គេហទំព័រ កងមាស​ សូមថ្លែងអំណរអរគុណយ៉ាងជ្រាលជ្រៅ ដល់សម្ដេច ទ្រង់ ឯកឧត្តម អ្នកឧកញ៉ា លោកជំទាវ លោក លោកស្រី អ្នកនាងកញ្ញា និង បងប្អូនប្រិយមិត្ត ជនរួមជាតិទាំងក្នងនិងក្រៅប្រទេស ដែលបានចូលមកកាន់ គេហទំព័រ កងមាស សូមជួបតែ សេចក្ដីសុខ សេចក្ដីចំរើន ក្នុងក្រុមគ្រួសារ ។ សូមអរគុណ !!!

Header Ads

ad728
  • ព័ត៌មានថ្មីៗ

    អភិបាលខេត្តព្រះសីហនុ អញ្ជើញចូលរួមជាអធិបតីក្នុងពិធីសំណេះសំណាលជាមួយថ្នាក់ដឹកនាំ មន្ត្រីរាជការនៃមន្ទីររៀបចំដែនដី នគរូបនីយកម្ម សំណង់ និងសុរិយោដី រាជធានីភ្នំពេញ ដែលបានចូលរួមវាស់វែងក្នុងគម្រោងស្ថាបនាផ្លូវក្រុងចំនួន៣៤ខ្សែនៅក្នុងខេត្ត

    ថ្ងៃទី១៧ ខែកក្កដា ឆ្នាំ២០២០ ពិធីសំណេះសំណាលជាមួយថ្នាក់ដឹកនាំ មន្ត្រីរាជការនៃមន្ទីររៀបចំដែនដី នគរូបនីយកម្ម សំណង់ និងសុរិយោដី រាជធានីភ្នំពេញ ដែលបានមកចូលរួមវាស់វែងក្នុងគម្រោងស្ថាបនាហេដ្ឋារចនាសម្ព័ន្ធផ្លូវក្រុងចំនួន ៣៤ ខ្សែក្នុងខេត្តព្រះសីហនុ នាសាលប្រជុំធំ សាលាខេត្តព្រះសីហនុ ក្រោមអធិបតីភាពឯកឧត្តម យស់ ឆោមណារ៉ាឌី អនុរដ្ឋលេខាធិការក្រសួងដែនដី នគរូបនីយកម្ម និងសំណង់ ឯកឧត្តម គួច ចំរើន អភិបាល នៃគណៈអភិបាលខេត្តព្រះសីហនុ ដោយមានការចូលរួមពីអភិបាលរងខេត្ត ប្រធានមន្ទីរខេត្តព្រះសីហនុ និងប្រតិភូមន្ទីររៀបចំដែនដីរាជធានីភ្នំពេញមកទស្សនកិច្ចសិក្សាការស្ថាបនាហេដ្ឋារចនាសម្ព័ន្ធផ្លូវក្រុង ៣៤ខ្សែ ខេត្តព្រះសីហនុ ។

    លោក សារិន វណ្ណា ប្រធានមន្ទីររៀបចំដែនដី នគរូបនីយកម្ម និងសំណង់ មានប្រសាសន៍ថាវិស័យសំណង់នៅខេត្តព្រះសីហនុ បានរីកដុះដាល ពិសេសហេដ្ឋារចនាសម្ព័ន្ធផ្លូវក្រុង៣៤ខ្សែ ដែលបានបន្សល់ទុកនូវសមិទ្ធផលទាំងនេះ។ ផ្លូវនិងសំណង់បង្កើនសេដ្ឋកិច្ចជាប្រព័ន្ធក្នុងស្រុក ចាប់ផ្តើមពីដំណើរការសាងសង់អភិវឌ្ឍន៍ខេត្ត។ លោកក៌បានបន្ថែមទៀតថាមន្ទីរបានបំពេញការងារដោះស្រាយបញ្ហាមួយចំនួនដូចជា អគារបូឌិញនៅភ្នំពេញ ខេត្តព្រះសីហនុ និងបន្តទៅខេត្តរតនគិរីនៅពេលខាងមុខ ហើយនៅមានវិសាលភាពកាន់តែធំដែលត្រូវរួមគ្នាដោះស្រាយ។

    ឯកឧត្តម យស់ ឆោមណារ៉ាឌី អនុរដ្ឋលេខាធិការក្រសួងរៀបចំដែនដី នគរូបនីយកម្ម និងសំណង់ មានប្រសាសន៍ថា ការស្ថាបនាហេដ្ឋារចនាសម្ព័ន្ធផ្លូវ៣៤ខ្សែ ក្រុងព្រះសីហនុ មានការចូលរួមពីមន្ត្រីនៃមន្ទីររៀបចំដែនដីរាជធានីភ្នំពេញ  បានចូលរួមក្នុងការចុះវាស់វែង ឈានដល់ការស្ថាបនាហេដ្ឋារចនាសម្ព័ន្ធផ្លូវនេះឡើង ដែលមានអង្គភាពចំនួន២ និងក្រុមហ៊ុនចំនួន៦ ។ មកដល់បច្ចុប្បន្នការស្ថាបនាផ្លូវ ៣៤ខ្សែចាក់បេតុងបាន ៩៩.៩២ភាគរយ លូបាន ១០០ភាគរយ និងកំពុងបន្តរៀបខឿន ក្រាលថ្មក្រានីតផ្លូវថ្មើរជើង ផ្លូវជិះកង់ និងដាំដើមឈើ។ល។ ហើយនូវមានការងារដែលត្រូវធ្វើជាច្រើនទៀត។

    ឯកឧត្តម គួច ចំរើន អភិបាល នៃគណៈអភិបាលខេត្តព្រះសីហនុ បានបង្ហាញពីសមិទ្ធផលដែលសម្រេចបាន និងកំពុងដាក់ឱ្យប្រើប្រាស់នាពេលនេះ មិនអាចកាត់ផ្តាច់ពីការចូលរួមរបស់មន្ត្រីនៃមន្ទីរៀបចំដែនដីរាជធានីភ្នំពេញ ដែលបានខិតខំអស់ពីកម្លាំងកាយចិត្ត ប្រាជ្ញាស្មារតីចូលរួមវាស់វែងគម្រោងស្ថាបនាហេដ្ឋារចនាសម្ព័ន្ធផ្លូវ ៣៤ខ្សែ  ប្រវែង ៨២,៥០៥ម៉ែត្រ ប្រកបដោយមោទនភាព។ ទន្ទឹមនោះក៍បានចូលរួមត្រួតពិនិត្យគុណភាពសំណង់ក្នុងខេត្តព្រះសីហនុ មានចំនួន ១,៥៨០ការដ្ឋានផងដែរ។ ហើយសមិទ្ធផលកើតនៅខេត្តព្រះសីហនុ ជាការចូលរួមរបស់មន្ត្រីរៀបចំដែនដីរាជធានីភ្នំពេញ អាជ្ញាធរគ្រប់លំដាប់ថ្នាក់ ពិសេសមន្ត្រីមូលដ្ឋាន។

    ឯកឧត្តមអភិបាលខេត្តបន្តថា ខេត្តមានកោះចំនួន ៣២ មានឆ្នេរជាច្រើនកន្លែង ដែលរាជរដ្ឋាភិបាលចាត់ទុកជាតារារះនាទិសនារតី ផ្តល់ភាពទាក់ទាញភ្ញៀវទេសចរជាតិ អន្តរជាតិ និងអ្នកវិនិយោគ។ ចក្ខុវិស័យរបស់រាជរដ្ឋាភិបាលកម្ពុជានៅឆ្នាំ២០៣០ ប្រែក្លាយខេត្តព្រះសីហនុ ជាប៉ូលអភិវឌ្ឍន៍ជាតិប្រកបដោយចីរភាពតាមរយៈការអភិវឌ្ឍទីក្រុងវៃឆ្លាត ទំនើប និងការរៀបចំជាតំបន់សេដ្ឋកិច្ចពិសេសគំរូពហុបំណង ជាមជ្ឈមណ្ឌលកំណើនជាតិ មជ្ឈមណ្ឌលភស្តុភារកម្មជាតិ និងជាមជ្ឈមណ្ឌលឧស្សាហកម្មបច្ចេកវិទ្យាទំនើប។ ខេត្តព្រះសីហនុ មានសក្តានុពលក្នុងការដឹកជញ្ជូនមានផ្លូវទឹក ផ្លូវគោក ផ្លូវអាកាស និងផ្លូវដែក ពិសេសកំពង់ផែទឹកជ្រៅនៅកម្ពុជា ក្នុងការដឹកជញ្ជូនទំនិញចេញ-ចូល ម្យ៉ាងទៀតកំពង់ផែមិនមានកំណើនអន់ថយនោះទេ នៅតែបន្តសកម្មភាពលើកដាក់ទំនិញយ៉ាងមមាញឹក ហើយកំពុងបន្តអភិវឌ្ឍជម្រៅទឹកកាន់តែជ្រៅតាមជំហានទី១ ជំហានទី២ និងជំហានទី៣ បន្តបន្ទាប់។ព្រលានយន្តហោះអន្តរជាតិ កំពុងពង្រីកវិសាលភាពទីលានចុះចតពី ២,៥០០ម៉ែត្រ ទៅ ៣,២០០ម៉ែត្រ ដើម្បីឱ្យយន្តហោះមានកៅអី ៣ជួរចុះចតបាន សម្រាប់ទទួលភ្ញៀវទេសចរ និងអ្នកវិនិយោគ មកកាន់ខេត្តព្រះសីហនុ។ ទន្ទឹមនេះរាជរដ្ឋាភិបាលបានបើកការដ្ឋានស្ថាននាផ្លូវល្បឿនលៀនពីរាជធានីភ្នំពេញមកកាន់ខេត្តព្រះសីហនុ គ្រោងសាងសង់រួចរាល់នៅចុងឆ្នាំ២០២២ខាងមុខ។

    ឯកឧត្តម គួច ចំរើន បានបញ្ជាក់ថា សម្តេចតេជោ ហ៊ុន សែន បានដាក់ចេញនូវវិធានការពីរ ទី១ ស្លឹកត្នោត ខ្ចប់ស្ករត្នោត ប្រគល់ឱ្យឯកឧត្តម ជា សុផារ៉ា ឧបនាយករដ្ឋមន្រ្តី រដ្ឋមន្ត្រីក្រសួងរៀបចំដែនដី នគរូបនីយកម្ម និងសំណង់ និងជាប្រធាន គណៈកម្មាធិការជាតិគ្រប់គ្រង និងអភិវឌ្ឍតំបន់ឆ្នេរសមុទ្រកម្ពុជា(គ.អ.ឆ.ក.) កសាងផ្លូវក្រុងព្រះសីហនុ ៣៤ខ្សែ ប្រវែង ៨២,៥០៥ម៉ែត្រ សម្រេចបាន ៩៩,៩២ភាគរយ លូបាន ១០០ ភាគរយ នៅបន្តបំពាក់បង្គោលភ្លើងបំភ្លឺផ្លូវនឹងបើកឱ្យដំណើការសាកល្បង នៅល្ងាចថ្ងៃទី១៧ ខែកក្កដា ឆ្នាំ២០២០នេះផងដែរ និងបន្តដាំដើមឈើ និងផ្កា ដើម្បីបង្កើនសោភណ្ឌភាព បរិស្ថាន បន្តអ៊ុតកៅស៊ូនៅដើមខែធ្នូខាងមុខ និងគំនូសចរាចរណ៍។ សម្តេចតេជោ ក៌បានប្រើប្រាស់កញ្ចប់ថវិកាសន្សំរបស់ជាតិ ១០០លានដុល្លារ អនុវត្តដោយក្រសួងសធារណការ និងដឹកជញ្ជូន ស្ថាប នាផ្លូវ ១១ខ្សែ ជួយសម្រួលចរាចរណ៍ និងការស្តារអូរឈើទាល និងខ្នែងប្រវែង ១៦,៤៦០ម៉ែត្រ និងអូរធម្មជាតិ ៥ខ្សែ ប្រវែង ១១,០៨៧ ម៉ែត្រ។ ផ្តើមចេញពីកត្តាសន្តិភាព បានកើតចេញនូវសមិទ្ធផលហេដ្ឋារចនាសម្ព័ន្ធផ្លូវ ៣៤ខ្សែ ក្នុងខេត្តព្រះសីហនុ ដែលមានអត្ថន័យ០៣ ខ្មែរធ្វើបាន (គឺខ្មែរគិត ខ្មែរធ្វើ និងលុយរបស់ខ្មែរ)៕ប្រភព៖ រដ្ឋបាលខេត្តព្រះសីហនុ







    Post Top Ad

    Post Bottom Ad

    បណ្ដាញសារព័ត៌មានកងមាស ជាសារព័ត៌មានឯករាជ្យ ផ្សព្វផ្សាយតែព័ត៌មានពិត ស្មោះត្រង់មិនលំអៀង ប្រកាន់ភ្ជាប់នូវក្រមសីលធម៌ និងវិជ្ជាជីវៈខ្ពស់។

    គោលបំណងរបស់បណ្ដាញសារព័ត៌មានកងមាស បង្កើតឡើងដើម្បីតែផ្តល់ព័ត៌មានឆាប់រហ័សពីថ្នាក់ដឹកនាំទៅពលរដ្ឋ ពីពលរដ្ឋទៅថ្នាក់ដឹកនាំ។

    បណ្តាញសារព័ត៌មានកងមាស បង្កើតឡើងក្នុងគោលបំណង ចូលរួមចំណែកអភិវឌ្ឍប្រទេសជាតិ មាតុភូមិ ឲ្យកាន់តែរីកចម្រើនថែមទៀត ក្រោមការដឹកនាំដ៏ឈ្លាសវៃរបស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃកម្ពុជា។

    សម្រាប់ការទំនាក់ទំនងផ្តល់ព័ត៌មាន និង សម្រាប់ការឧបត្ថម្ភផ្សេងៗ ក្នុងវិស័យព័ត៌មាន មកកាន់អង្គភាពសារព័ត៌មានកងមាស៖ 077906664 / 098906664 / 0712326664 / ABA-001964056 CHHOM DANY / Wing 098906664 CHHOM DANY.

    សម្រាប់ការឧបត្ថម្ភគាំទ្រពីសំណាក់មហាជន ផ្តល់មកខាងអង្គភាពសារព័ត៌មានកងមាស គឺជាអំពើល្អមួយក្នុងការរួមចំណែកខ្ពស់ សម្រាប់ការទ្រទ្រង់អង្គភាពឲ្យមានការរីកចម្រើនបន្តទៅមុខទៀត ក្នុងវិស័យព័ត៌មាន ដែលជាវិស័យទីបួន។

    ក្នុងនាមជាម្ចាស់អង្គភាពនៃសារព័ត៌មានកងមាស សូមថ្លែងអំណរអរគុណយ៉ាងជ្រាលជ្រៅបំផុតចំពោះ សម្តេច ទ្រង់ ឯកឧត្តម ឧកញ៉ា លោកជំទាវ លោក លោកស្រី អ្នកនាងកញ្ញានិងប្រិយមិត្តទាំងក្នុងនិងក្រៅប្រទេសដែលតែងតែគាំទ្រដល់ការផ្សព្វផ្សាយព័ត៌មានរបស់យើងខ្ញុំ ឲ្យជួបប្រទះនូវពុទ្ធពរទាំងបួនប្រការគឺមអាយុ វណ្ណៈ សុខៈ ពលៈ កុំបីឃ្លៀងឃ្លាតឡើយ ! សូមអរគុណ.

    http://www.kangmeasnews.com/
    គេហទំព័រ កងមាស​ សូមថ្លែងអំណរអរគុណយ៉ាងជ្រាលជ្រៅ ដល់សម្ដេច ទ្រង់ ឯកឧត្តម អ្នកឧកញ៉ា លោកជំទាវ លោក លោកស្រី អ្នកនាងកញ្ញា និង បងប្អូនប្រិយមិត្ត ជនរួមជាតិទាំងក្នងនិងក្រៅប្រទេស ដែលបានចូលមកកាន់ គេហទំព័រ កងមាស សូមជួបតែ សេចក្ដីសុខ សេចក្ដីចំរើន ក្នុងក្រុមគ្រួសារ ។ សូមអរគុណ !!!
    រក្សាសិទ្ធិ​គ្រប់យ៉ាងដោយ គេហទំព័រ កងមាស
    "គេហទំព័រ កងមាស" ដំណើរការ​តាមប្រកាសលេខ...ចុះថ្ងៃទី...ខែ...ឆ្នាំ ២០...
    គេហទំព័រ កងមាស​ មានទីស្នាក់ការស្ថិតនៅ ផ្លូវលំ ភូមិទី២ ឃុំកងតាណឹង ស្រុកកងមាស ខេត្តកំពង់ចាម
    សម្រាប់ព័ត៌មានបន្ថែម សូមទំនាក់ទំនងតាមលេខ +855 77 90 666 4
    Copyright © 2020 កងមាស | រចនាគេហទំព័រដោយ បាយ័ន​ មុខគុជ