រដ្ឋបាលខេត្តកំពង់ចាម បន្តទទួលពលករមកពីប្រទេសថៃ ចំនួន ១០នាក់ទៀត ដោយក្នុងនោះខេត្តត្បូងឃ្មុំ មាន ៣នាក់

នៅថ្ងៃទី ០៤ខែកក្កដា ឆ្នាំ២០២៥ រដ្ឋបាលខេត្តកំពង់ចាម បានទទួលពលករមកពីប្រទេសថៃ សរុបចំនួន ១០ នាក់ ដោយក្នុងនោះមានពលករនៅខេត្តត្បូងឃ្មុំចំនួន ៣នាក់ ផងដែរ។

តាមមន្ត្រីរដ្ឋបាលខេត្តកំពង់ចាម បានឲ្យដឹងថា រថយន្តចំនួន០១គ្រឿង ជារថយន្តរបស់រដ្ឋបាលខេត្តកំពង់ចាម មានស្លាកលេខ 3-0610 បានដឹកពលករសរុបចំនួន ១០នាក់ ស្រី ០៦នាក់ ក្នុងនោះ-ស្រុកបាធាយ ០១នាក់ ស្រី-ស្រុកជើងព្រៃ ០៤នាក់ ស្រី ២នាក់ និងស្រុកចំការលើ ០២នាក់ ស្រី ០១នាក់, ជាមួយគ្នានោះក៏មានពលករនៅខេត្តត្បូងឃ្មុំ ០៣នាក់ ស្រី០២នាក់ផងដែរ។

មន្ត្រីដដែលបានបញ្ជាក់ថា បច្ចុប្បន្នបងប្អូនពលករទាំងអស់ ក្រុមការងារបានជូនដល់មូលដ្ឋានក្រុង-ស្រុករួចរាល់ហើយ។