UPDATE៖ ករណីប៉ុនប៉ងមនុស្សឃាតចាក់ដីកប់ទាំងរស់ នៅខេត្តស្ទឹងត្រែង គ្រួសារជនរងគ្រោះស្នើសុំឱ្យតុលាការ កាត់ទោសជនបង្កឲ្យបានធ្ងន់ធ្ងរ និងសូមឲ្យស្វែងរកអ្នកបញ្ជាក្រោយខ្នង
![](https://blogger.googleusercontent.com/img/b/R29vZ2xl/AVvXsEg_vKArcRhJ67h7KiRN1PXpAqjMeyRlLwmr-6Lv1-dK6XnvJnIZz9ZZ8cWcmcZ0gqO5tpOfgGpwIJOQZFp57Ci_QmMPnkxNfagYHqZygUeDa_ZO1ljgugwnA4ornPpTV6et75DpDRQ8sBneKe5Z_FEYt-Ja-1TKAdNdVJe9O-79-GTSvLDORJmDuimLFgE/s1600/IMG_20240109_104402_285.jpg)
ខេត្តស្ទឹងត្រែង៖ ដោយសារសង្គ្រាមដីធ្លីរ៉ាំរ៉ៃជាង១០ឆ្នាំ និងមិនមានការដោះស្រាយរកខុសត្រូវមិនដាច់ស្រេចធ្វើឲ្យស្ត្រីម្នាក់រងគ្រោះ ដោយសារតៃកុងឡានចាក់ដីកប់ទាំងរស់។ ដោយហេតុការណ៍នោះបានកើតឡើងកាលពីថ្ងៃទី២៣ ខែវិច្ឆិកា ឆ្នាំ២០២៣ នៅក្រុងស្ទឹងត្រែង ខេត្តស្ទឹងត្រែង។ ហើយរហូតមកទល់ពេលនេះ ស្ត្រីវ័យចំណាស់ដែលជាជនរងគ្រោះ កំពុងបានមានអាការៈធូរស្បើយបន្តិចហើយ ប៉ុន្តែត្រូវការបន្តលេបថ្នាំរហូត។
ចំណែកជនសង្ស័យ ដែលជាតៃកុងឡានប៊ែនដី ត្រូវបានតុលាការខេត្តស្ទឹងត្រែង បន្តឃុំខ្លួននៅពន្ធនាគារ ជាប់ចោទពីបទ «ប៉ុនប៉ងមនុស្សឃាត» ចំណែកឯអ្នកពាក់ព័ន្ធត្រូវបានតុលាការសម្រេចឲ្យនៅក្រៅឃុំបណ្តោះអាសន្ន។
តាមការឲ្យដឹងពីក្រុមគ្រួសារជនរងគ្រោះបាន ប្រាប់សារព័ត៌មានឲ្យដឹងថា៖ «បច្ចុប្បន្នជនរងគ្រោះនៅមិនទាន់ទទួលបានសំណងជំងឺចិត្តនោះទេ ខណៈជនសង្ស័យម្នាក់ទៀត កំពុងបានរត់គេចខ្លួនបាត់ស្រមោល ដោយមិនទាន់ចាប់ខ្លួនបាន»។
តាមប្រភពព័ត៌មានបានឲ្យដឹងថា៖ នៅថ្ងៃទី១៧ ខែមករា ឆ្នាំ២០២៤ ខាងមុខនេះ ចៅក្រមស៊ើបសួរ នៃតុលាការខេត្តស្ទឹងត្រែង និងធ្វើការអញ្ជើញជនរងគ្រោះទៅសាកសួរ អំពីដំណើររឿងខាងលើ។
ក្រុមគ្រួសារជនរងគ្រោះស្នើសុំឱ្យតុលាការខេត្តស្ទឹងត្រែង បន្តចោទប្រកាន់ជនសង្ស័យពីបទ ប៉ុនប៉ងមនុស្សឃាត និងកាត់ទោសឲ្យបានធ្ងន់ធ្ងរតាមនីតិវិធីច្បាប់ និងបានស្នើសុំឱ្យតុលាការតាមចាប់ខ្លួនជនសង្ស័យម្នាក់ទៀតដែលកំពុងតែរត់គេចខ្លួន ជាពិសេសទៀតនោះ ក្រុមគ្រួសារជនរងគ្រោះស្នើសុំឱ្យស្ថាប័នតុលាការតាមស្វែងរកអ្នកនៅពីក្រោយខ្នងដែលបានបញ្ជាឲ្យធ្វើរឿងនេះ និងទាមទារជំងឺចិត្តចំនួន ៥ពាន់ដុល្លារ៕
![](https://blogger.googleusercontent.com/img/b/R29vZ2xl/AVvXsEjLdEfVNUII5hvMWDWEXVanmhYrtMX3swyDKnC6j_rQJ5JaQc4xKX_5agsPavIHFIbDBW57qyP-TEqndL90R6HeI-1KYW1upbqhfEf_iHbtqBbtmZmvg063djKu_sUkjKJwq3QKCIXG8vwbJpHNjJrL2kK6qSDPD3FhtIKaqhqFbWb9U2CiDzx1OOW8LyU/s1600/IMG_20240109_104348.jpg)
![](https://blogger.googleusercontent.com/img/b/R29vZ2xl/AVvXsEh43w_h9oi2U2_kQ-EopFhF1qpy7T6ZjKSFW1C8bLSy24GG_cMzw6vgKxzP82UHvnhc28QWwZaDfrwOLWSCaoD1i0GSVULamh0H8Utw0zEU_FD2Na3hznfwA_5KnEYcIWof_RJf5IHJoqbRxolclQROpMb4z0lyxqF_06MzWwmzfDL2BTbA84r-6Gv6IyM/s1600/IMG_20240109_102348_589.jpg)
![](https://blogger.googleusercontent.com/img/b/R29vZ2xl/AVvXsEh8apIqutQ5umqcOkfd3JYLvyt89j7RcZHVoKcrkG2hzOTwMGehx98ytj6dDtp9IQZ1aTK93s2KBGwYZ_ROOVuMEIw_k2zDOdUDVMNsRWDCO6BbDVWn3_Wtj7BGKCR6gVl0XTwvmHAgD_PseALE37KxdOATgZOPcMk-DEfLF7iPlXo2QuR8WLpI-RfcHeI/s1600/IMG_20240109_102348_957.jpg)
![](https://blogger.googleusercontent.com/img/b/R29vZ2xl/AVvXsEgH0IoHTSBtuiWqsHUemfASNkI2qH2-Xo-yTndIQlwjV8J8wkVisqDZeKMCYG7hdDpV6hbow2GJN2hy9FTIefzIrjAwX0f9JeI7wJ_Io2arAhYG1Ow_nyVGZ_jU1Tak-w56jYFx5Ab5t7Qcxj-pzYDP6iULDL9HIxc2VJ_JY1IvCeyeXnEO6kdJ3_MNRyk/w987-h1280/IMG_20240109_102348_988.jpg)
![](https://blogger.googleusercontent.com/img/b/R29vZ2xl/AVvXsEirnVKK94o7zrSoS9iHc3yoN2VumK5pSYOg0rp6BoebAY4efvIwAEtE2FL5F-Zk2ZaHDeZ-6xpxwjPl8ADlPI84MDyXp_D0Sxo2tuv7gS1AzrWFP3VoQf38ONlzpR88stmwm4TpTJkI5Sv05Bj2LvUcnBypUVD4Xcp0jpwHYhg9BOOujh31IL53U5WinT8/s1600/IMG_20240109_102349_080.jpg)
No comments