អាជ្ញាធរជាតិអប្សរា កំពុងរៀប ចំជួសជុលពង្រឹងខឿនរួតបាកាណនៅប្រាសាទអង្គរវត្ត

អាជ្ញាធរជាតិអប្សរា កំពុងរៀប ចំជួសជុលពង្រឹងខឿនរួតបាកាណនៅប្រាសាទអង្គរវត្ត

សៀមរាប៖ មន្រ្តីជំនាញនៃអាជ្ញាធរជាតិអប្សរា កំពុងរៀបចំជួសជុល ពង្រឹងខឿនរួតបាកាណនៅប្រាសាទអង្គរ វត្ត ដើម្បីឱ្យមានភាពរឹងមាំស្រស់ស្អាតឡើងវិញ បន្ទាប់ពីមានការធ្លាក់ និងញែកចេញពីគ្នាកាលពីពេលថ្មីៗកន្លងមកនេះ។

លោក ម៉ៅ សុខនី ប្រធានគម្រោងជួសជុល នៃនាយក ដ្ឋានអភិរក្សប្រាសាទក្នុងឧទ្យានអង្គរ និងបុរាណវិទ្យាបង្ការ មានប្រសាសន៍ថា ក្រុម ការងារជំនាញនៃនាយកដ្ឋានអភិរក្សប្រាសាទក្នុងឧទ្យានអង្គរ និងបុរាណវិទ្យាបង្ការ នៃអាជ្ញាធរជាតិអប្សរា កំពុងអនុវត្តគម្រោងជួសជុល ពង្រឹងខឿនរួតបាកាណ នៃប្រាសាទអង្គរវត្ត ដោយបានរៀបចំពិធីបួងសួងតាមទំនៀម ទម្លាប់បុរាណដើម្បីធ្វើការជួស ជុល កាលពីថ្ងៃទី ២៤ ខែ សីហា ឆ្នាំ២០២១កន្លងទៅនេះ។

លោកបន្តថា គម្រោងជួស ជុលនេះ នឹងអនុវត្តន៍រយៈ ពេល៥ឆ្នាំ ដើម្បីពង្រឹងថ្មខឿនទាំងបួនជ្រុង ដោយអនុវត្តមួយដំណាក់កាលមួយជ្រុង។

លោកបន្តទៀតថា បច្ចុប្បន្នក្រុមការងារ កំពុងសិក្សាបែង ចែកភិនភាគថ្មនៅតាមជ្រុងនីមួយៗ មានថ្មដំបូល និងថ្មហោជាង ចែកឱ្យដាច់ពីគ្នា ដើម្បីងាយស្រួលពេលរៀបចំរុញថ្មទៅវិញ។

សូមជម្រាបផងដែរថា គម្រោងជួសជុលនេះ មិនប៉ះពាល់ដល់ការទស្សនាប្រាសាទរបស់ភ្ញៀវទេសចរទេ ព្រោះថា ការជួសជុលនឹងបែងចែកជាជ្រុងៗ និងជាដំណាក់កាលៗ៕