រណ្តៅដីយក្សរបស់លោក ហ៊ុល សេងហាប់ កំពុងតែបង្កការភ័យខ្លាច ដល់ប្រជាពលរដ្ឋ ខណៈលោក សុត វឌ្ឍនា ប្រធានមន្ទីររ៉ែ ខេត្តបន្ទាយមានជ័យ មិនមានវិធានការទប់ស្កាត់

រណ្តៅដីយក្សរបស់លោក ហ៊ុល សេងហាប់ កំពុងតែបង្កការភ័យខ្លាច ដល់ប្រជាពលរដ្ឋ ខណៈលោក សុត វឌ្ឍនា ប្រធានមន្ទីររ៉ែ ខេត្តបន្ទាយមានជ័យ មិនមានវិធានការទប់ស្កាត់

ផ្សាយនៅថ្ងៃទី១៧ ខែកុម្ភៈ ឆ្នាំ២០២២ វេលាម៉ោង២០:៤១នាទី

បន្ទាយមានជ័យ៖ អាជីវកម្មរណ្តៅដីយក្ស របស់លោក ហ៊ុល សេងហាប់ សង្ស័យអត់ច្បាប់ ស្ថិតក្នុងភូមិសិលាខ្មែរ ឃុំអូរបីជាន់ ស្រុកអូរជ្រៅ ខេត្តបន្ទាយមានជ័យ កំពុងជីកកាយយ៉ាងគឃ្លើន និងកំពុងបង្កការភ័យខ្លាច ដល់សុខសុវត្ថិភាពរបស់ពលរដ្ឋជាច្រើន ខណៈអាជ្ញាធរក្នុងមូលដ្ឋាន និងលោកសុត វឌ្ឍនា ប្រធានមន្ទីររ៉ែ និងថាមពល ខេត្តបន្ទាយមានជ័យ មិនមានវិធានការទប់ស្កាត់និងបង្ក្រាប មានតែបណ្តោយឲ្យឈ្មួញដឹកជញ្ជូនអាចម៌ដី លក់ យ៉ាងអណាធិបតេយ្យជារៀងរាល់ថ្ងៃ។

ចម្ងល់ជាច្រើនបានលើកឡើងថា៖ តើពិតទេបើតាមប្រភពពីក្រុមអ្នករកសុីជីកយកអាចម៌ដីលក់ដូចគ្នា បានលួចបង្ហើបអ្នកសារព័ត៌មានយើងឲ្យដឹងថា រណ្តៅដី របស់លោក ហ៊ុល សេងហាប់ គឺ គ្មានច្បាប់អនុញាតនោះទេ។ ហើយកំពុងតែឆ្ងល់ថាហេតុអ្វីបុគ្គលមួយនេះនៅតែជីកកាយយកអាចម៍ដីលក់យ៉ាងអនាធិបតេយ្យ បានដោយមិនខ្លាចញញើតមន្ត្រីពាក់ព័ន្ធក្នុងមូលដ្ឋាននិងថ្នាក់ខេត្តរឺក៏អាង។

បើយោងតាមប្រភពច្បាស់ការ បានបង្ហើបឲ្យសារព័ត៌មាន យើងបន្តថា តាមច្បាប់រ៉ែ និងថាមពល គឺ អនុញាត ឲ្យក្រុមឈ្មួញ អាចបើកជីវកម្ម ជីកយកអាចម៌ដីលក់ បានជំរៅ ត្រឹមតែ ៥ ម៉ែត តែប៉ុណ្ណោះ តែបើឈ្មួញ ណា ជីកហួសពី ៥ម៉ែត្រ គឺល្មើស និងច្បាប់រ៉ែនិងថាមពលហើយ ។

ប្រជាពរដ្ឋសង្កេតឃើញថា៖ ទីតាំងរណ្តៅដី របស់លោក ហ៊ុល សេងហាប់ ក្នុងភូមិសិលាខ្មែរ មានគ្រឿងចក្រ កំពុងសកម្មភាពជីកកាយដីដាក់និងដឹកជញ្ជូន អាចម៌ ដី យកទៅលក់ ទៅអោយឈ្នួញយ៉ាងគគ្រឹកគគ្រេង រី ឯជម្រៅរណ្តៅដីវិញគឺជ្រៅប្រហែលជាង(១០ទៅ២០ម៉ែត) ជម្រៅជ្រៅទៅហើយ តែមិនទាន់ឃើញអាជ្ញាធរក្នុងមូលដ្ឋាននិង លោក សុត វឌ្ឍនា ប្រធានមន្ទីររ៉ែ និង ថាមពលខេត្ត បន្ទាយមានជ័យ ចុះពិនិត្យនិងទប់ស្កាត់ ឬ បង្រ្កាបឡើយ ។ (រឺក៏ត្រូវដងត្រូវផ្លែងហើយបានជាមិនវិធានការណាចុះអនុវត្ត)។

ពលរដ្ឋបានបន្តថាម្ចាស់អាជីវកម្មរណ្ដៅដីមួយនេះដឹកជញ្ជូនដីយ៉ាងអនាធិបតេយ្យដោយមិនគិតពីផលប៉ះពាល់របស់បងប្អូនប្រជាពលរដ្ឋរស់នៅក្នុងមូលដ្ឋាន
រីឯការដឹកជញ្ជូនវិញធ្វើឲ្យមានការប៉ះពាល់បណ្តាលជ្រុះអាចម៌ដី រាយប៉ាយ ពេញផ្លូវជាតិលេខ ៥៨ ផងដែរ។

ប្រជាពលរដ្ឋ នៅភូមិសិលាខ្មែរបានត្អូញត្អែលប្រាប់អ្នកសារព័ត៌មានទាំងភ័យខ្លាចថា៖ រថយន្តដឹកជញ្ជូនដីទាំងនោះបើកបរល្បឿនលឿនធ្វើឲ្យពួកគាត់មានការបារម្ភជាខ្លាំងពីសុវត្ថិភាពពួកគាត់ធ្វើដំណើរលើដងផ្លូវ៥៨។

ពេលបើកបរ ម៉ូតូ ពេលមានភ្លៀងធ្លាក់ ឬ ផ្លូវសើម រអិលដួល ជាបន្តបន្ទាប់ ដោយសារ អាចម៌ដី ដែលធ្លាក់រាយប៉ាយលើដងផ្លូវនៅចំណុច មុខផ្លូវចេញ-ចូល ទៅរណ្តៅ ដីមួយនេះ។

អង្គភាពសារព័ត៌យើងមិនអាចសុំការបំភ្លឺពីលោក សុត វឌ្ឍនា ប្រធានមន្ទីរ រ៉ែ និង ថាមពលខេត្ត បន្ទាយមានជ័យ  ដោយខលចូលជាច្រើនដងគ្មានអ្នកទទួល។

ប្រជាពលរដ្ឋមហាជនជាច្រើនស្នើសុំលោក យឹម សំណាង អភិបាលស្រុកអូរជ្រៅ គួរតែចាត់មន្ត្រីជំនាញរដ្ឋបាល ចុះពិនិត្យរណ្តៅដីមួយកន្លែងនេះផង។

ប្រជាពលរដ្ឋនៅក្នុងមូលភូមិសិលាខ្មែរសំណូមពរលោក អ៊ុំ រាត្រី អភិបាលខេត្តបន្ទាយមានជ័យ មេត្តាចាត់មន្ត្រីជំនាញមន្ទីរ៉ែ និងថាមពលខេត្ត ចុះពិនិត្យនិងធ្វើការហាមឃាត់ម្ចាស់អាជីកម្មរណ្តៅដីលោក ហ៊ុល សេងហាប់ ផង៕

ជុំវិញការចុះផ្សាយខាងលើនេះក្រុមការងារសារព័ត៌មានយើងសូមរងចាំការបកស្រាយបំភ្លឺពីម្ចាស់អាជីវកម្ម និងមន្ត្រីពាក់ព័ន្ធរៀងរាល់ម៉ោងធ្វើការ។ សូមអរគុណ!

ទំនាក់ទំនងការិយាល័យនិពន្ធ៖ 077906664/098906664