គេហទំព័រ កងមាស​ សូមថ្លែងអំណរអរគុណយ៉ាងជ្រាលជ្រៅ ដល់សម្ដេច ទ្រង់ ឯកឧត្តម អ្នកឧកញ៉ា លោកជំទាវ លោក លោកស្រី អ្នកនាងកញ្ញា និង បងប្អូនប្រិយមិត្ត ជនរួមជាតិទាំងក្នងនិងក្រៅប្រទេស ដែលបានចូលមកកាន់ គេហទំព័រ កងមាស សូមជួបតែ សេចក្ដីសុខ សេចក្ដីចំរើន ក្នុងក្រុមគ្រួសារ ។ សូមអរគុណ !!!

Header Ads

ad728
  • ព័ត៌មានថ្មីៗ

    អាជ្ញាធរខេត្តកណ្តាលព្រមានបិទអាជីវកម្ម​ដឹក​ខ្សាច់ ដី ថ្ម គ្រួស បើ​ម្ចាស់មិន​គោរព​តាមកិច្ចសន្យា និងច្បាប់ពាក់ព័ន្ធ

    អាជ្ញាធរខេត្តកណ្តាលព្រមានបិទអាជីវកម្ម​ដឹក​ខ្សាច់ ដី ថ្ម គ្រួស បើ​ម្ចាស់មិន​គោរព​តាមកិច្ចសន្យា និងច្បាប់ពាក់ព័ន្ធ

    ខេត្តកណ្ដាល៖ លោក ណុប តារ៉ា អភិបាលរងខេត្ត​កកណ្ដាលកាលពីថ្ងៃទី១៨ ខែតុលា ឆ្នាំ២០២១ បានព្រមាន​ដល់​ម្ចាស់​អាជីវកម្ម​រកស៊ី​ដឹកជញ្ជូន​ខ្សាច់ ដី និងថ្ម ណា​ដែល​មិន​គោរព​តាមកិច្ចសន្យា និងច្បាប់ពាក់ព័ន្ធនានា ​ជាពិសេស​ម្ចាស់​អាជីវកម្ម​ដែល​កំពុង​ធ្វើ​អាជីវកម្មដោយគ្មានអាជ្ញាប័ណ្ណត្រឹមត្រូវ​ អាចប្រឈមនិងការបិទអាជីវកម្ម។

    លោកបញ្ជាក់ថា កិច្ចប្រជុំនេះគឺមានសារៈសំខាន់ណាស់ គឺជាការជួបគ្នាផ្ទាល់ រវាងម្ចាស់អាជីវកម្ម និងអាជ្ញាធរពាក់ព័ន្ធ ដើម្បីក្រើនរំលឹក និងណែនាំដល់ម្ចាស់អាជីវកម្ម ឲ្យអនុវត្តតាមកិច្ចសន្យា និងច្បាប់ពាក់ព័ន្ធនានា ចៀសវាងបង្កបញ្ហាផ្សេងៗ ដែលជាកង្វល់ដល់សាធារណជន ប៉ះពាល់បរិស្ថាន និងជា​ការ​ឆ្លើយតប​ចំពោះ កង្វល់ប្រជាពលរដ្ឋ​ដែល​តែងតែ​ត្អូញត្អែរ​អំពី​បញ្ហា​ឡាន​ដឹកខ្សាច់​ ដែល​បងបង្កឱ្យមាន​ការ​រង​ផល​ប៉ះពាល់​ដល់​ពួកគាត់​ ក៏ដូចជា ​អ្នក​ធ្វើដំណើរ​តាម​ផ្លូវ​​ ដែលបណ្តាលមកពីការ​កកស្ទះ​ និងខូចខាតផ្លូវ ដោយសាររថយន្តដឹកខ្សាច់ ដឹកដីទាំងនោះ។

    លោក ណុប ដារ៉ា ថែមទាំងបានណែនាំដល់ម្ចាស់អាជីវកម្មដឹកដី ដឹកខ្សាច់ទាំងអស់ ត្រូវត្រួតពិនិត្យលើការដឹកជញ្ជូន ត្រូវធ្វើយ៉ាងណាឱ្យស្របច្បាប់ គោរពឱ្យបានតាមកិច្ចសន្យា ម្ចាស់អាជីវកម្មត្រូវមានអាជ្ញាប័ណ្ណត្រឹមត្រូវ គោរពតាមច្បាប់ និងកិច្ចសន្យា ស្តាប់ការណែនាំរបស់អជ្ញាធរ។

    លោកបញ្ជាក់បន្ថែមទៀតថា រាល់ការដឹក ខ្សាច់ ដឹងដីត្រូវអនុវត្តតាមបទដ្ឋានបច្ចេកទេសត្រឹមត្រូវ ដឹកកុំឱ្យហុយ និងជ្រុះខ្សាច់មកលើផ្លូវ ដែលបានធ្វើឲ្យប៉ះពាល់ដល់អ្នកធ្វើដំណើរ និងប្រជាពលរដ្ឋរស់នៅតាមដងផ្លូវ។ រាល់ដឹកជញ្ជូនខ្សាច់ គ្រួស និងដី ម្ចាស់អាជីវកម្មត្រូវណែនាំដល់អ្នកដឹក ត្រូវលាងសម្អាតកង់ឡានឱ្យបានស្អាតពេលចេញពីដេប៉ូ ត្រូវគ្របឱ្យបានជិតល្អ កុំដឹកលើសទម្ងន់ បើកបរដោយក្រមសីលធម៌ ត្រូវលាងសម្អាតផ្លូវដែលប្រឡាក់ឱ្យបានងស្អាត។

    ក្នុងឱកាសនោះ លោកក៏បានស្នើដល់កម្លាំងមានសមត្ថកិច្ចត្រូវកំណត់អត្តសញ្ញាណអ្នកបើករថយន្តដឹកខ្សាច់ ដឹកដីឱ្យបានច្បាស់លាស់ស្របតាមច្បាប់ ត្រូវមានប័ណ្ណបើកបរ និងត្រូវត្រួតពិនិត្យរកសារធាតុញៀនផងដែរ។ ចំពោះ​រថយន្ត​ដឹក​ទាំងនោះ​បើមិនបាន​គោរព​ទៅតាម​ការណែនាំ​ទេ​សមត្ថកិច្ច​និង​មន្ត្រី​ជំនាញ​ត្រូវ​សហការ​ដើម្បី​ចាប់​រថយន្ត​ទាំងនោះ​យកមក​ផាកពិន័យ​ទៅតាម​ផ្លូវច្បាប់៕

    No comments

    Post Top Ad

    Post Bottom Ad


    http://www.kangmeasnews.com/
    គេហទំព័រ កងមាស​ សូមថ្លែងអំណរអរគុណយ៉ាងជ្រាលជ្រៅ ដល់សម្ដេច ទ្រង់ ឯកឧត្តម អ្នកឧកញ៉ា លោកជំទាវ លោក លោកស្រី អ្នកនាងកញ្ញា និង បងប្អូនប្រិយមិត្ត ជនរួមជាតិទាំងក្នងនិងក្រៅប្រទេស ដែលបានចូលមកកាន់ គេហទំព័រ កងមាស សូមជួបតែ សេចក្ដីសុខ សេចក្ដីចំរើន ក្នុងក្រុមគ្រួសារ ។ សូមអរគុណ !!!
    រក្សាសិទ្ធិ​គ្រប់យ៉ាងដោយ គេហទំព័រ កងមាស
    "គេហទំព័រ កងមាស" ដំណើរការ​តាមប្រកាសលេខ...ចុះថ្ងៃទី...ខែ...ឆ្នាំ ២០...
    គេហទំព័រ កងមាស​ មានទីស្នាក់ការស្ថិតនៅ ផ្លូវលំ ភូមិទី២ ឃុំកងតាណឹង ស្រុកកងមាស ខេត្តកំពង់ចាម
    សម្រាប់ព័ត៌មានបន្ថែម សូមទំនាក់ទំនងតាមលេខ +855 77 90 666 4
    Copyright © 2020 កងមាស | រចនាគេហទំព័រដោយ បាយ័ន​ មុខគុជ