កម្លាំងជំនាញអធិការដ្ឋាននគរបាលស្រុកកងមាស សហការជាមួយកម្លាំងប៉ុស្តិ៍នគរបាលរដ្ឋបាលកងតាណឹង ឆ្មក់បង្ក្រាប ករណីនេសាទត្រីខុសច្បាប់

ស្រុកកងមាសនៅថ្ងៃទី១២ ខែសីហា ឆ្នាំ២០២០ វេលាម៉ោង០៥:០០នាទីព្រឹក ក្រោយទទួលបានបទបញ្ជាពីលោក​ឧត្ដម​សេនីយ៍ទោ ឯម កុសល ស្នងការ​នគរបាល​ខេត្ត​កំពង់ចាម​ភ្លាម លោកវរសេនីយ៍ឯក ជា ជួន  អធិការ​នគរបាល​ស្រុកកងមាស​ បានចាត់កម្លាំងជំនាញអធិការដ្ឋាននគរបាលស្រុកកងមាស សហការជាមួយកម្លាំងប៉ុស្តិ៍នគរបាលរដ្ឋបាលកងតាណឹង និងកំលាំងប្រជាការពារ  ដឹកនាំដោយលោកវរសេនីយ៍ត្រី រ៉េត ចាន់លី អធិការរងនគរបាលស្រុកកងមាស ចុះបង្ក្រាបបទល្មើសនេសាទខុសច្បាប់(រ៉ាវ លូស្បៃមុង)នៅតាមបណ្ដោយមាត់ទន្លេមេគង្គ ស្ថិតនៅក្នុងភូមិសាស្រ្តឃុំកងតាណឹង ស្រុកកងមាស ខេត្តកំពង់ចាម។
+ក្នុងនោះយើងបង្រ្កាបបាន
១-រ៉ាវ ចំនួន៣៤មាត់
២-របាំងព្រួលចំនួន៣០០ម៉ែត្រ
៣-ស្បៃមុងចំនួន៣២មាត់
៤-របាំងព្រួលចំនួន២៥០ម៉ែត្រ
៥-បង្គោល២០០ដើម
៦-លែងកូនត្រីចូលក្នុងទន្លេវិញចំនួន៥០គីឡូក្រាម។ 
វត្ថុ​តាងដែល​រឹបអូសបានខាងលើ ជំនាញបានកាប់បំផ្លាញ និងដុតចោលនៅកន្លែងកើតហេតុ ដោយមានការឯកភាព ពីឯកឧត្តម​ព្រះរាជអាជ្ញាអមសាលា​ដំបូងខេត្ត​កំពង់ចាម​ផងដែរ៕