ដកហូតមុខតំណែង និងបណ្តេញចេញពីក្របខ័ណ្ឌមន្ត្រីនគរបាលជាតិ លោកវរសេនីយ៍ទោ ថុន សុផាន់ណារិទ្ធ នាយរងការិយាល័យប្រឆាំងគ្រឿងញៀន

លោកវរសេនីយ៍ទោ ថុន សុផាន់ណារិទ្ធ នាយរងការិយាល័យ ប្រឆាំងគ្រឿងញៀននៃស្នងការដ្ឋាននគរបាលខេត្តត្បូងឃ្មុំ ត្រូវបានក្រសួងមហាផ្ទៃ ដកហូតមុខតំណែង ឋានន្តរស័ក្តិ និងបណ្តេញចេញពីក្របខ័ណ្ឌមន្ត្រីនគរបាលជាតិ។

នេះបើយោងតាមសេចក្តីប្រកាស ស្ដីពីការបណ្តេញចេញពីក្របខ័ណ្ឌមន្ត្រីនគរបាលជាតិ នៃក្រសួងមហាផ្ទៃ នាថ្ងៃទី០៥ ខែមករា ឆ្នាំ២០២៤។

កាលដកហូតមុខតំណែង ឋានន្តរសក្តិ រហូតទៅដល់ការបណ្តេញចេញពីក្របខណ្ឌក្រោមមូលហេតុ ល្មើសវិន័យ របស់កងកម្លាំងនគរបាលជាតិ៕