ឯកឧត្តម ជាវ តាយ ចុះពិនិត្យស្វែងយល់វាយតម្លៃលើផលប៉ះពាល់ស្រូវនិងហេដ្ឋារចនាសម្ព័ន្ធដោយជំនន់ទឹកភ្លៀងក្នុងស្រុកកំពង់ត្រាចនិងស្រុកបន្ទាយមាស
ឯកឧត្តម ជាវ តាយ ចុះពិនិត្យស្វែងយល់វាយតម្លៃលើផលប៉ះពាល់ស្រូវនិងហេដ្ឋារចនាសម្ព័ន្ធដោយជំនន់ទឹកភ្លៀងក្នុងស្រុកកំពង់ត្រាចនិងស្រុកបន្ទាយមាស
នៅព្រឹកថ្ងៃអាទិត្យ ១រោច ខែកក្តិក ឆ្នាំជូត ទោស័កព.ស២៥៦៤ ត្រូវនឹថ្ងៃទី០១ ខែវិច្ចិកា ឆ្នាំ២០២០ ឯកឧត្តម ជាវ តាយ អភិបាល នៃគណៈអភិបាលខេត្តកំពត បានដឹកនាំមន្ត្រីជំនាញ និងស្ថាប័នពាក់ព័ន្ធចុះតាមបណ្ដាឃុំមួយចំនួនក្នុងស្រុកចំនួនពីរគឺស្រុកកំពង់ត្រាច និងស្រុកបន្ទាយមាស ដើម្បីពិនិត្យស្វែងយល់និងវាយតម្លៃ និងការដោះស្រាយអំពីផលប៉ះពាល់ ពាក់ព័ន្ធលើការងារមួយចំនួនក្នុងនោះរួមមាន៖
១-ពិនិត្យលើផលប៉ះពាល់ដំណាំស្រូវ
២-ពិនិត្យលើការខូចខាតហេដ្ឋារចនាសម្ព័ន្ធផ្លូវលំនិងប្រឡាយទឹក
៣-ស្វែងយល់និងត្រៀមរកទីផ្សារស្រូវសំរាប់ប្រជាកសិករ ។
មានប្រសាសន៍សំណេះសំណាលជាមួយប្រជាពលរដ្ឋក្នុងឱកាសនោះ ឯកឧត្តម ជាវ តាយ អភិបាលខេត្តបានបញ្ជាក់ថា សុខទុក្ខលំបាក របស់ប្រជាពលរដ្ឋ គឺជាសុខទុក្ខលំបាករបស់ថ្នាក់ដឹកនាំ ។ ពិសេសវត្តមានថ្នាក់ដឹកនាំខេត្ត និងមន្ត្រីជំនាញ ចុះមកជួបប្រជាពលរដ្ឋនាពេលនេះ គឺជាការឆ្លើយតប ឲ្យបានទាន់ពេលវេលា តាមប្រសាសន៍ណែនាំផ្តាំផ្ញើដ៏ខ្ពង់ខ្ពស់របស់សម្ដេចតេជោ ហ៊ុនសែន ដើម្បីធ្វើយ៉ាងណាឱ្យអាជ្ញាធរខេត្ត ស្រុកធ្វើការសិក្សាវាយតម្លៃ បានជាមូលដ្ឋាន អំពីការរងផលប៉ះពាល់ជាក់លាក់ទាំងការងារបង្កបង្កើនផល និងហេដ្ឋារចនាសម្ព័ន្ធនានានៅក្នុងមូលដ្ឋាន រួមនិងតម្រូវការសំណូមពរជាក់ស្ដែងរបស់ប្រជាពលរដ្ឋ ដើម្បីជួយអន្តរាគមន៍ធ្វើការស្ដារឡើងវិញឲ្យបានឆាប់រហ័សទាន់ពេលវេលា។
ឯកឧត្តមអភិបាលខេត្តក៏បានណែនាំដល់អាជ្ញាធរមូលដ្ឋាន និងជំនាញពាក់ព័ន្ធ ត្រូវរួមសហការគ្នា ធ្វើការវាយតម្លៃនៃការខូចខាតឲ្យបានច្បាស់លាស់ និងផែនការជាក់លាក់ ដើម្បីជាវិធានការអន្តរាគមន៍ក៏ដូចជាការផ្ដល់ពូជស្រូវជួយដល់ប្រជាពលរដ្ឋក្នុងការស្ដារឡើងវិញលើការងារបង្កបង្កើនផល ព្រមទាំងការងារជួសជុលហេដ្ឋារចនាសម្ព័ន្ធក្នុងមូលដ្ឋានឱ្យបានទាន់ពេលវេលានិងឆាប់រហ័ស។
ទន្ទឹមនឹងនោះ ជំនាញពាក់ព័ន្ធនិងអាជ្ញាធរមូលដ្ឋានក៏ត្រូវយកចិត្តទុកដាក់តាមដានស្ថានភាពទឹកភ្លៀងចុងឆ្នាំ ដើម្បីបិទទ្វារអាងទឹកឬទប់ប្រភពទឹកដែលមានក្នុងមូលដ្ឋាន ទុកបម្រុងត្រៀមសម្រាប់ស្រោចស្រពដំណាំនារដូវប្រាំងខាងមុខនេះ និងត្រូវណែនាំឲ្យប្រជាពលរដ្ឋយកចិត្តទុកដាក់រក្សាទឹកក្នុងស្រែឲ្យបានល្អមុនបញ្ចប់រដូវភ្លៀងមកដល់ផងដែរ។
ក្នុងឱកាសនោះ ឯកឧត្តម ជាវ តាយ អភិបាលខេត្តបានឧបត្ថម្ភថវិកាជូនកងកម្លាំង ៤០នាក់ ក្នុងម្នាក់ៗ ២ម៉ឺនរៀល និងប្រជាពលរដ្ឋដែលចូលរួមចំនួន ៥៧០នាក់ (ទាំងពីរស្រុក) ក្នុងម្នាក់ៗ ១ម៉ឺនរៀល សរុបថវិកា ៦លាន ៥០ម៉ឺនរៀល។
-សូមបញ្ជាក់ថា ខេត្តកំពតស្ថានភាពនៃការរងផលប៉ះពាល់ដោយជំនន់ទឹកភ្លៀងដែលនាំឱ្យខូចខាត ផលដំណាំស្រូវ មានស្រុកចំនួន២គឺស្រុកបន្ទាយមាស និងស្រុកកំពង់ត្រាច៖ សរុបរួមនៅផ្ទៃដីចំនួន១,២២០ហត និងខូចខាត ៤៦៦ ហ.ត ស្មើនឹង ០,៣២៨% នៃផ្ទៃដីអនុវត្តបានសរុបចំនួន១៤១,៦៧៤ ហត។ ក្នុងនោះ ស្រុកបន្ទាយមាស ប៉ះពាល់លើឃុំចំនួន៧ ស្មើផ្ទៃដីមានចំនួន១,០៧៤ ហ.ត ខូចខាត ៣៩៤ហ.ត ដែលក្នុងនោះដែរមិនអាចស្តាបាន ចំនួន ២១ ហ.ត
-ស្រុកកំពង់ត្រាចផលប៉ះពាល់១៤៦ ហត ខូចខាត ៧២ ហ.ត ក្នុងនោះ មិនអាចស្តាបាន ចំនួន ២៥ ហ.ត៕
![](https://blogger.googleusercontent.com/img/b/R29vZ2xl/AVvXsEh63Npz-zUve05LuJQKfWcgohHTmeTn5dUxkvTSjU9uFeFFToBD3tNweOh107g4-jYDM8l_-ixezHWLOBtlxafvpyOv-g4u0h51TZNHYtFy-7DrOa8IqSStvfu5khG57is9vdFVcSwmXvs/s0/FB_IMG_1604276247646.jpg)
![](https://blogger.googleusercontent.com/img/b/R29vZ2xl/AVvXsEh33tuRw1_tICF_q1RlatE-TJ3GGKAOcMWTfF9qVHu_Zp4r7E3HDtiPr3GS4SGaEMGO31wXo6A0dhhqWtwIlsMGak5Bcg_Wx_Q7I5cZXQMFrQ3ESodXhc9vDOkAdva7Mv00BP4f8FzmHV8/s0/FB_IMG_1604276222256.jpg)
![](https://blogger.googleusercontent.com/img/b/R29vZ2xl/AVvXsEgMws707v1VExvt_9v32fkgKsI3gCNiDxwiEbIa3OnvSAYODqpGwdPrGOcbL3nzQL7jkpDXipxejZgdUteC3fjcpgDQ8fdEhCSisBkJaNvwRSU9TIKWKiv5kDtl3kBO9zk7zXCi9ohD4cY/s0/FB_IMG_1604276227551.jpg)
![](https://blogger.googleusercontent.com/img/b/R29vZ2xl/AVvXsEgviE_g63Gv3RS8bQvAgPC_iC32deMtdDOMsoNllsgYnFJA3L_fMGn448niitLV87uUX25FpysC8Yze_BaYrO-Q-DD9nj4blFr1WmDPt1KzhJkPxJA0YELcuuHs3B45R_g0V2sCBO9V3yc/s0/FB_IMG_1604276239574.jpg)
![](https://blogger.googleusercontent.com/img/b/R29vZ2xl/AVvXsEg-7wF_w7HFAmWcV8clY3oDn6NG8VRVMhFGZwAyp2ZYybUO3WiyaDqHVvs6oZVXg28QafbE7bWUrQGgg0tAyFNFJMtZZ0lVwpyFHL7nCI1GsuP27KjbulBq93yOpni7I3i07Y8reoGBCi0/s0/FB_IMG_1604276241930.jpg)
![](https://blogger.googleusercontent.com/img/b/R29vZ2xl/AVvXsEiwmnoYgNpCq7wpGcigiajyVHPaRkY7vkDtb_-3JcH2hkqmMkfDn3RT0jlfyY64lsyJHAC-QHJ3xRrPwLJbIP-Br90ddo1U_kzJ45OIbx_MnvnxbJgd1FAK4Cx6nxYV5dClMjRwXIqZ6A4/s0/FB_IMG_1604276244058.jpg)
![](https://blogger.googleusercontent.com/img/b/R29vZ2xl/AVvXsEi-mHhrYtfRkpBXzjPxmYA-TDM88qAcG-09cewGpN-7tlD7VzEUFLVNJjhL3b_ppljXfK_JPh47kR8tznYEvXikJMZ49YtPxrwoKe9K-GQEmk-mGi5NwecpQ3M1IrpWqUgORqP9esYxZBo/s0/FB_IMG_1604276247646.jpg)
![](https://blogger.googleusercontent.com/img/b/R29vZ2xl/AVvXsEifwnsN0_plQJED8pSaWuMnX8NGdndYzDFyygxXI4U5dL3wz2uESqq8gqoJ75om4IF1otUmKP7Vpo_audSfYBSjuc4V_J34nCCwk6CZcvHDD6cq0Hafma__XuYL4fvBRw_zX-CDw-lXNsQ/s0/FB_IMG_1604276249748.jpg)
![](https://blogger.googleusercontent.com/img/b/R29vZ2xl/AVvXsEgm7ltKBuYh5PkTHafFmyZ6c88zFnfxaZPuFKUKouMKq322tx9pDKr8GS8sWSxp9vDtnGTRWnV_-mrf0OcCZDcX1AHTRGvOXvqMA-SoFjEoAIdDMiJ56JkPUMB_olhAVXGfXLLXQQn4i-M/s0/FB_IMG_1604276252554.jpg)
![](https://blogger.googleusercontent.com/img/b/R29vZ2xl/AVvXsEi7U0DdIL6rbd1b3K5x4_FJk2eVOtOOo4wCvFBPpotpmVsM6IllcHj-R5JSk88RkWo29vcVcAE_W5UHmfRLTR4tvR_HekR8lqig0E29zE1YoGuUzqKY4tQOoLth6bVYfA_WIsxaazb3FSo/s0/FB_IMG_1604276255264.jpg)
![](https://blogger.googleusercontent.com/img/b/R29vZ2xl/AVvXsEjCUamDrG0DSgEYpAFMFqfqn2ExleRKl-xhfrelhZ6W791SM41N-6Dt8Q3VbCWny0PYaKMX4TEDkLFB0vgpk8USWzZ8aSVsI30ty56RfkRseEfHcdvXIy0kLTFTOK-t-yCtShzc-YG6jJE/s0/FB_IMG_1604276258347.jpg)
![](https://blogger.googleusercontent.com/img/b/R29vZ2xl/AVvXsEgfZhABcdVsXS3OS9XpTXY_XonZOapp5AIjlpRM9UcxssOh2ywuTnO0Laul2zspOyJM7cKhFwEI7_JsX-7KnqyProq-TTyO5kdDQ1hdI5wdNFoo_O66ZrKl8XjwrqOURmL6awOxyR0Kz6s/s0/FB_IMG_1604276260516.jpg)
![](https://blogger.googleusercontent.com/img/b/R29vZ2xl/AVvXsEhh4HpZ3GTJ6Xhu_Rqm41Ec7T0KWde-3ncBReXmhlr1y_ETmkYJca0xxucmyWJXx8OKUlBNrIBpkHQFGvURVvtqMCq2JYOsxTQR1uV8OjlOaY1FZVKS-d4A-S1E0dMeZp4y1RkoYnlM5mI/s0/FB_IMG_1604276262831.jpg)
No comments