រន្ទះបាញ់អ្នកចំការស្លាប់ម្នាក់និងរងរបួសធ្ងន់ពីរនាក់ធ្វើអោយមានការភ្ញាក់ផ្អើរពេញស្រុកបន្ទាយអំពិល..!

ឧត្ដរមានជ័យ ៖ ពិតជាគួរអោយរន្ធត់ណាស់រន្ទះបាញ់ផ្តាច់យកជីវិតបុរសម្នាក់ស្លាប់ភ្លាមៗ ចំណែកប្រពន្ឋនឹងបងថ្លៃរងរបួសធ្ងន់ ខណៈកំពុងធ្វើចម្ការនាពេលភ្លៀងកំពុងធ្លាក់។
ហេតុការណ៍នេះបានកើតឡើងនាវេលាម៉ោង ១រសៀលថ្ងៃទី១៣ ខែមិថុនា ឆ្នាំ២០២០ ស្ថិតនៅចំណុចព្រៃរំដួល ភូមិរំដួលចាស់ ឃុំអំពិល ស្រុកបន្ទាយអំពិល ខេត្តឧត្ដរមានជ័យ។
សមត្ថកិច្ចមូលដ្ឋានបានឲ្យដឹងថា ជនរងគ្រោះមាន៖
ទី១. ឈ្មោះ ណូ ណយ ភេទប្រុស អាយុ ១៩ឆ្នាំ (ត្រូវជាប្តី) ស្លាប់ ។
ទី២. ឈ្មោះ យឺន សុភី ភេទស្រី អាយុ ១៩ឆ្នាំ (ត្រូវជាប្រពន្ធ) សន្លប់ រងរបួសធ្ងន់ ។
ទី៣. ឈ្មោះ មឺត ចំណាន ភេទប្រុស អាយុ ២៦ឆ្នាំ (ត្រូវជាបងថ្លៃ) សន្លប់ រងរបួសធ្ងន់ អ្នកទាំងបីនេះ រស់នៅភូមិកើតហេតុខាងលើ ។
ក្រោយកើតហេតុកម្លាំងប៉ុស្ថិ៍នគរបាល រដ្ឋបាលអំពិល បានចុះទៅដល់កន្លែងកើតហេតុ ហើយបានប្រគល់សពឲ្យទៅក្រុមគ្រួសារយកទៅធ្វើបុណ្យតាមប្រពៃណីចំណែកជនរងគ្រោះដែលរងរបួសធ្ងន់ទាំងពីរនាក់បានបញ្ជូនទៅមន្ទីរពេទ្យបង្អែកខេត្តឧត្តរមានជ័យ ៕