រកស៊ីដឹកដី សូមគិតពីសុវត្ថិភាពអ្នកធ្វើដំណើរផង កុំគិតតែផលប្រយោជន៍ផ្ទាល់ខ្លួន

រកស៊ីដឹកដី សូមគិតពីសុវត្ថិភាពអ្នកធ្វើដំណើរផង កុំគិតតែផលប្រយោជន៍ផ្ទាល់ខ្លួន

កំពង់ចាម៖ អ្នកធ្វើដំណើរតាមផ្លូវបានធ្វើការរិះគន់ទៅលើក្រុមហ៊ុនរកស៊ីដឹកដីនិងអាជ្ញាធរមូលដ្ឋាន ថា មិនបានយកចិត្តទុកដាក់ នាំឲ្យផ្លូវបេតុងមួយខ្សែពោរពេញដោយកំណកដី ដែលនាំឲ្យអ្នកជិះម៉ូតូរអិល ប៊ិះដួលស្ទើរតែគ្រប់ៗគ្នា ។

តាមប្រភពព័ត៌មានដែល «កងមាស» ទើបទទួលបាន នៅថ្ងៃទី១៤ ខែកក្កដា ឆ្នាំ២០២១នេះ បានឲ្យដឹងថា «ផ្លូវបេតុងមួយខ្សែ ដែលធ្វើដំណើរពីវត្តអំពិល ស្ពានទី២ ក្នុងស្រុកស្រីសន្ធរ ខេត្តកំពង់ចាម បានក្លាយជាកំណកដីដែលនាំឲ្យអ្នកធ្វើដំណើរពិបាកធ្វើដំណើរជាខ្លាំង ភាគច្រើនជាអ្នកជិះម៉ូតូដែលនាំឲ្យរអិលបិះដួលស្ទើរគ្រប់ៗគ្នា»។

ប្រជាពលរដ្ឋក្នុងនិងក្រៅមូលដ្ឋានសំណូមពរដល់ក្រុមហ៊ុនរកស៊ីដឹកដីនិងអាជ្ញាធរមូលដ្ឋាន មេត្តាជួយពិនិត្យជុំវិញបញ្ហានេះផង៕