ឃាតកម្មយ៉ាងសាហាវព្រៃផ្សៃ សម្លាប់មនុស្ស ០៤នាក់​ ឪពុក ម្នាក់ និងកូន ០៣នាក់ នៅសល់តែប្រពន្ធដែលទៅធ្វើការបាត់ដោយមិនដឹងមូលហេតុ

(ព័ត៌មានបឋម)
ភ្នំពេញ​ ៖​ កាលពីវេលាម៉ោង ១០:២០នាទីយប់ ថ្ងៃទី២៦ ខែសីហា ឆ្នាំ២០២០ មានករណីឃាតកម្មដ៏រន្ធត់មួយ នៅចំណុចផ្លូវ ភូមិឧកញ៉ាវាំង សង្កាត់ភ្នំពេញថ្មី ខណ្ឌសែនសុខ រាជធានីភ្នំពេញ។
ក្នុងករណីឃាតកម្មនេះបានសម្លាប់មនុស្ស ០៤នាក់  ឪពុក ម្នាក់ និងកូន ០៣នាក់ យ៉ាងសាហាវព្រៃផ្សៃបំផុត នៅសល់តែប្រពន្ធដែលទៅធ្វើការបាត់ដោយមិនដឹងមូលហេតុ។
តាមការអោយដឹងពីប្រពន្ធជនរងគ្រោះឈ្មោះឌឹម សុខជាតិ ភេទស្រី អាយុ៣៨ មានមុខរបរជាកម្មកានីរោងចក្រ លីអូ ទួលសង្កែ
បានឲ្យដឹងថាប្តីនឹងកូនស្រី៣នាក់ស្លាប់មានឈ្មោះ៖
ទី១.ប្តីឈ្មោះជា សុខជុំ ភេទប្រុស អាយុ៤០ឆ្នាំ មានមុខរបររត់ម៉ូតូកង់បី
ទី២ . កូនឈ្មោះជុំ ម៉េងជូ ភេទស្រី អាយុ១៦ឆ្នាំ
ទី៣ . កូនឈ្មោះជុំ ម៉េងចិន ភេទស្រី អាយុ៥ឆ្នាំ
ទី៤ . កូនឈ្មោះជុំ ម៉េងជៀន ភេទស្រី អាយុ៤ឆ្នាំ។
ពេលនេះសមត្ថកិច្ច កំពុងតែធ្វើការស៊ើបអង្កេតលើករណីនេះ ដើម្បីស្រាវជ្រាវស្វែងរកឃាតករ ។