tzZY1SP7F0NJ5GeabJ4Pj13uhIJ-W3v6cMtFpaDBxh_jJWNQlTeZcuQzWPqOxOFHsWNuMNWPUVxreOnkZnVfHXSyQkxVIAcdo9krYB6wQF2cfhHtrqxYjNICb/s1600/IMG_20221129_213832.jpg)
No comments