សម្តេចតេជោ ហ៊ុន សែន អញ្ជើញសម្ពោធដាក់ឱ្យប្រើប្រាស់ផ្លូវ លេខ១៤៦B តភ្ជាប់ទៅផ្លូវលេខ១៤៨ ក្នុងខេត្តព្រះសីហនុ
![](https://blogger.googleusercontent.com/img/b/R29vZ2xl/AVvXsEibFrwAgW9Syxfl77RzdQufYXNgE5-u0mxkmjZ3bfCcI8VHpFVZo-1uytKOZPPJjcK6Z2tG9_NqMM3Do4LE7uTQ6iePTP6EQ_PGTZgAm4oiMy_NFB6Qpp5bNVlquMXQZhTf4X1m-S_Z6EOdKO5WdmoQ2C7PDfiwQTCeCdCcnVSfvD--17oAkHHR-LYA/s1600/FB_IMG_1671685032502.jpg)
សម្តេចតេជោ ហ៊ុន សែន អញ្ជើញសម្ពោធដាក់ឱ្យប្រើប្រាស់ផ្លូវ លេខ១៤៦B តភ្ជាប់ទៅផ្លូវលេខ១៤៨ ក្នុងខេត្តព្រះសីហនុ
ផ្សាយបន្តនៅថ្ងៃទី២២ ខែធ្នូ ឆ្នាំ២០២២ វេលាម៉ោង១២:០៤នាទីនៅព្រឹកថ្ងៃព្រហស្បតិ៍ ១៤រោច ខែមិគសិរ ឆ្នាំខាល ចត្វាស័ក ព.ស. ២៥៦៦ ត្រូវនឹង ថ្ងៃទី២២ ខែធ្នូ ឆ្នាំ២០២២ នេះ សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា បានអញ្ជើញជាអធិបតីសម្ពោធដាក់ឲ្យប្រើប្រាស់ផ្លូវលេខ១៤៦B តភ្ជាប់ទៅផ្លូវលេខ១៤៨ ក្នុងខេត្តព្រះសីហនុ។
តាមការអោយដឹងពីឯកឧត្តម ស៊ុន ចាន់ថុល រដ្ឋមន្ត្រីក្រសួងសាធារណការ និងដឹកជញ្ជូន បានអោយដឹងថា ផ្លូវដែលសម្ពោធដាក់ឲ្យប្រើប្រាស់នៅថ្ងៃនេះ គឺតភ្ជាប់រវាងស្រុកព្រៃនប់ ទៅក្រុងព្រះសីហនុ មានប្រវែងសរុបជាង៤៣គីឡូម៉ែត្រ ត្រូវបានស្ថាបនា និងកែលំអរឡើងវិញរួចរាល់ជាស្ថាពរ ក្រោមកញ្ចប់ថវិកាជាតិប្រមាណ ៧៦លានដុល្លារអាមេរិក។ ផ្លូវជាចំណងដៃថ្មីរបស់រាជរដ្ឋាភិបាលជូនពលរដ្ឋខេត្តព្រះសីហនុ មានពីរខ្សែតភ្ជាប់គ្នា ដែល១ខ្សែមានឈ្មោះថាផ្លូវលេខ១៤៦B ឬហៅថា វិថីសុវត្ថិភាពសម្តេចព្រះសង្ឃរាជ ទេព វង្ស ចាប់ពីចំណុចបំបែកផ្លូវជាតិលេខ៤ ត្រង់គីឡូម៉ែត្រលេខ ១៧៨+១៦៥ ស្ថិតនៅភូមិវាលធំ ឃុំវាលរេញ ស្រុកព្រៃនប់ ទៅដល់រង្វង់មូលស្ទឹងហាវ ស្ថិតនៅភូមិ១ ឃុំអូរត្រេះ ស្រុកស្ទឹងហាវ។ ១ខ្សែទៀតមានឈ្មោះផ្លូវលេខ១៤៨ ឬហៅថា តីរវិថីសម្តេចតេជោ ហ៊ុន សែន បន្តពីរង្វង់មូលស្ទឹងហាវ ដល់ចំណុចប្រសព្វផ្លូវជាតិលេខ៤ ត្រង់គីឡូម៉ែត្រលេខ ២២៥+៥៥០ កំពង់ផែស្វយ័តក្រុងព្រះសីហនុ។
សម្តេចតេជោ ហ៊ុន សែន បានបង្ហាញនូវក្តីរីករាយ និងមានមោទនភាពយ៉ាងខ្លាំងចំពោះការកើតមានឡើងជាបន្តបន្ទាប់នូវសមិទ្ធផលនានាក្នុងខេត្តព្រះសីហនុ។ សម្តេចតេជោបានមានប្រសាសន៍ថា សមិទ្ធផលទាំងអស់នេះ មិនត្រឹមតែបម្រើជាប្រយោជន៍សម្រាប់អ្នកខេត្តព្រះសីហនុប៉ុណ្ណោះនោះទេ តែក៏សម្រាប់ពលរដ្ឋនៅទូទាំងប្រទេសផងដែរ។ នៅថ្ងៃនេះ សម្តេចតេជោ ហ៊ុន សែន បានមានប្រសាសន៍រំលឹកថា ផ្លូវ១៤៦Bនេះ គឺជាផ្លូវដែលមានការបិណ្ឌបាត្រផ្ទាល់ដោយសម្តេចព្រះសង្ឃរាជ ទេព វង្ស ដូច្នេះហើយទើបផ្លូវនេះបានដាក់ឈ្មោះថា វិថីសុវត្ថិភាពសម្តេចព្រះសង្ឃរាជ ទេព្យ វង្ស។
សម្តេចតេជោបានមានប្រសាសន៍ថា ផ្លូវ១៤៦B និង១៤៨ ដែលសម្ពោធព្រឹកនេះ គឺជាសមិទ្ធផលកើតឡើងដោយដៃប្រជាពលរដ្ឋផ្ទាល់ តាមរយៈការប្រើប្រាស់ថវិកាសន្សំរបស់ជាតិ។ សម្តេចតេជោបានកោតសរសើរដល់ក្រសួងសាធារណការ និងដឹកជញ្ជូន និងផ្នែកពាក់ព័ន្ធទាំងអស់ ដែលបានប្រឹងប្រែងសាងសង់ផ្លូវតភ្ជាប់រវាងស្រុកព្រៃនប់ ស្រុកស្ទឹងហាវ និងក្រុងព្រះសីហនុនាពេលនេះ។ សម្តេចតេជោក៏បានមានប្រសាសន៍ទៀតថា បច្ចុប្បន្ននេះ បើទោះបីជាមានផ្លូវល្បឿនលឿន ឬផ្លូវ៣៧ខ្សែក្នុងក្រុងព្រះសីហនុក៏ដោយ តែបើគ្មានផ្លូវតភ្ជាប់១៤៦B និង១៤៨ទេ នោះការធ្វើដំណើររបស់ប្រជាពលរដ្ឋក្នុងខេត្តព្រះសីហនុនៅតែលំបាក។ដូច្នេះ ក្នុងនាមរាជរដ្ឋាភិបាលសម្តេចនៅតែផ្តល់អាទិភាពដល់ការតភ្ជាប់ហេដ្ឋារចនាសម្ព័ន្ធ ដើម្បីដោះស្រាយការលំបាក នៃធ្វើដំណើរ និងកាត់បន្ថយការចំណាយរបស់ប្រជាពលរដ្ឋ។ ការសាងសង់ហេដ្ឋារចនាសម្ព័ន្ធ គឺជាការបែងចែងផ្លែផ្កាសេដ្ឋកិច្ចជាតិប្រកបដោយសមធម៌។ សម្តេចតេជោបានរំលឹកថា ថវិកាជាតិដែលទម្លាក់មកកសាងហេដ្ឋារចនាសម្ព័ន្ធនៅខេត្តព្រះសីហនុសរុបមាន៤០០លានដុល្លារ រួមទាំងទាំងការសាងសង់ផ្លូវនៅពេលនេះផងដែរ។
នៅថ្ងៃនេះ សម្តេចតេជោ ហ៊ុន សែន បានមានប្រសាសន៍ថា នៅពេលខាងមុខនេះ រាជរដ្ឋាភិបាលកម្ពុជា នឹងអភិវឌ្ឍន៍ កសាង ហេដ្ឋារចនាសម្ព័ន្ធជាច្រើនទៀតសម្រាប់បម្រើប្រយោជន៍ប្រជាជនកម្ពុជា ដូចជាការសាងសង់ ស្ពានតភ្ជាប់ពីផ្សារចាស់ ទៅអរិយក្សត្រ, ផ្លូវល្បឿនលឿនភ្នំពេញ-បាវិត, ផ្លូវបាត់ដំបង-សៀមរាប,ស្ពានទន្លេមេគង្គខេត្តក្រចេះ និងផ្លូវដែកល្បឿនលឿនជាដើម។
សម្ដេចតេជោ ហ៊ុន សែន ក៏បានមានប្រសាសន៍ពីសារៈសំខាន់នៃផ្លូវដែលត្រូវសម្ភោធនៅថ្ងៃនេះ ដែលជាខ្សែផ្លូវវាងក្រុងតភ្ជាប់គ្នា ដ៏មានសក្តានុពល ដោយតភ្ជាប់ពីទីប្រជុំជនទៅជាយក្រុង ទៅកាន់តំបន់ទេសចរណ៍ និងឆ្នេរធម្មជាតិ ព្រមទាំងតភ្ជាប់ជាមួយផ្លូវជាតិលេខ៤ ផ្លូវល្បឿនលឿនភ្នំពេញ-ក្រុងព្រះសីហនុ និងផ្លូវទាំង ៣៧ខ្សែ នៅក្រុងព្រះសីហនុ ខេត្តព្រះសីហនុផងដែរ។ ផ្លូវនេះគឺដើរតួនាទីយ៉ាងសំខាន់ដល់ការដឹកជញ្ជូន ការធ្វើដំណើរ និងបម្រើវិស័យទេសចរណ៍ផងដែរ។ទោះជាយ៉ាងណាក៏ដោយ សម្ដេចតេជោក៏ ហ៊ុន សែន នៅតែអំពាវនាវឲ្យបងប្អូនប្រជាពលរដ្ឋពេលដែលទទួលបានផ្លូវស្អាតហើយនោះ សូមចូលរួមគោរពច្បាប់ចរាចរណ៍ទាំងអស់គ្នា ជាពិសេសការបើកបរដោយមានការប្រុងប្រយ័ត្នជានិច្ច ត្រូវគោរពតាមការកំណត់ល្បឿនបើកបរ និងបើកបរប្រកបដោយការយោគយល់គ្នា ជៀសការបង្ករគ្រោះថ្នាក់ចរាចរណ៍។
ជាចុងក្រោយ សម្ដេចតេជោ ហ៊ុន សែន ក៏បានជូនពរឱ្យបងប្អូនប្រជាពលរដ្ឋទាំងអស់ ជួបតែសេចក្តីសុខ សេចក្តីចម្រើនគ្រប់ៗគ្នា និងបានអញ្ជើញកាត់ខ្សែបូរសម្ពោធដាក់ឲ្យប្រើប្រាស់ផ្លូវលេខ១៤៦B និងផ្លូវលេខ១៤៨ ក្នុងខេត្តព្រះសីហនុចាប់ពីពេលនេះតទៅ៕
![](https://blogger.googleusercontent.com/img/b/R29vZ2xl/AVvXsEjgoR0I8z-aiLR7OkreG0uICsSj4nmQl3xHlZgTbWEO1Blgsk6sJ3RenO_cM3BKEYtswW5JidR-NVQcwr9WHyAfXhHcgwO7o9LYQaKslRqGeGqgCEzeMvdrhv_BPrJMJU4NGhQ1yByak791FNyhOlbPXtTWm7ybbIMNIRzUPVq8XXJ1HYFAiE2IZ-ef/s1600/FB_IMG_1671685030210.jpg)
![](https://blogger.googleusercontent.com/img/b/R29vZ2xl/AVvXsEh_BNqU8P5SJ6TLE5f8nbMHIFF5MY_5eLZK-FhCC5C0RxzA1l07aTZQH1tA_vkIwly_5w0rY8Zo5f-nCzYQ1MEGaUDs3Uv0tslXLAE9MbXqSz83ScnxMW3J-v0wnEvmbAZVDO2kOZ9qpqiHhkpReufvmE1PcjB_osuSWTU6HZ3n7HpH1fG5s8W9TH0w/s1600/FB_IMG_1671685036692.jpg)
![](https://blogger.googleusercontent.com/img/b/R29vZ2xl/AVvXsEiuCNlLp3qNn1xyQ3gwXvPniukZr4AOR3Ad7ka1u-eN0-6ab-WAsRWCnmSUJFrliZJVEraMVwLU38T15LDOiDLRTW1CmN0SL2XCTOzVidsMLwKqt7XuqHeNu_0KcKX9J5FbhZV5JjCtJPIE8Ct-0us5lB9wvhv3QuKXLVjrNMd6QCseoDcnI75RbYTc/s1600/FB_IMG_1671685039214.jpg)
![](https://blogger.googleusercontent.com/img/b/R29vZ2xl/AVvXsEji1lrt3o6cpMACqft73mkvWz3ydmRIw_Vm3mBAVQGr3MHovBbEJsdDRUU436ohq9hGS3tRKrWy-t5f1JKuvk72ufMNHUkTw9p5b3PA80LFa3y5l53B-ltvFlVHM1-wv7JVGAlLEx3Wt18NkYDbcjnqCUriCMkEBOl32NlIvwESFIsqefcdluowvWWy/s1600/FB_IMG_1671685041526.jpg)
![](https://blogger.googleusercontent.com/img/b/R29vZ2xl/AVvXsEhbetfNxn5NM01srDk2HyfaRuOTQHsIsv3-iBC4gaaxXkwXUFsRAXNj9BsTgPgDInwIhxKvyaTPdQ3fH2z35-j7ON87RVi7YEl06MN5hB2yq1itum-eB7zz8Ak17GUH4kqo7UuCpk5MlmNtlF9VsaNUwmI_mHvLn5kvwfxiqNlmA5J2zKxtpzPHMTZc/s1600/FB_IMG_1671685043488.jpg)
![](https://blogger.googleusercontent.com/img/b/R29vZ2xl/AVvXsEiPBFGMMA0N8U4bd6P9yNEUlnUXl8GcfieYrJWtfICN2HbIKFJ1fCB-PMAAlw0kXx3TOjCEpiLOkTcn5h6Z6_CtQq5EkvztNHokIHpoxuNghdL5x2EbL74QqxJ_Ab8TUQon87etNNr4NdD6Mp3CnQBWxqcnpEZHk5XW7psygkUMENazneK0T_NobrWv/s1600/FB_IMG_1671685045509.jpg)
![](https://blogger.googleusercontent.com/img/b/R29vZ2xl/AVvXsEgNLV3LbeC0payeCRU4N9CuLrPLVzQsw4GHKJZO_VGui1wKVNEUhNX2GFlY8kJx7bUAKDhr07prWnEnd6lqhjbcXG2Mv25XDMMZoyzGNnGBhuRVAiQuH9sa6ebBe5j6HcqcTYs3edyh0EWvRZT58Buj6tQ8JWiQhKfWaoq2rhuZ7SaZ0U0EhpaZ6pWX/s1600/FB_IMG_1671685048004.jpg)
![](https://blogger.googleusercontent.com/img/b/R29vZ2xl/AVvXsEhDR7agpME8KcQd_yc2SEMmT6hRtKv4rOXMPvsOO-RmEKa61Lga-b7aOwRTFxQBACeEXR3f_GDDAK9XL1qWYzd_Xqz8hhgoBWHD1l9570v817fLC7Rb5dPCo_A8_HYyXLPGQOFezJkAlnT214eI0kp5xXJKMWsTHjLIS0qOJcygSo_BAqwkKbt-63Sd/s1600/FB_IMG_1671685050375.jpg)
![](https://blogger.googleusercontent.com/img/b/R29vZ2xl/AVvXsEgWaWjI5fxfPI_MM1VjFwmt25kw4dZKAKlCcpOmDb5aYUhM83ffdoBRTsRhZGhQU88eHv5-20x1T2oCjrCwBreCUw1mR116N1GvYV4YXtNmQNAVR02lywTgmMtFibkJ8pGIh_ZqwnFdCPsHZJvBchW5GgSxnK2jzF_LU3LcoxKcjM3F3I_-UgpkJWeI/s1600/FB_IMG_1671685052252.jpg)
![](https://blogger.googleusercontent.com/img/b/R29vZ2xl/AVvXsEg_pv30-A7XSEoGxwR2-2r-MdyrTT9XU2seobKI2P0oCsOW-hBwyuUTkcSc3XeTBQNGeSL1MDeotyKaXvUnxY2b-zT3OJWHHmNXx47B6kq2dZrqty81TfGGrmMOJcX0KJcaKrT96MjyHlzEkUPL_IVyiSfY69PLjOt4S52wrXAsXKGSWWKatPtF0BU1/s1600/FB_IMG_1671685054536.jpg)
![](https://blogger.googleusercontent.com/img/b/R29vZ2xl/AVvXsEjlvbFpHQ_gbQVtJ_0yTA4fnP_3F5f-veZFi3C9f6hCpIXqh70haHN8bDnvjOSL8djAb8Jxs84dX6hnPAuNnBr-jCjU5MdBVra9n34aHXk8RyMebRUI9YV6MQXQEnBsnjIx10Idp-uAXteBWfIxmRrimNr0eNexcqMWpuTvKYOh41AZmt944hxS55G5/s1600/FB_IMG_1671685062042.jpg)
![](https://blogger.googleusercontent.com/img/b/R29vZ2xl/AVvXsEhKo94nD8Op31LWF62EBwx-e4CaIzrn8dzMy-GNISE2dR7pn9GfQ33au3PaPEL4ROX7GGejubxqCb_Cpfse73jWvT_7hgq6SzsjIZdEXurfVxcu8nY9uwTV8L4jwYvt0iZmrZXQaStPwGlfwmgTN-_Qnvc8d-cmlGck-EooYoL4adUScerr_jNLPtEP/s1600/FB_IMG_1671685064683.jpg)
![](https://blogger.googleusercontent.com/img/b/R29vZ2xl/AVvXsEjBxquFIimDkLBLVQOwXbihQeFyqe9bRra_xW4fVhOvo2JoEMxxog4s4r7R-NJm8q-_pgH6OeLapglWM0vZBR5-ngNsuDUiyvGBf90REby2jMLmg6zNfQQ-N0jqSwHBi87afOHaVy_KQCkhvi_8Ca0UDa5rM6Hd2DbSbC16Iu2Nuj8lkvxdTMIFTvmn/s1600/FB_IMG_1671685067609.jpg)
![](https://blogger.googleusercontent.com/img/b/R29vZ2xl/AVvXsEhiJ8lK4AMNnqqHUrpKAbh9ZYOS00ZlYYcOVA-m-5CiPEhzm1tBoYFdgGzjvhARiO3-8WzbeuWIaBUJlDJl6_OHiLMIY2EHXfSJfvMczMFPlAc5w16AZ688g90tHlOX79VN63Z3bbkdGu16erbg0IM8v36E7AkqBs3XMJK6gxtI5keyh9QnWwQSTWUc/s1600/FB_IMG_1671685073010.jpg)
![](https://blogger.googleusercontent.com/img/b/R29vZ2xl/AVvXsEh30M5arO67V1ggrtaSeebKDpY68o3KBzOI7oWjdYWbWszQWOi1zQvzprbx_1QYXB7q3mDnFLhCYV-oLlOvwlnvRZpTNgiBIjtz8wHkowxPMgBd-xGtpMfhdT-DARc8zJGEJh1h9ZQKu3-OfI_mMzxgCqr3yQEXfiz8k0iHVnExjaLsz8W7gIjUyN4g/s1600/FB_IMG_1671685094182.jpg)
![](https://blogger.googleusercontent.com/img/b/R29vZ2xl/AVvXsEjW8biRXe62j6cnhJ2o_LHySOmBhIaYxSWWmXKFCnPMazn-w1Ktm3V3yGi-_D6upJXYwVNNExodX3GtYej6jE59wIPqJDbEsdg9NXRENGcCBJhI7Rr1QwxdM8LSsRyznO1ISYyE3CbA0STppkKgBs8TZD6zxnO_-DNddjUosWg740xs9rnR57sP1enG/s1600/FB_IMG_1671685101692.jpg)
![](https://blogger.googleusercontent.com/img/b/R29vZ2xl/AVvXsEiquwCeVX0IbYSnQBONGqFRIPzWAqBH70-JBtnoD5YTIsbp_hB-cnDBu3kwmtl9X6Hg8kpd5dpy1lyK7symIO6mh-S-R4knapwtOleIlAafq2Td3Gjz5_-1giuRdpBmk_hIG2NbrHdCCRMKYV-cmyswz6spxB15fLspc7nFxqeGMHyrvB1eSUKGTEgI/s1600/FB_IMG_1671685106300.jpg)
No comments