ដើមឈើ និងផ្ទះប្រជាពលរដ្ឋជាច្រើនគ្រួសារ ត្រូវបានខ្យល់កន្ទ្រាក់បកបោក រងការខូចខាតយ៉ាងធ្ងន់ធ្ងរនៅខេត្តកែប
![](https://blogger.googleusercontent.com/img/b/R29vZ2xl/AVvXsEh-hVRNPJSisAVZlctIjGEMFwHHiwMGsxGgVEKoteM-BUIdMaYkpc9vq2BKDpMcKWpmOB5ry_NV98SI9aROir1yuBbDTbVfbXvmyl_t9EFbhmOAz1egf6QZodKuRXtc4lZ_c-LfG-tob1Q/s0/PicsArt_07-29-09.36.42.jpg)
ដើមឈើ និងផ្ទះប្រជាពលរដ្ឋជាច្រើនគ្រួសារ ត្រូវបានខ្យល់កន្ទ្រាក់បកបោក រងការខូចខាតយ៉ាងធ្ងន់ធ្ងរនៅខេត្តកែប
ខេត្តកែប៖ ក្រោយពីក្រសួងធនធានទឹក និងឧត្តុនិយម បានធ្វើសេចក្តីប្រកាសក៏ដូចជាផ្សព្វផ្សាយតាមបណ្ដាញសង្គមនិងណែនាំទៅដល់ប្រជាពលរដ្ឋទូទាំងប្រទេស ពិសេសខេត្តកែបឲ្យមានការប្រុងប្រយ័ត្នចំពោះហានិភ័យផ្តើមដោយសារគ្រោះមហន្តរាយពីធម្មជាតិនោះ ស្រាប់តែមានករណីខ្យល់កន្ទ្រាក់បក់បោករលំដើមឈើនិងផ្ទះពលរដ្ឋអស់ជាច្រើននៅភូមិសាស្ត្រទឹកដីខេត្តកែប។ ដោយហេតុការណ៍នេះបានកើតឡើងនៅភូមិអូរក្រសារ សង្កាត់អូរក្រសារ ក្រុងកែប និងស្រុកដំណាក់ចង្អើរខេត្តកែប។
ចំពោះឧបទ្ទវហេតុខាងលើ បានកើតឡើង នៅវេលាម៉ោង ២និង 00នាទី រសៀល ថ្ងៃទី២៨ ខែកក្កដា ឆ្នាំ២០២១ បន្ទាប់ពីមានភ្លៀងធ្លាក់មួយមេយ៉ាងធំនិងខ្យល់កន្ត្រាក់ផ្គររន្ទះបណ្ដាលឱ្យរលំបង្គោលភ្លើង ដើមឈើ ជាច្រើនដើម ព្រមទាំងប៉ើងដំបូលផ្ទះប្រជាពលរដ្ឋអស់មួយចំនួនធំ និងរងការខូចខាតទ្រព្យសម្បត្តិរបស់ប្រជាពលរដ្ឋអស់មួយចំនួនផងដែរ។
បើតាមប្រភពពីអាជ្ញាធរនិងសមត្ថកិច្ចមូលដ្ឋានបានដឹងដែរថា ករណីខ្យល់កន្ទ្រាក់ខាងលើនេះ ខាងអាជ្ញាធរមិនទាន់ស្រង់របាយការណ៍ឱ្យបានជាក់លាក់នៅឡើយទេ ព្រោះខណៈនេះមេឃនៅតែបន្តភ្លៀងខ្យល់បន្តបន្ទាប់មិនទាន់ស្រាកស្រាន្ត។
ប្រភពពីអាជ្ញាធរខាងលើបានបញ្ជាក់ទៀតថា ករណីខ្យល់កន្ទ្រាក់នេះ មិនមែនកើតឡើងតែសង្កាត់អូរក្រសារ ក្រុងកែបប៉ុណ្ណោះទេ សូម្បីតែទឹកដីស្រុកដំណាក់ចង្អើរ ក៏មានករណីបែបនេះដែរ ព្រោះថាទឹកដីនៃខេត្តកែប គឺជាតំបន់ជាប់មាត់សមុទ្រ ងាយរងគ្រោះខ្លាំងជាងគេ ដូចនេះអាជ្ញាធរខេត្តកែប សូមសុំណូមពរដល់ពលរដ្ឋទាំងអស់សូមមេត្តា បង្កើនការប្រុងប្រយ័ត្នឱ្យបានខ្ពស់ ដើម្បីបញ្ជៀសនូវគ្រោះថ្នាក់ដោយប្រការផ្សេងៗ ដែលបង្កឡើងពីគ្រោះមហន្តរាយនៃធម្មជាតិ៕
![](https://blogger.googleusercontent.com/img/b/R29vZ2xl/AVvXsEgfAf93Mg8NHtDUFKzvlLZ2gQIXK9yC-PeFZRNBxkZnA77ehc85K1QPGwj8JajEd2NpdhsMabFFh3MY4tWv0-lCvnYsjzql3isif8Ajm21d5m5RSIumHY69AFkKQyBEY44KHTlb94xx8-Y/s0/photo_2021-07-29_09-18-00.jpg)
![](https://blogger.googleusercontent.com/img/b/R29vZ2xl/AVvXsEigJWy_W2kYZ6flywVebjYLdGZGn7TvaxQVPXnd52Fz06vLPE2p3OF4DuEQmgEMSlz954nkn8gV-mvWhzMAWgaSkm9bbBrSoJiZPl7x9ujhyzIDBnTyWmb6pxEpMZKpJnNMTaLPXkxnQJY/s0/photo_2021-07-29_09-18-11.jpg)
![](https://blogger.googleusercontent.com/img/b/R29vZ2xl/AVvXsEgiBGEzPGKUXa_HnOKLrO7stLqlF8dGGsrPDHYJbUo-yHmMFpljEJ3M-V-4HIB10Tpg3W5JHlt0FVJDX_H4BM0XKCXOTMaCR5-kSP35jmpSyHD8AyTPWqbZMt1fLlmnwZNzaGqZlQNqkJs/s0/photo_2021-07-29_09-18-13.jpg)
![](https://blogger.googleusercontent.com/img/b/R29vZ2xl/AVvXsEijYZks36kt1LpBYYKOcBW0IZMoR3kpx9ZlFPwDDF42yaIGWZVFidzz70dUk55_gQpaPw6cyzt6EloCHauO5BJTmQZ8sEU-7hKvqrGN5f1D05ZSTxD4u7dlxQfWcyvS8iVmHwZrjMX1CEk/s0/photo_2021-07-29_09-18-14.jpg)
![](https://blogger.googleusercontent.com/img/b/R29vZ2xl/AVvXsEgwG2-soIBoZEVedrPW_ScJkAzb5qTLMQSSOKb-AMY5-lseQAKvIs005m4WdUc2NhJQmvM-leu4Ivlsc9aSSWdUtvzu_qbYPI8Jb3Xoz0dUDqOc2awkd1KLYPX7DJf37_SHxf5id3NTqHg/s0/photo_2021-07-29_09-18-17.jpg)
![](https://blogger.googleusercontent.com/img/b/R29vZ2xl/AVvXsEhd12C6LlyRoHAr9CuxA_s3oDGZdjU64zOey9wOhN-KFmMLes1j1VPEhw_RFDHQkDTWvh0LpMUPOZL8dy0SefOfBLKpssVhDfgcjXHWWn-9En7fEsyImOB60gLNByDFJ5v-FM999YhHPbY/s0/photo_2021-07-29_09-18-19.jpg)
No comments