ករណីក្លែងបន្លំឯកសារ ចាប់មនុស្សខុសដាក់គុក នៅខេត្តកណ្ដាល អាជ្ញាធរនិងសមត្ថកិច្ចពាក់ព័ន្ធ កំពុងតែរក្សាភាពស្ងៀមស្ងាត់_វគ្គ៣
![](https://blogger.googleusercontent.com/img/b/R29vZ2xl/AVvXsEgDNf3nbrnqNI77e6dTK60jz6651k5_14Wx84DVu5IF3wGpi8hMXh57j3fZjsNAeWiCcXjEHTlC0LOKkyutfV-iV18JvJzuTQ2Fj90rFwp0WWGuxk5N2W3ZWcLaSycqhJDJqK0dWwdK_KN5JI0wwlPhv6Pw-a3OvXvTC7JUD8CxuipB9htEMxLlLyPe/s1600/IMG_20221211_144642.jpg)
ករណីក្លែងបន្លំឯកសារ ចាប់មនុស្សខុសដាក់គុក នៅខេត្តកណ្ដាល អាជ្ញាធរនិងសមត្ថកិច្ចពាក់ព័ន្ធ កំពុងតែរក្សាភាពស្ងៀមស្ងាត់_វគ្គ៣
ចេញផ្សាយនៅថ្ងៃទី១១ ខែធ្នូ ឆ្នាំ២០២២ វេលាម៉ោង១៤:៥៤នាទីខេត្តកណ្តាល៖ កាលពីថ្ងៃទី០៤ ខែធ្នូ ឆ្នាំ២០២២ កម្លាំងសមត្ថកិច្ចនគរបាលស្រុកខ្សាច់កណ្តាល នៃស្នងការដ្ឋានខេត្តកណ្តាល បានធ្វើការចុះបង្ក្រាបទីតាំងបនល្បែងស៊ីសងខុសច្បាប់មួយកន្លែង ស្ថិតត្រង់ក្នុងចំណុចដីតារាងបាល់របស់លោក ពោច សួរ នៅភូមិអន្លង់ ឃុំព្រែកតាមាក់ ស្រុកខ្សាច់កណ្តាល ខេត្តកណ្តាល ក្នុងនោះកម្លាំងសមត្ថកិច្ចក៏បានធ្វើការឃាត់ខ្លួនបុរសម្នាក់ឈ្មោះ ឈឿន សារុំ បញ្ជូនទៅកាន់សាលាដំបូងខេត្ត ដើម្បីផ្តន្ទាទោសដាក់ពន្ធនាគារ។
តាមប្រភពព័ត៌មានបានឱ្យដឹងថា៖ ជនសង្ស័យឈ្មោះ ឈឿន សារុំ ដែលសមត្ថកិច្ចឃាត់ខ្លួនបញ្ជូនទៅតុលាការនោះគឺមិនមែនជាម្ចាស់ទីតាំងបនល្បែងពិតប្រាកដនោះទេ គឺសមត្ថកិច្ចទាំងនោះបានចាញ់បោករបាយកល លោក ពោច សួរ ដែលជាបុគ្គលមានអំណាចលុយឡាន ។ ព្រោះក្នុងពេលនោះលោក ពោច សួរ និងគ្នីគ្នាដែលជាបក្សពួកបានរួមគំនិតគ្នាយកលិខិតកិច្ចសន្យាជួលដីយកទៅឱ្យមេឃុំចុះហត្ថលេខានិងប្រថាប់ត្រា ដើម្បីបំភ័ន្តភ្នែកសមត្ថកិច្ចឱ្យវង្វេងវង្វាន់ចាប់មនុស្សខុសយកទៅដាក់គុកជំនួស ដោយគ្មានការពិចារណា លើលិខិតដែលចុះថ្ងៃទីមិនប្រក្រតី (ពោលគឺ) ប្រថាប់ត្រានៅថ្ងៃទី០៤ ខែធ្នូ ឆ្នាំ២០២២ បែរជាចុះលេខនៅថ្ងៃទី០៥ ខែមករា ឆ្នាំ២០២២ ឯណោះវិញ។
សូមបញ្ជាក់ថា ករណីក្លែងបន្លំឯកសារជួលដីខាងលើនេះ ត្រូវបានលាតត្រដាងការពិតកាលពីថ្ងៃទី០៧ ខែធ្នូ ឆ្នាំ២០២២នេះ បន្ទាប់ពីសារព័ត៌មានជាច្រើនធ្វើការចុះផ្សាយយ៉ាងព្រោងព្រាតទៅតាមការផ្តល់ព័ត៌មានពីលោក ឆាយ សេន មេឃុំព្រែកតាមាក់ ដែលលោកបានដាច់ចិត្តទម្លាយចេញ ខណៈដែលលោកក៏ព្រមទទួលកំហុសក្នុងការចុះហត្ថលេខាដោយមិនបានពិចារណា ពោលគឺ៖ បិទភ្នែកស៊ីញ៉េ វ៉ៃត្រា យ៉ាងរំភើយ ដូចអត់ខ្លាចគុកច្រវាក់បន្តិចសោះឡើយ។
ពាក់ព័ន្ធទៅនឹងករណីចាប់ខុសមនុស្សយកទៅដាក់គុក ពីសំណាក់សមត្ថកិច្ចនគរបាលស្រុកខ្សាច់កណ្តាល ខាងលើនេះ មហាជនជាច្រើនសង្កេតឃើញថាអាជ្ញាធរនឹងសមត្ថកិច្ចពាក់ព័ន្ធ ក៏កំពុងតែបញ្ចេញសកម្មភាពយ៉ាងសស្រាក់សស្រាំដោយនាំគ្នារក្សាភាពស្ងៀមស្ងាត់ដូចជាត្រូវមន្តសណ្ដំរបស់លោក ពោច សួរ ដែលជាបុគ្គលមានអំណាចលុយឡាន។
មហាជនជាច្រើនក៏បានលើកឡើងជាចម្ងល់ថា តើលោកឧត្តមសេនីយ៍ទោ ឈឿន សុចិត្ត ស្នងការនគរបាលខេត្តកណ្តាល មានបានដឹងរឿងមន្ត្រីក្រោមឱវាទរបស់ខ្លួនឃាត់មនុស្សខុសបញ្ជូនទៅតុលាការដាក់ពន្ធនាគារខាងលើនេះដែរឬទេ? ហើយអភិបាលខេត្តកណ្តាល លោក គង់ សោភ័ណ្ឌ គួរតែមានវិធានការរដ្ឋបាលបែបណាចំពោះលោក មេឃុំ ឆាយ សេន ដែលបានចុះហត្ថលេខាទាំងបិទភ្នែកលើលិខិតកិច្ចសន្យាខាងលើ។
ជុំវិញករណីដ៏កម្រមានខាងលើនេះក្រុមការងារសារព័ត៌មានយើងក៏បានផ្ញើរបាយការណ៍ព័ត៌មានលម្អិតជូនដល់លោក សូ សារិន អ្នកនាំពាក្យសាលាដំបូងខេត្តកណ្តាលផងដែរ តែលោក សូ សារិន រូបនេះហាក់ដូចជាកំពុងតែសម្ងំស្ងៀមដូចគ្មានប្រតិកម្មអ្វីបន្តិចសោះឡើយ៕
![](https://blogger.googleusercontent.com/img/b/R29vZ2xl/AVvXsEiM4-EbmyqPkc-oJLgXMZRNMIoR9lGAyKzyGtMIXtYzzZOBfWOKhClk4NW9P9WlhPTfwKq5mLNzYTNTtSNj3W1fPyhzfb-3ZLg3eT7ayobLWwKWmeGlHdfxKOm15zL05ED_NpSEKD51rkx6_KMxf385iA4C86l0iy2U8F64vvVUlBo9MItGAcY5KBAX/s1600/656AD4C3-E432-44DC-929A-A1795003D0B4.jpeg)
![](https://blogger.googleusercontent.com/img/b/R29vZ2xl/AVvXsEh4MKdMYLab9KvXJrLZQ5sEMmUfHI6AeZPM19ERECsLHDuUmttk5EsPcrkKPmgqZyyWlz0vQ8cxG5_B1CCr7a0pMo979SjMQH0DwEcDiofsk4iri-ApaZkB5be7R06XuBH6BRfqfSUPUUaslXmOLQV7SLZfjHkjz5G8Jv74GCDu93xvVo0nGAc1drIV/s1600/image-1-1024x682.png)
![](https://blogger.googleusercontent.com/img/b/R29vZ2xl/AVvXsEjkTcVZRLfAc6hpHLK0Hee9QKuhykLeWgUoZueIOhyeOUG49dUmzZTFXqvkJskEKa9CmLbU-VxZwzEIxPwoO88e-VHqU90cvMXjIaKcsXD7Cdref6zR5dczfvf4ersN5eD2gWAX1R8VENTROEa9wasfkzt0fjXGw1s5FCrkXcwDCRilzR6BLg7-MHpx/s1600/IMG_20221205_162832.jpg)
![](https://blogger.googleusercontent.com/img/b/R29vZ2xl/AVvXsEjG8xop3hhCzNfjr1DKnuo8bDPP4MRXmoNrEKi9bPCwZtHnzTMwfMhMVEjdjcjMO76gbxyuYl8l1GTE0JMzHH2okD_EzQzfhJMnwwTuKXkjba8MhB25rDuoN1YkyVIgo6i7ib8dRN2D2Mdlqs7CerJCC4A4Jibp3EC3LmdfqaEqSqA6ym4JrEcMrLtz/s1600/IMG_20221207_180311.jpg)
![](https://blogger.googleusercontent.com/img/b/R29vZ2xl/AVvXsEhLioOirRpl5t2kfcsR--bTZLU9pUD-sWVj6YpztJLOBmbcROq54Sv0Z5DWakEPvJxqbHuv9WJhSCCJ8_-PfEwEqqdpYmoCJ5sz6zANE0dFHQPJNSFg-bHmMeZANlVwuEoOooyuTniUUDjMmJqn1UJm5e785eO1zWYkAMj9YBXxLp4BsO9yAiFiOXg0/s1600/IMG_20221207_180350.jpg)
![](https://blogger.googleusercontent.com/img/b/R29vZ2xl/AVvXsEhEFvCYOPu5Ec0nf5Do3XJ_9pxkPXruzyVS99n_1ZbXJZ8m4rLUF-CPohuYh3PC9rP3xktnv3LZUh5F6f1cQYwC0haHmSsaeM7gB4PRGDaZKO4YsLuSUra_dhU1AL_le_cbwyphBI1R6W-MWY3Rx3aAm6cV4NXqLNcdP3UTA_AhjDACsl_H_Gz0ERuu/s1600/fn-2020-06-03-16-08-13-0.jpg)
![](https://blogger.googleusercontent.com/img/b/R29vZ2xl/AVvXsEiwMdkIGsCOYJAiArxbgX7uk2GLm7N1MN3eryhPW2fI6lXM2BEv3l2vzIJ0ZqD8XA3ZRx370PeXjjpuS9JkgX_vSHztOAfQ2IFzw14BeWGC6YO6CmtHslto1kbMNOcUMQzOPqhvjiBfmmy3A8D6PFnqExaPpOF0dQafEygbMfN9oEn8J9Q3XreVcPCE/s1600/FB_IMG_1670227197956.jpg)
![](https://blogger.googleusercontent.com/img/b/R29vZ2xl/AVvXsEglXK6KNPSkM1JjXVgHz9vOY7f7xkUQ8tHlSbso8vqyfF-K4Aq5KE9Wtk4zGhRUkd-uHiErD_MZTRZImtiXU2eF_2rGh3w9nYK_FNHJB7PtUVUwPSCOBFqAbOCjP99cDVOsT0lEQj13LrcUdOSD06SCnimKxB9pLCzkJ2FFQjcYDHCD5SxF7nQapHu3/s1600/IMG_20221207_183741_956.jpg)
No comments