ជនសង្ស័យពីរនាក់ជិះម៉ូតូស្កូបពី១គ្រឿងធ្វើសកម្មភាពឆក់កាបូបពីជនរងគ្រោះបានសម្រេចនៅខណ្ឌទួលគោក

ភ្នំពេញ៖ ករណីដ៏គួរឲ្យភ្ញាក់ផ្អើលខាងលើនេះកើតឡើងកាលពីវេលាម៉ោង៥និង៣៥នាទី ថ្ងៃទី១៦ ខែឧសភា ឆ្នាំ២០២០ ស្ថិតនៅតាមបណ្តោយផ្លូវ៣១៥ សង្កាត់បឹងកក់១ ខណ្ឌទួលគោក រាជធានីភ្នំពេញ។
តាមប្រភពពីនារីរងគ្រោះបានបញ្ចាក់ថា  ខ្លួនបានជិះម៉ូតូមកដល់ចំណុចផ្សារTK តាមបណ្ដោយផ្លូវលេខ៣១៥ លុះបានឃើញម៉ូតូម៉ាកស្កូពីមួយគ្រឿងជិះគ្នាពីរនាក់ មកឆក់កាបូបរបស់នាងបានសម្រេច រួចបើករត់បាត់ស្រមោល។
រាល់ព័ត៌មានបន្ថែមបន្ថែមបានឲ្យដឹងថា ទ្រព្យសម្បត្តិដែលបានជនសង្ស័យឆកយកទៅនោះរួមមាន កាបូបដៃមួយ រួមនឹងទូរសព្ទដៃចំនួន២គ្រឿង និងចិញ្ចៀនពីរវង់ផងដែរ។
ក្រោយកើតហេតុក្រុមគ្រួសាររបស់នារីដែលជាជនរងគ្រោះក៍បានមកដល់កន្លែងកើតហេតុ ហើយក៍ជូននារីជនរងគ្រោះទាំងនោះ ទៅដាក់ពាក្យបណ្តឹងនៅឯប៉ុស្ដិ៍នគរបាលបឹងកក់១ ក៏ប៉ុន្តែអ្វីដែលមិននឹកស្មាននោះ គឺមេប៉ុស្ដិ៍បឹងកក់១ ហាក់បីដូចជាមិនចង់ទទួលនៅពាក្យបណ្តឹងពីប្រជាពលរដ្ឋដែលបានមកប្ដឹងនោះសោះឡើយ។