សូមឯកឧត្តម ថោង ជេដ្ឋា ប្រធានគ្រប់គ្រងអាងទន្លេ អន្តរាគមន៍ករណីចាក់ខ្សាច់រំលោភច្រាំងទន្លេ ក្នុងសង្កាត់ព្រែកប្រាផង
![](https://blogger.googleusercontent.com/img/b/R29vZ2xl/AVvXsEiVotfW9ZHVfiYm422Djx2MlnuN-0o3ZzCGrkdOWXEie8Y8-O87prObpy21RT-j7Xg-SYiBwHU3LDOdBKJYg9-s3zBqVyFZbRk_KUM3H3G6JkP-S18VxO-tuxdrQT_L625e1JWjo7KpBYm7ToXZs1vSTSERQ3dVd8Y2PuhAehyphenhyphencLqu2NinbiJXdqbbQUms/s1600/Picsart_24-01-08_18-58-45-822.jpg)
រាជធានីភ្នំពេញ៖ ទីតាំងមួយកន្លែងទំនងជាដីឯកជន កំពុងតែធ្វើសកម្មភាពដឹកខ្សាច់ យ៉ាងប្រញាប់ប្រញាល់បំផុត ដោយប្រើប្រាស់រថយន្តលំដាប់ធន់ធំ ចាក់ខ្សាច់រំលោភចូលយកច្រាំងទន្លេយ៉ាងគឃ្លើន ខណៈអាជ្ញាធរនិងមន្ត្រីពាក់ព័ន្ធមូលដ្ឋានមិនហ៊ានសូម្បីតែក្អក។
តាមសេចក្តីរាយការណ៍បានឲ្យដឹងថា៖ ទីតាំងដីមួយកន្លែងដែលកំពុងតែប្រើប្រាស់រថយន្តធន់ធំលំដាប់យក្ស ដឹកខ្សាច់ចាក់លុបរំលោភចូលទន្លេ គឺស្ថិតនៅតាមបណ្តោយផ្លូវលេខ៣៦៩ សង្កាត់ព្រែកប្រា ខណ្ឌច្បារអំពៅ រាជធានីភ្នំពេញ គឺបានកំពុងតែបញ្ចេញសកម្មភាពយ៉ាងប្រញាប់ប្រញាល់បំផុត ដោយធ្វើការសំរុកចាក់ខ្សាច់ និងប្រើប្រាស់រថយន្តលំដាប់ធំផុតលេខដឹកជញ្ជូនខ្សាច់ពីចំណុចដេប៉ូគល់ស្ពានព្រែកសំរោង យកមកចាក់បំពេញរំលោភបំពានចូលទន្លេ និងកំពុងធ្វើការបុកគ្រឹះយ៉ាងរំភើយ ដោយប្រើសុទ្ធតែម៉ាស៊ីនទំនើបៗ និងមិនមានអាជ្ញាធរពាក់ព័ន្ធណាម្នាក់ចុះទៅអន្តរាគមន៍ទប់ស្កាត់បន្តិចសោះឡើយ។
ករណីខាងលើនេះ អង្គភាពសារព័ត៌មានយើងមិនអាច សុំការសម្ភាសន៍ជាមួយម្ចាស់ទីតាំងបាននោះទេ ខណៈលោក ងិន ធីរ៉ូ ចៅសង្កាត់ព្រែកប្រា បានប្រាប់សារព័ត៌មានថា «អត់ដឹងសោះចំពោះការចាក់រំលោភចូលយកទន្លេ ព្រោះមិនមានអ្នកណាមកសុំច្បាប់ ឬប្រាប់ឲ្យដឹងជាដំណឹងនោះទេ»។
ដូចដែលបានរៀបរាប់ខាងលើអង្គភាពសារព័ត៌មានឃើញថា «ករណីនេះកំពុងផ្ទុយស្រឡះឆ្ងាយ និងបំពានយ៉ាងធ្ងន់ធ្ងរពីអនុក្រឹត្យលេខ ៩៨ អនក្រ.បក ចុះថ្ងៃទី២៤ កក្កដា ឆ្នាំ២០១៥ ដែលចេញដោយរាជរដ្ឋាភិបាលកម្ពុជា ស្តីពីការគ្រប់គ្រងអាងទន្លេ ត្រង់ចំណុចជំពូកទី៥ មាត្រា៨»។
ដូច្នេះករណីនេះប្រជាពលរដ្ឋទទូចស្នើសុំដល់ឯកឧត្តម ឃួង ស្រេង អភិបាលនៃគណៈអភិបាលរាជធានីភ្នំពេញ និងជាប្រធានគណៈបញ្ជាការឯកភាពរាជធានីភ្នំពេញ សូមជួយពិនិត្យនិងចាត់វិធានការរដ្ឋបាលតាមផ្លូវច្បាប់ណាមួយចំពោះករណីខាងលើនេះផង។
ប្រជាពលរដ្ឋក៏អំពាវនាវសំណមពរស្នើសុំទៅកាន់ឯកឧត្តម ថោង ជេដ្ឋា រដ្ឋមន្ត្រីក្រសួងធនធានទឹក និងឧតុនិយម និងជាប្រធានគណកម្មាធិការជាតិគ្រប់គ្រងអាងទន្លេ សូមឯកឧត្តមប្រធានមេត្តាជួយអន្តរាគមន៍ទប់ស្កាត់ចំពោះករណីខាងលើនេះផងទាន៕
![]() |
ឯកឧត្តម ថោង ជេដ្ឋា |
![](https://blogger.googleusercontent.com/img/b/R29vZ2xl/AVvXsEhHFBaKEVO3t9ZC3wSHDnsjyzKShyphenhyphenqqyqpk56K8syTcruXIAndlUI6RSSLYYmYHMJOi1NloEQYAN9DFNHbQO5P3wQcWLQ22sdwpP1XKrLGxPnPPOjvoEvHmtbGxYQ77EiVe6HMKwXOvyj-IE2MdweQzrkKsbeZgtHGPx4bUtfPmUyxnqw_e0y5qHw9xFPE/s1600/IMG_20240108_184304_292.jpg)
![](https://blogger.googleusercontent.com/img/b/R29vZ2xl/AVvXsEiPnC8XdJtyz9bgTN1Hf1EozXiNFpUT9VuovPr4tCrJZESHV855fSccO6j1aLbUViy07-H3PzqsdTQq_uX-LUw8Cen1QqadmNRdOqB6P8RdEKyQ23Sf8UX5X-mtCYM4VG4Z5kKT5ir_K9WR2q5bDkyIJG8DEY4XMZvJKqC9xBWEnxSYpZ4r_I0DSewUziQ/s1600/IMG_20240108_184304_362.jpg)
![](https://blogger.googleusercontent.com/img/b/R29vZ2xl/AVvXsEizO0kKPATGBLACMx6fPxY6iWlSWsOWTX1uyju7ZPlO7iF73LBI83mN9J_v0YhyDJzh2LKh4d3DcFhub0e4bIHHh7kd7ymnm9hduvCN4erP69IVFfOStDWDfrlK7GTNY9eKLV0YitlBEQpEqpwLbUNIGT3Wniack3o05Yg_JLGIxO9pc8y-yUQwn7MZtlY/s1600/IMG_20240108_184304_516.jpg)
![](https://blogger.googleusercontent.com/img/b/R29vZ2xl/AVvXsEjPr-BEO0Ru1XCI_rk_poJgt03JWw8Rnvvdpg3p5J1WjIkj3ZnPqhJUdWZ1pS5ugUKQcaG4PLjn4GDCGXNmGZP6lrYUxB9PZn8_CP7cwWp7H3jOQeW4re5bqggFeQj487Zp37eXMkFlh447pLXad30KThxobV8ifdT_wUTx-VBCVcN3NP3HQovo7b-TCBQ/s1600/IMG_20240108_184304_568.jpg)
![](https://blogger.googleusercontent.com/img/b/R29vZ2xl/AVvXsEhuq2Y2M1t4lUnuNqNbVnVxl76mqHW9riiWviA1oQxdYeb-7U3EvAcP43T3O2tCZJzaSsKYRL7WdX1hs0fgNMBT3aFWNNFGa9cKe0iAAW9xWIEERhs9XpBXO8lNfGw6TZfiGd1Iab2W-DE65THOMn4LdYi9rGbRmh8gkc9qQ0B4Y3J5qKRsbcU9s30kvxM/s1600/IMG_20240108_184304_698.jpg)
![](https://blogger.googleusercontent.com/img/b/R29vZ2xl/AVvXsEiZYMkczXhvr-C5c2Wv7QM65V9GpyQuBBGHJteM1PbcmPNupAlKVVQp4yEg0bv4n7h14OJ1pyoSJ5zgb4fgY-gTTzMuxQUStFLwz5Oi-9xLR0j9lysv69EdjLNg92EhPuCd3WpxcJHXC4N1r0Z6ddE1nJpL1OFZU4jNZJj0NpVP0NS96hwm8cuqOo6JjiU/s1600/IMG_20240108_184304_904.jpg)
![](https://blogger.googleusercontent.com/img/b/R29vZ2xl/AVvXsEgN-IEdZb_TGhzKj7QS_Snl8g4139XmQp_kaF-nzuwTcRRfyJP_miqFaypWc2j3Iu2KKTCH4pHInY2IlNZLzxcUUvrsntUlkqTgSCJNcMXV1a7mHgX4BzoqgCAtD1wIUYbmikETr93zse5akFfI3kA0bRQq2_sSsFLGkhyAaNS3dVkUllb_kYDz_bgP97Y/s1600/IMG_20240108_184304_997.jpg)
![](https://blogger.googleusercontent.com/img/b/R29vZ2xl/AVvXsEizIQNkfMY2wmr5BJAgUkbrNc0BeHV4HdZ4J3yEpxi5BKQJUCsu7d10YS6Qs2jSMOPwWz9EJ7TCdbYnOp32IapzMY90OREqdHHY5qhrjS31sF-JelaD9_bsHHcgPFaF0_Wm1cEQsnd0rmi0XGumLjyjLC_WplX-QW28IiwyWEJm2T7yT7AgEvAMKp71GvU/s1600/IMG_20240108_184344.jpg)
![](https://blogger.googleusercontent.com/img/b/R29vZ2xl/AVvXsEjTjuW4VrNmBJhm9oWc4t1P43zlFlGCO-tKEZ9tTup2kaR_gKIGsIuwnTaZotf3jSPP-bFag347tPFj_hWnj8aQB-LnGnK5PFXIxeow4l0qAFKLGcxU2CHwe-pV2LDKA98o-PsZD_3NG43ftzPe9feSj7BFWKRVPxzNvUptUIDz_rFeldQvdfUVTxYDENI/s1600/IMG_20240108_184538.jpg)
No comments