គេហទំព័រ កងមាស​ សូមថ្លែងអំណរអរគុណយ៉ាងជ្រាលជ្រៅ ដល់សម្ដេច ទ្រង់ ឯកឧត្តម អ្នកឧកញ៉ា លោកជំទាវ លោក លោកស្រី អ្នកនាងកញ្ញា និង បងប្អូនប្រិយមិត្ត ជនរួមជាតិទាំងក្នងនិងក្រៅប្រទេស ដែលបានចូលមកកាន់ គេហទំព័រ កងមាស សូមជួបតែ សេចក្ដីសុខ សេចក្ដីចំរើន ក្នុងក្រុមគ្រួសារ ។ សូមអរគុណ !!!

Header Ads

ad728
  • ព័ត៌មានថ្មីៗ

    ព័ត៌មានលម្អិត៖ មន្ដ្រីយោធាដែលបាញ់សម្លាប់ប្រពន្ធ និងប្រពន្ធយោធាដូចគ្នា សម្រេចបាញ់សម្លាប់ខ្លួនឯង ពេលកម្លាំងសមត្ថកិច្ចកំពុងឡោមព័ទ្ធចាប់ខ្លួន


    ឧត្ដរមានជ័យ ៖ មន្ដ្រីយោធាម្នាក់នៅខេត្តឧត្ដរមានជ័យ ដែលបាញ់សម្លាប់ប្រពន្ធរបស់ខ្លួន និងសម្លាប់ស្ដ្រីម្នាក់ទៀតដែលជាប្រពន្ធយោធា នៅក្នុងអង្គភាពជាមួយគ្នា ហើយដែលបានរត់គេចខ្លួន រយៈពេលមួយថ្ងៃមកនេះ នៅទីបំផុតបានសម្រេចបញ្ចប់ជីវិតខ្លួនឯង ដោយធ្វើអត្ដឃាត (បាញ់សម្លាប់ខ្លួនឯង) ខណៈដែលកម្លាំងយោធា និងសមត្ថកិច្ចជាច្រើននាក់ កំពុងឡោមព័ទ្ធដើម្បីចាប់ខ្លួន។
    មន្ដ្រីយោធារូបនេះបានយកកាំភ្លើង AK ដែលខ្លួនបានស្ពាយទៅជាមួយ និងមាន ១២០គ្រាប់ជាប់ក្នុងខ្លួន បានបាញ់សម្លាប់ខ្លួនឯងស្លាប់ភ្លាមៗ នៅនឹងកន្លែងកើតហេតុតែម្ដង។
    អធិការនគរបាលស្រុកបន្ទាយអំពិល ខេត្តឧត្តរមានជ័យ លោក ឃុល ភិន បានប្រាប់បណ្ដាញព័ត៌មាន ឲ្យដឹងថា នៅរសៀលថ្ងៃទី១២ ខែឧសភា ឆ្នាំ២០២០នេះ កម្លាំងយោធា និងសមត្ថកិច្ចជាច្រើននាក់ បានតាមឡោមព័ទ្ធមន្ដ្រីយោធា សឿន កាន់ នៅវរសេនាតូចអន្ដរាគមន៍លេខ២៤៣ នៃកងពលតូចអន្ដរាគមន៍លេខ៤ ដើម្បីចាប់ខ្លួន ប៉ុន្ដែជនដៃមិនព្រមស្ដាប់តាមសមត្ថកិច្ច រហូតបាញ់តមកសមត្ថកិច្ចទៀតផង តែមិនបណ្ដាលឲ្យនរណាម្នាក់រងរបួសនោះទេ។
    លោកអធិការបានបញ្ជាក់ថា ជនដៃដល់ក៏បានសម្រេចបាញ់សម្លាប់ខ្លួនឯងស្លាប់ភ្លាមៗតែម្ដង។
    លោកអធិការបន្ដថា មូលហេតុដែលនាំឲ្យប្រព្រឹត្តអំពើឃាតកម្មខាងលើនេះ ដោយសារតែជនដៃដល់ និងភរិយា បានឈ្លោះប្រកែកគ្នា រួចហើយបានទាញកាំបិត កាប់ភរិយា ៣កាំបិត ពេលនោះស្ដ្រី ជាភរិយាយោធានៅក្នុងអង្គភាពជាមួយពេលកំពុងហូបបាយជាមួយគ្នា ក៏ជួយឃាត់នៅក្នុងផ្ទះរបស់ខ្លួន ស្រាប់តែជនដៃដល់មិនស្ដាប់ ក៏ទាញកាំភ្លើងបាញ់សម្លាប់ចោលទាំងពីរនាក់តែម្ដង រួចរត់គេចខ្លួននៅផ្ទះមួយកន្លែង លក់គ្រឿងសំណង់ក្បែរនោះ។
    ក្រោយទទួលបានព័ត៌មាននេះ កម្លាំងយោធានៅក្នុងអង្គភាព ក៏តាមទៅឡោមព័ទ្ធ ហើយនៅក្បាលព្រលប់ជនដៃដល់ក៏បានបាញ់រំដោះខ្លួន គេចចេញពីកន្លែងពួនតែម្ដង។ លោកអធិការបន្ដថា ពេលពួននៅនឹងផ្ទះអ្នកជិតខាងនោះ ជនដៃដល់បានភ្ជង់ស្ដ្រីចំណាស់ម្នាក់ អាយុជាង៧០ឆ្នាំ និងចៅ២នាក់ទៀត ដោយគំរាមបាញ់សម្លាប់ចោល និងដុតផ្ទះ តែដោយការអង្វរកពីជនរងគ្រោះ ទើបរូបគេមិនធ្វើសកម្មភាព។
    សូមបញ្ជាក់ថា មន្ត្រីយោធាម្នាក់ឈ្មោះ សឿន កាន់ អាយុ៥៥ឆ្នាំ ឋានៈនាយចំណង់ អត្តលេខ០៧០៤៦២ បម្រើការនៅអង្គភាព វរសេនាតូចអន្តរាគមន៍លេខ២៤៣ កងពលតូចអន្តរាគមន៍លេខ៤ បានបាញ់សម្លាប់ប្រពន្ធខ្លួនឯង និងបាញ់ប្រពន្ធជាមន្ត្រីយោធាម្នាក់ទៀត មុនរត់គេចខ្លួន ដោយមាននាំកាំភ្លើងអាកាទៅជាប់ជាមួយទៀតផង។
    មន្ត្រីយោធារូបនេះ បានបាញ់សម្លាប់ប្រពន្ធឈ្មោះ ង៉ែត រ៉េន អាយុ៥០ឆ្នាំ និងប្រពន្ធគ្រួសារកងទ័ពម្នាក់ទៀត ឈ្មោះ ឡាច តាំងស្ម័គ្រ អាយុ៣០ឆ្នាំ។ ក្រោយពីបានប្រព្រឹត្តបទល្មើស ជនល្មើសបានរត់គេចខ្លួនដោយបានលួចយកអាវុធ AK47 ចំនួន ១ដើមលេខ ៥៧៧១៧៦ គ្រាប់ចំនួន ១២០គ្រាប់៕





    Post Top Ad

    Post Bottom Ad


    http://www.kangmeasnews.com/
    គេហទំព័រ កងមាស​ សូមថ្លែងអំណរអរគុណយ៉ាងជ្រាលជ្រៅ ដល់សម្ដេច ទ្រង់ ឯកឧត្តម អ្នកឧកញ៉ា លោកជំទាវ លោក លោកស្រី អ្នកនាងកញ្ញា និង បងប្អូនប្រិយមិត្ត ជនរួមជាតិទាំងក្នងនិងក្រៅប្រទេស ដែលបានចូលមកកាន់ គេហទំព័រ កងមាស សូមជួបតែ សេចក្ដីសុខ សេចក្ដីចំរើន ក្នុងក្រុមគ្រួសារ ។ សូមអរគុណ !!!
    រក្សាសិទ្ធិ​គ្រប់យ៉ាងដោយ គេហទំព័រ កងមាស
    "គេហទំព័រ កងមាស" ដំណើរការ​តាមប្រកាសលេខ...ចុះថ្ងៃទី...ខែ...ឆ្នាំ ២០...
    គេហទំព័រ កងមាស​ មានទីស្នាក់ការស្ថិតនៅ ផ្លូវលំ ភូមិទី២ ឃុំកងតាណឹង ស្រុកកងមាស ខេត្តកំពង់ចាម
    សម្រាប់ព័ត៌មានបន្ថែម សូមទំនាក់ទំនងតាមលេខ +855 77 90 666 4
    Copyright © 2020 កងមាស | រចនាគេហទំព័រដោយ បាយ័ន​ មុខគុជ