អាគារថ្មីរបស់ប៉ុស្តិ៍នគរបាលចំនួន០៣បន្ថែម បានជួយសម្រួលក្នុងការបំពេញការងារប្រចាំថ្ងៃ និងបានផ្ដល់សេវាសំណូមពីបងប្អូនប្រជាពលរដ្ឋកាន់តែឆាប់រហ័ស
អាគារថ្មីរបស់ប៉ុស្តិ៍នគរបាលចំនួន០៣បន្ថែម បានជួយសម្រួលក្នុងការបំពេញការងារប្រចាំថ្ងៃ និងបានផ្ដល់សេវាសំណូមពីបងប្អូនប្រជាពលរដ្ឋកាន់តែឆាប់រហ័ស
ផ្សាយនៅថ្ងៃទី១៩ ខែមីនា ឆ្នាំ២០២២ វេលាម៉ោង១៩:២៨នាទីកំពង់ចាម៖ នៅព្រឹកថ្ងៃទី១៩ ខែមីនា ឆ្នាំ២០២២ លោកឧត្តមសេនីយ៍ទោ ឯម កុសល ស្នងការនគរបាលខេត្តកំពង់ចាម បានចុះត្រួតពិនិត្យការសាងសង់ ជួសជុល កែលម្អរ នូវអាគារមួយចំនួនក្នុងស្រុកកោះសូទិន និងស្រុកស្រីសន្ធរ៖
ទី១-ស្រុកកោះសូទិន ប៉ុស្ដិ៍នគរបាលរដ្ឋបាលមហាខ្ញូង សាងសងរួចរាល់១០០% មានទំហំ ១១មx៩ម ប៉ុស្ដិ៍នគរបាលរដ្ឋបាលព្រែកតានង់ សាងសង់សម្រេចបាន៥០% មានទំហំ ១១មx៩ម។
ទី២-ស្រុកស្រីសន្ធរ ប៉ុស្ដិ៍នគរបាលរដ្ឋបាលកោះអណ្ដែត សាងសងរួចរាល់១០០% មានទំហំ ១១មx៩ម ការត្រៀមបន្តជួសជុលកែលម្អរ ផ្នែកខាងក្នុងនៃអគារអធិការរដ្ឋាន ដេីម្បីរៀបចំបង្ករឲ្យមានលក្ខណ:ជាទម្រង់ សមស្របតាមបណ្ដាផ្នែកជំនាញនីមួយៗ បម្រើការងារ និងទុកដាក់ឯកសារឲ្យបានងាយស្រួល ព្រមមានទាំងរោងសម្រាប់ទុកមធ្យោបាយ សម្ភារៈ បន្ទប់សម្រាករបស់កម្លាំងអន្តរាគមន៍ពិសេស និងរោងអាហារ ជាដេីម។
សូមបញ្ជាក់ផងដែរថា អាគារប៉ុស្ដិ៍ទាំងបីនេះ បានសាងសង់សមស្របតាមបច្ចេកទេសបទដ្ឋានជាទម្រង់របស់ក្រសួងមហាផ្ទៃ និងការជួសជុលកែលម្អរអាគារអធិការដ្ឋាននេះ ដោយទទួលបានការផ្តួចផ្ដេីមកសាងពីសំណាក ឯកឧត្ដម នាយឧត្តមសេនីយ៍ សន្តិបណ្ឌិត នេត សាវឿន អគ្គស្នងការនគរបាលជាតិ ឯកឧត្ដម អ៊ុន ចាន់ដា អភិបាលនៃគណៈអភិបាលខេត្តកំពង់ចាម ឯកឧត្តមឧត្តមសេនីយ៍ទោ ឯម កុសល ស្នងការ នៃស្នងការដ្ឋាននគរបាលខេត្តកំពង់ចាម លោក-លោកស្រីអធិការ-អធិការរង រហូតដល់មន្រ្តី នៃអធិការដ្ឋាននគរបាលស្រុកកោះសូទិន និងស្រុកស្រីសន្ធរ ព្រមទាំងសប្បុរសជននានា ក្នុងនិងក្រៅស្រុក ដែលត្រូវចំណាយអស់ថវិកាប្រមាណជាង៧មុឺនដុល្លារអាមេរិច និងគ្រោងនឹងសម្ពោធឲ្យប្រេីប្រាស់ជាផ្លូវការណ៍ នាពេលឆាប់ៗខាងមុខនេះ។
ក្នុងឱកាសចុះត្រួតពិនិត្យនោះដែរ លោកឧត្តមសេនីយ៍ស្នងការ ក៏បានណែនាំ និងពង្រឹងបន្ថែមអំពីតួនាទីភារកិច្ចរបស់ប៉ុស្តិ៍នគរបាលរដ្ឋបាល ដែលត្រូវអនុវត្តការងារឲ្យមានប្រសិទ្ធភាពខ្ពស់ ព្រមទាំងបាននាំយកអំណោយដ៏ថ្លៃថ្លារបស់ ឯកឧត្តម នាយឧត្តមសេនីយ៍ សន្តិបណ្ឌិត អគ្គស្នងការ នគរបាលជាតិ នូវថវិកា និងគ្រឿងឧបភោគបរិភោគមួយចំនួន ឧបត្ថម្ភដល់កម្លាំងប៉ុស្តិ៍នគរបាលរដ្ឋបាល ផងដែរ៕
About កងមាស
No comments