នគរបាលប៉ុស្តិ៍រដ្ឋបាលព្រែកលួងបានឃាត់ខ្លួនជនសង្ស័យ១នាក់ ករណីអំពើហិង្សាក្នុងគ្រួសារ!!

ខេត្តកណ្ដាល:ហេតុការណ៍នេះបានកើតឡើងនៅថ្ងៃទី០៧ ខែ ឧសភា ឆ្នាំ២០២០វេលាម៉ោង១៨.៣០ចំណុច  ភូមិ ព្រែកថោង ឃុំ ព្រែកលួង ស្រុកខ្សាច់កណ្តាល ខេត្តកណ្ដាល

ជន១នាក់ឈ្មោះឆឺន ឆុន ភេទ ប្រុស អាយុ ៦០ ឆ្នាំជនជាតិខ្មែរ មុខរបរ កសិករ នៅភូមិ ព្រែកថោង ឃុំ ព្រែកលួង ស្រុកខ្សាច់កណ្តាល ខេត្តកណ្តាល (ជាឪពុក)

ជនសង្ស័យ១នាក់ឈ្មោះ ឆុន ម៉ិច ភេទ ប្រុស អាយុ ៣៣ឆ្នាំជនជាតិខ្មែរ មុខរបរ មិនពិតប្រាកដ នៅភូមិ ព្រែកថោង ឃុំ ព្រែកលួង ស្រុកខ្សាច់កណ្តាល ខេត្តកណ្តាល(ឃាត់ខ្លួន) កូន។វត្ថុតាងចាប់យក៖ ប្រេងសាំង១ដបទឹកសុទ្ធ។

សមត្ថកិច្ចបានឲ្យដឹងថាជនសង្ស័យធ្លាប់ប្រើប្រាស់គ្រឿងញៀន និងធ្លាប់ប្រព្រិត្តអំពើហិង្សាក្នុងគ្រួសារ។

នៅថ្ងៃ ខែ ឆ្នាំ កើត ហេតុ ជនសង្ស័យផឹកស្រាស្រវឹងពេលមកដល់ផ្ទះរករឿងម្តាយ ហើយយកកៅអីបោកចោល ព្រមទាំងផ្តួលម៉ូតូទៅដី បណ្តាលឲ្យបែកបាក់ បន្ទាប់មក បានយកប្រេងសាំងចំនួន២ដប មកចាក់នៅប្រហាមុខផ្ទះ កន្លែងដាំបាយអស់ចំនួន១ដប រួចយកដែកកេះ កេះដុត តែត្រូវបានបងប្អូនអ្នកជិតខាងចាប់ឃាត់  ពេលនោះ ឪពុកបានទៅប្តឹងប៉ុស្តិ៍នគរបាលរដ្ឋបាលព្រែកលួង កម្លាំងចុះអន្តរាគមន៍ឃាត់ខ្លួនជនសង្ស័យបញ្ជូនមកអធិការដ្ឋាននគរបាលស្រុកខ្សាច់កណ្តាល ចាត់ការតាមនីតិវិធី។