ល្បែងស៊ីសងខុសច្បាប់ នៅបន្តមានក្នុងខេត្តកំពង់ធំ ទោះបីជាមានការប្រកាសឲ្យបិទ ពីសំណាក់សម្តេច ហ៊ុនម៉ាណែត នាយករដ្ឋមន្ត្រី
![](https://blogger.googleusercontent.com/img/b/R29vZ2xl/AVvXsEi8ARVoP01S9smL84XpCR9JHFJv48iMsd7fI_oPc4ugyf148jANg0FuwhSt39la4mKIuO4M_FRkkV-TFdn6J2fJZmBQTkCWSY0JhiIrzR_SOQv6qqemLFTjVIqZ9Qsvr18c6tIf4m21FtiDhv_Agxqag5sPAXCsMPHX5pygETiHEWgYMNfCq54BiptnPPs/s1600/A331DF36-DB3D-4361-A5D3-98A1373A00EF.jpeg)
ខេត្តកំពង់ធំ៖ មានសេចក្តីរាយការណ៍បានឱ្យដឹងថា ល្បែងស៊ីសងខុសច្បាប់ មាន់ជល់ តាមទូរទស្សន៍អនឡាញ នៅតែបន្តមានក្នុងខេត្តកំពង់ធំ ឃុំទំរីង ស្រុកសណ្ដាន់។
យោងតាមរាយការណ៍បានបញ្ជាក់ច្បាស់ថា៖ នៅក្នុងថ្ងៃអាទិត្យទី១០ ខែមីនា ឆ្នាំ២០២៤នេះ ទីតាំងល្បែងស៊ីសងខុសច្បាប់ ត្រង់ចំណុចខាងលើកំពុងតែបន្តបើកឲ្យភ្ញៀវចូលលេងល្បែងសុីសងភ្នាល់ដាក់លុយជារៀងរាល់ថ្ងៃដោយមិនខ្វល់ពីអនុសាសន៍សម្ដេចអធិបតី ហ៊ុន ម៉ាណែត នាយករដ្ឋមន្ត្រី បានប្រកាសកាលពីថ្មីៗនេះឲ្យបិទល្បែងស៊ីសងគ្រប់ប្រភេទ។
ប្រភពបានបន្តបញ្ជាក់ទៀតថា៖ ទីតាំងល្បែងស៊ីសងមួយនេះ កន្លងមកលោកនាយប៉ុស្តិ៍នគរបាលឃុំទំរីងចុះទៅធ្វើកិច្ចសន្យាមួយដងជាពីរដងរួចហើយ តែម្ចាស់ទីតាំងមួយនេះ នៅតែបន្តផ្តល់ទីតាំងដល់ជនញៀនល្បែងដោយមិនខ្វល់ផ្លូវច្បាប់។
ប្រជាពលរដ្ឋសំណូមពរលោកអធិការស្រុកសណ្ដាន់និងស្នងការនគរបាលខេត្តកំពង់ធំ លោក ម៉ែន លី សូមជួយចាត់វិធានការតាមផ្លូវច្បាប់ ចំពោះម្ចាស់ទីតាំងល្បែងសុីសងខុសច្បាប់ មួយកន្លែងនៅក្នុងមូលដ្ឋានខាងលើនេះផង៕
![](https://blogger.googleusercontent.com/img/b/R29vZ2xl/AVvXsEhazKZPbl6m87BWyn-tW4XQNme0OFikC9fdEcEUD4gbcGAXIl_jfhArDoBeoJGi9LHHlLwT08KaxcIYx2edoH87yDQUBn1qLiL10o8PyHZjJtO5Vqa_q1ZrSG7vkIOEEXyOwbdIkovxuP1O_1EaAy3iq5KesTaaaaV0aPmyDT0_BUCeiqiSxrap8VfcFrY/s1600/IMG_9536.jpeg)
![](https://blogger.googleusercontent.com/img/b/R29vZ2xl/AVvXsEjG1e53LTJU5m6b9TxwAi0j0KJeqNR4biSATHHaL0oXyqwc9GPkmnBg8O1ahxIZ8Ew2jXQfpThDtkU41ff9_XLKxltnLQi0rn1hPiOZ2A9Dv7eilfgA_GHSimEMpGG5Mmfqz88i9fa2SXup50AhnF2IsKhWXQUOogacQaeWPtXlHsPhZGodSvHUOblk97E/s1600/IMG_9537.jpeg)
No comments