គេហទំព័រ កងមាស​ សូមថ្លែងអំណរអរគុណយ៉ាងជ្រាលជ្រៅ ដល់សម្ដេច ទ្រង់ ឯកឧត្តម អ្នកឧកញ៉ា លោកជំទាវ លោក លោកស្រី អ្នកនាងកញ្ញា និង បងប្អូនប្រិយមិត្ត ជនរួមជាតិទាំងក្នងនិងក្រៅប្រទេស ដែលបានចូលមកកាន់ គេហទំព័រ កងមាស សូមជួបតែ សេចក្ដីសុខ សេចក្ដីចំរើន ក្នុងក្រុមគ្រួសារ ។ សូមអរគុណ !!!

Header Ads

ad728
  • ព័ត៌មានថ្មីៗ

    អាល់កុលបង្កឲ្យពលករខ្មែរពុល​ស្លាប់​ ត្រូវ​បាន​សមត្ថកិច្ច​ចម្រុះចុះត្រួត​ពិនិត្យ​និង​ដកហូត​អាល់កុល​ក្លែងក្លាយ ​(មេតា​ណុ​ស)

    អាល់កុលបង្កឲ្យពលករខ្មែរពុល​ស្លាប់​ ត្រូវ​បាន​សមត្ថកិច្ច​ចម្រុះចុះត្រួត​ពិនិត្យ​និង​ដកហូត​អាល់កុល​ក្លែងក្លាយ​ (មេតា​ណុ​ស)

    បន្ទាយមានជ័យ៖​ មន្ត្រី​ចម្រុះ​បាន​ចុះ​ ត្រួត​ព​និត្យ​និង​ដកហូត​អាល់កុល​ក្លែងក្លាយ​ (​មេតា​ណុ​ល​)​ មួយ​ចំនួន​នៅ​ភូមិ​កូប​ធំ​ និង​ភូមិ​កូន​ដំរី​ សង្កាត់​និមិត្ត​ ជា​ប្រភព​មួយ​នៃ​អាល់កុល​បង្ក​ឲ្យ​ពុល​ពលករ​២៥​នាក់​ ស្លាប់​៧​នាក់​នៅ​មណ្ឌល​ច​ត្តា​ឡី​ស័ក​កូប​ធំ​ ក្នុង​សង្កាត់​និមិត្ត​ ក្រុង​ប៉ោយ​ប៉ែ​ត​កន្លង​មកនេះ​។​

    ​ចំណែក​លទ្ធផល​បឋម​នៃ​មន្ទីរពិសោធន៍​តូច​របស់​.​ក​.​ប​.​ប​.​នៅ​ក្រុង​ប៉ោយ​ប៉ែ​តនៃ​សំណាក​អាល់កុល​បង្ក​ឲ្យ​ពុល​ គឺ​មេតា​ណុ​ល​ ឬ​អាល់កុល​ក្លែងក្លាយ​ ។​ នេះ​បើ​តាម​ការ​ឲ្យ​ដឹង​ពី​ លោក​សាន​ វិជ្ជា​សា​រ៉ា​វុ​ធ​ ប្រធាន​ការពារ​អ្នក​ប្រើប្រាស់​ កិច្ចការ​ប្រកួតប្រជែង​និង​បង្ក្រាប​ការ​ក្លែងបន្លំ​(​ក​.​ប​.​ប​.​ឬ​CCF)​ សាខា​ខេត្តបន្ទាយមានជ័យ​ថ្ងៃ​ទី​១៣​ ខែវិច្ឆិកា​ ឆ្នាំ​ ២០២១​។​

    ​លោក​និង​មន្ត្រី​ សាខា​ ក​.​ប​.​ប​.​ ខេត្តបន្ទាយមានជ័យ​ សហកា​សហការ​ជាមួយ​មន្ត្រី​មន្ទីរ​ពាណិជ្ជកម្ម​ខេត្ត​ ដែល​ដឹកនាំ​ដោយ​ លោក​ប៊ុ​ក​ ឡាយ​ជី​ ប្រធាន​មន្ទីរ​ពាណិជ្ជកម្ម​និង​រដ្ឋបាល​ក្រុង​ប៉ោយ​ប៉ែ​ត​ ដឹកនាំ​ដោយ​លោក​ហឿ​ន​ វីរ​:​ អភិបាលរង​ក្រុង​ កម្លាំង​នគរបាល​ក្រុង​ និង​កម្លាំង​ប៉ុស្តិ​រដ្ឋបាល​សង្កាត់​និមិត្ត​ បាន​ចុះ​ ត្រួត​ព​និត្យ​និង​ដកហូត​អាល់កុល​ក្លែងក្លាយ​ (​មេតា​ណុ​ល​)​ នៅ​ ចំណុច​ភូមិ​កូន​ដំរី​ ភូមិ​កូប​ធំ​ សង្កាត់​ និមិត្ត​ ក្រុង​ប៉ោយ​ប៉ែ​ត​ ខេត្តបន្ទាយមានជ័យ​។​ 

    ​សកម្មភាព​នេះ​ គឺជា​ការ​ឆ្លើយ​តប​នឹង​ការ​ស្លាប់​មនុស្ស​ចំនួន​០៧​នាក់​/​ស្រី​០១​នាក់​)​ បណ្តាល​មក​ពី​ការ​យក​អាល់កុល​ក្លែងក្លាយ​(​មេតា​ណុ​ល​)​ទៅ​លាយ​ផ្សំ​ជាមួយ​ភេសជ្ជៈ​ស្ទី​ង​ និង​តែ​បៃតង​ អូ​អិ​ឈិ​ជំនួស​ស្រា​លក់​អោយ​ពលករ​ច​ត្តា​ឡី​ស័ក្តិ​ផឹក​នៅ​មណ្ឌល​ច​ត្តា​ឡី​ស័ក្តិ​ ស្ថិត​ក្នុងភូមិ​កូប​ធំ​ខាងត្បូង​ស្តុ​ប​កូន​ដំរី​។​

    ​ក្នុង​សកម្មភាព​ជាមួយ​គ្នា​នេះ​ដែរ​ បាន​ធ្វើការ​ពន្យល់​ណែនាំ​ ដល់​អាជីវករ​អ្នកលក់​អាល់កុល​ និង​ដកហូត​ផលិតផល​ខូចគុណភាព​ និង​ហួស​កាលបរិច្ឆេទ​ប្រើប្រាស់​ មាន​ដូច​ជា​ ៖-​អាល់កុល​ក្លែងក្លាយ​ ១៨៦​ដប​ និង​ ១​ពី​ដុ​ង​ ស្មើ​ ១២៣​លី​ត្រ​,-​មី​ម៉ា​ម៉ា​ ៩៣​កំប៉ុង​ ស្មើ​ ០,៥៦​គ​ក្រ​,-​នំ​សូកូឡា​ ១២​កញ្ចប់​ ស្មើ​ ០,១៣​គ​ក្រ​,-​ទឹកក្រូច​ចម្រុះ​ ៣៦​ដប​ ស្មើ​ ៥៧,៦០​គ​ក្រ​,-​ទឹកដោះគោ​ខាប់​ ១០​កំប៉ុង​ ស្មើ​ ៣,៨០​គ​ក្រ​,-​ទឹកម្ទេស​ តូច​-​ធំ​ ២៥​ដប​ ស្មើ​ ១១,១៥​គ​ក្រ​,-​ស្ករ​គ្រាប់​ចម្រុះ​ ១,២​គ​ក្រ​,​ សរុប​ចំនួន​១៧៧​រាយ​ ទម្ងន់​ស្មើ​ ៧៤,៤៤​គីឡូ​ ក្រាម​។​

    ​ជាមួយ​គ្នា​នោះ​ដែរ​ លោក​សាន​ វិជ្ជា​សា​រ៉ា​វុ​ធ​ បាន​បន្ត​ថា​ ៖​ ទន្ទឹម​នឹង​នោះ​ ក្រុមការងារ​ក៏​បាន​ធ្វើការ​ ពន្យល់​ ណែនាំ​ ដល់​អាជីវករ​ទាំងអស់​ឱ្យ​ចេះ​មើល​អាយុកាល​ផុតកំណត់​ ការ​តាំង​លក់​ផលិតផល​ទំនិញ​គ្រប់​ប្រភេទ​ និង​ខ្លឹមសារ​នៃ​ប្រកាស​ របស់​ក្រសួងពាណិជ្ជកម្ម​លេខ​ ១៨៥​ ស្តី​ពី​បទដ្ឋាន​ព​ត៌​មាន​ សម្រាប់អ្នក​ប្រើប្រាស់​។​

    ​ពោល​គឺ​ដើម្បី​ឱ្យ​អាជីវករ​ទាំងនោះ​ធ្វើការ​កែប្រែ​ស្រប​ តាម​ពេលវេលា​មួយ​ដែល​អាច​ទទួលយក​បាន​ដោយ​អនុលោម​តាម​ច្បាប់​ ស្តី​ពី​កិច្ច​ការពារ​អ្នក​ប្រើប្រាស់​។​ជាមួយ​នេះ​ដែរ​យើង​បាន​ធ្វើការ​ពិន័យ​ អន្តរការណ៍​លើ​ម្ចាស់​ទំនិញ​ល្មើស​មួយ​ទីតាំង​ឱ្យ​បង់ប្រាក់​ពិន័យ​អន្តរការណ៍​ ដោយ​សរសេរ​ប័ណ្ណ​បង់ប្រាក់​ ផាក​ ពិន័យ​ ចំនួន​ ០១​ ច្បាប់​ នៅ​នឹង​កន្លែង​ផង​ដែរ​៕

    No comments

    Post Top Ad

    Post Bottom Ad


    http://www.kangmeasnews.com/
    គេហទំព័រ កងមាស​ សូមថ្លែងអំណរអរគុណយ៉ាងជ្រាលជ្រៅ ដល់សម្ដេច ទ្រង់ ឯកឧត្តម អ្នកឧកញ៉ា លោកជំទាវ លោក លោកស្រី អ្នកនាងកញ្ញា និង បងប្អូនប្រិយមិត្ត ជនរួមជាតិទាំងក្នងនិងក្រៅប្រទេស ដែលបានចូលមកកាន់ គេហទំព័រ កងមាស សូមជួបតែ សេចក្ដីសុខ សេចក្ដីចំរើន ក្នុងក្រុមគ្រួសារ ។ សូមអរគុណ !!!
    រក្សាសិទ្ធិ​គ្រប់យ៉ាងដោយ គេហទំព័រ កងមាស
    "គេហទំព័រ កងមាស" ដំណើរការ​តាមប្រកាសលេខ...ចុះថ្ងៃទី...ខែ...ឆ្នាំ ២០...
    គេហទំព័រ កងមាស​ មានទីស្នាក់ការស្ថិតនៅ ផ្លូវលំ ភូមិទី២ ឃុំកងតាណឹង ស្រុកកងមាស ខេត្តកំពង់ចាម
    សម្រាប់ព័ត៌មានបន្ថែម សូមទំនាក់ទំនងតាមលេខ +855 77 90 666 4
    Copyright © 2020 កងមាស | រចនាគេហទំព័រដោយ បាយ័ន​ មុខគុជ