រថយន្ត LEXUS RX300 សាកកម្លាំងជាមួយ LEXUS LX570 យ៉ាងពេញទំហឹង បណ្ដាលឱ្យក្រឡាប់ផ្ងាជើងច្រងាង

រថយន្ត LEXUS RX300 សាកកម្លាំងជាមួយ LEXUS LX570 យ៉ាងពេញទំហឹង បណ្ដាលឱ្យក្រឡាប់ផ្ងាជើងច្រងាង

ផ្សាយនៅថ្ងៃទី១៦ ខែកុម្ភៈ ឆ្នាំ២០២២ វេលាម៉ោង១៨:៣៣នាទី

ភ្នំពេញ៖ បុរសម្នាក់បើករថយន្ត LEXUS RX300 បានបុកគ្នាជាមួយរថយន្តសេរីទំនើប LEXUS LX570 KURO នៅត្រង់ផ្លូវបំបែកជាបួន​ បណ្ដាលឱ្យរថយន្តទំនេីប 570 ក្រឡាប់ផ្ងាជើងច្រងាង។

ហេតុការគ្រោះថ្នាក់ចរាចរណ៍នេះ បានកើតឡើងកាលពីវេលាម៉ោង២និង៤៥នាទី រសៀល ថ្ងៃទី១៦ ខែកុម្ភះ ឆ្នាំ២០២២ ក្នុងតំបន់បឹងកក់ មូលដ្ឋានសង្កាត់ស្រះចក ខណ្ឌដូនពេញ រាជធានីភ្នំពេញ។

តាមប្រភពព័ត៌មាននៅកន្លែងកើតហេតុបានឲ្យដឹងថា មុនពេលកើតហេតុ គេបានឃើញស្រ្តីម្នាក់ បើកបររថយន្តម៉ាក LEXUS LX570 KURO ពណ៌ខ្មៅ ពាក់ស្លាកលេខ ភ្នំពេញ 2BS-9899 បើកបរក្នុងទិសដៅពីលិចទៅកើតបញ្ជ្រាស់ទិសដៅចរាចរណ៍ ក្នុងល្បឿនលឿន  ដោយខ្វះការប្រុងប្រយ័ត្ន ខណៈមកដល់ត្រង់ចំណុចផ្លូវបំបែកជាបួន ត្រូវបានរថយន្តមួយគ្រឿងទៀតម៉ាក់ LEXUS RX300 ពណ៌ខ្មៅ ពាក់ស្លាលេខ ភ្នំពេញ 2O-4445 បើកបរដោយបុរសម្នាក់  នឹងមានអ្នករួមដំណើរប្រុសស្រីបីនាក់ទៀតដែលធ្វើដំណើរក្នុងទិសដៅពីជើងទៅត្បូងបុករថយន្តLEXUS LX570 KUROយ៉ាងពេញទំហឹង បណ្ដាលឱ្យក្រឡាប់ផ្ញាជើងច្រងាងតែម្តង ចំនែករថយន្តLEXUS RX300រងការខូចខាតយ៉ាងដំណំ ភ្លាមៗនោះម្ចាស់រថយន្ត  LEXUS LX570 KURO បានគេចចេញពីកន្លែងកើតហេតុ បន្សល់ទុកតែរថយន្តនៅកន្លែង។

ក្រោយកើតហេតុសម្ថកិច្ចមូលដ្ឋានបានចុះមកដល់ទីតាំងកើតហេតុ រួចបានទាក់ទងទៅសម្ថកិច្ចជំនាញចរាចរណ៍ក្រុងចុះមកធ្វើការវាស់វែងស្ទួចយករថយន្តទាំង២គ្រឿង យកទៅរក្សារទុកនៅការិយាល័យចរាចរណ៍ផ្លូវគោក នៃស្នងការដ្ឋាននគរបាលរាជធានីភ្នំពេញ ដើម្បីរងចាំធ្វើការដោះស្រាយគ្នានៅពេលក្រោយតាមផ្លូវច្បាប់៕