សម្តេចតេជោ ហ៊ុន សែន ចូលរួមអបអរសាទរខួបអនុស្សាវរីយ៍លើកទី៧០ ថ្ងៃបង្កើតគណបក្សប្រជាជនកម្ពុជា ⟨CPP⟩ -២៨/៦ /១៩៥១- ២៨/៦/២០២១
![](https://blogger.googleusercontent.com/img/b/R29vZ2xl/AVvXsEiWopfJixm4PhJpg3PKwlhyphenhyphen5RdmhCDN8Qp3Jav8A_YgFW53vywxDEmGsYbQQ3agm8r10WioHNy_xbM6Jaofrjnf9UdgvYj7P6Pl85MG3ZHfTxRjdrGY7WEzPz2JdE2KO4POAJ9igq0MlrQ/s0/FDB467B5-A7BD-4D28-9838-BEC47CA.jpeg)
សម្តេចតេជោ ហ៊ុន សែន ចូលរួមអបអរសាទរខួបអនុស្សាវរីយ៍លើកទី៧០ ថ្ងៃបង្កើតគណបក្សប្រជាជនកម្ពុជា ⟨CPP⟩ -២៨/៦ /១៩៥១- ២៨/៦/២០២១
នៅព្រឹកថ្ងៃចន្ទ ៤រោច ខែបឋមាសាឍ ឆ្នាំឆ្លូវ ត្រីស័ក ពុទ្ធសករាជ ២៥៦៥ ត្រូវនឹងថ្ងៃទី២៨ ខែមិថុនា ឆ្នាំ២០២១នេះ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា បានចូលរួមអបអរសាទរខួបអនុស្សាវរីយ៍លើកទី៧០ ថ្ងៃបង្កើតគណបក្សប្រជាជនកម្ពុជា (CPP) -២៨/៦ /១៩៥១- ២៨/៦/២០២១។
តាមរយៈបណ្តាញទំនាក់ទំនងសង្គមហ្វេសប៊ុក សម្តេចតេជោ បានគូសបញ្ជាក់ថា ៧០ឆ្នាំកន្លងទៅនេះ កម្ពុជាបានឆ្លងកាត់នូវរឿងរ៉ាវលំបាកជាច្រើន ដែលគ្រប់ដំណាក់កាលទាំងអស់គឺតែងតែមានវត្តមាន “គណបក្សប្រជាជនកម្ពុជា” នៅរួមសុខរួមទុក្ខជាមួយប្រជាពលរដ្ឋខ្មែរគ្រប់ពេលវេលា។
សម្តេចតេជោ បានបន្តថា សន្តិភាព ស្ថិរភាព និងរាល់នូវសមិទ្ធផលដែលកម្ពុជាសម្រេចបានមកដល់ពេលនេះ គឺបានមកពីការយកអាយុជីវិតធ្វើដើមទុន ជាមួយនឹងពលិកម្មដ៏ធំធេងមិនអាចកាត់ថ្លៃបានរបស់យុទ្ធជន យុទ្ធនារី មន្ត្រីរាជការ សមាជិក សមាជិកាគណបក្ស រួមទាំងបងប្អូនជនរួមជាតិរាប់លាននាក់ ដែលបានចូលរួមក្នុងបុព្វហេតុជាតិមាតុភូមិ ជាមួយនឹងការគាំទ្រដ៏ស្មោះស ពីបណ្ដាប្រទេសជាមិត្ត និងសហគមន៍អន្តរជាតិ ដែលបានធ្វើអោយកម្ពុជាមានសុខសន្តិភាពនិងរីកចម្រើនមកទល់សព្វថ្ងៃ។
សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា បានសម្តែងអំណរគុណចំពោះបងប្អូនជនរួមជាតិ និងសមាជិកសមាជិកា ព្រមទាំងក្មួយៗទាំងក្នុងនិងក្រៅប្រទេសដែលតែងតែគាំទ្រ និងបោះឆ្នោតអោយគណបក្សប្រជាជនកម្ពុជា ដឹកនាំប្រទេសមកទល់សព្វថ្ងៃ។ ក្រោមការដឹកនាំរបស់គណបក្សប្រជាជនកម្ពុជា ប្រទេសជាតិនឹងកាន់តែរីកចម្រើនរុងរឿង៕«អរគុណសន្តិភាព»
![](https://blogger.googleusercontent.com/img/b/R29vZ2xl/AVvXsEhJNfQlenMZbydblAYz5BhoLtDjt8WHy36oRlJOdb3bD-XrlFngnbegWxxmA0peyRN7Fumyld1fhNFxoeLDbPitVNrcP17x7zHJe0o2GVKJEBqljebbPo6_TPoJzoVCQWxJstf3ZmQzJJI/s0/6F2D29F2-6F58-4BB8-865E-0BE542C.jpeg)
No comments