ទីតាំងសង្វៀនជល់មាន់ និងអាប៉ោងដ៏ធំ កំពុងតែបើកដំណើរការយ៉ាងអណាធិបតេយ្យ ចំកណ្តាលក្រុងបាវិត ខណៈសមត្ថកិច្ចកំពុងតែរក្សាភាពស្ងៀមស្ងាត់
![](https://blogger.googleusercontent.com/img/b/R29vZ2xl/AVvXsEgdxc_uJdVFPnBuzCa2M8fOuL1b-ggCSnbArI3fq1A8lBFjimfWRBlQNjFwTWrdnQc2onhk_5k1zXfr42MMYSgeo5CR85f6ZmwdoaAVtmNP4qIFef49us-7jHwumhHLwdMhqxNbOVfZtOU--hG8qnRMQECki67ws5UpYd-wybtqTonUAq_RaA9QM-mS/s1600/Polish_20220409_132242563.jpg)
ទីតាំងសង្វៀនជល់មាន់ និងអាប៉ោងដ៏ធំ កំពុងតែបើកដំណើរការយ៉ាងអណាធិបតេយ្យ ចំកណ្តាលក្រុងបាវិត ខណៈសមត្ថកិច្ចកំពុងតែរក្សាភាពស្ងៀមស្ងាត់
ផ្សាយនៅថ្ងៃទី០៩ ខែមេសា ឆ្នាំ២០២២ វេលាម៉ោង១៣:២៩នាទីខេត្តស្វាយរៀង៖ ស្ថិតនៅចំកណ្តាលក្រុងបាវិតមានទីតាំងល្បែងស៊ីសងខុសច្បាប់ សង្វៀនជល់មាន់ និងអាប៉ោងដ៏ធំ កំពុងតែបើកដំណើរការយ៉ាងអណាធិបតេយ្យ ដោយគ្មានការរំខានដល់អាជ្ញាធរនិងសមត្ថកិច្ចក្នុងមូលដ្ឋាន។
តាមប្រភពព័ត៌មានបានឱ្យដឹងថា៖ ទីតាំងល្បែងស៊ីសងខុសច្បាប់ សង្វៀនមាន់ជល់ និងអាប៉ោង ខាងលើនេះមានម្ចាស់ឈ្មោះ ពូម៉ាប់ ដែលគេដឹងថាជាមនុស្សមានអំណាចឥទ្ធិពលខ្លាំង តែងតែដើរធ្វើព្យុះភ្លៀងយ៉ាងអណាធិបតេយ្យ ពីកន្លែងមួយទៅកន្លែងមួយ។
ប្រភពព័ត៌មានបានបន្ថែមទៀតថា៖ ទីតាំងសង្វៀនជល់មាន់ មួយនេះ មានបំពាក់កម្លាំងការពារ ដោយប្រើប្រាស់សន្តិសុខយាមច្រកចេញចូលមិនឲ្យសារព័តមានណាម្នាក់ចូលផ្តិតយករូបភាពបានទេ។
ចំណែកឯលោក លឹម សៀងហេង អភិបាលក្រុងបាវិត ហើយនិងលោក អែម សុវណ្ណារិទ្ធ អធិការនគរបាលក្រុងបាវិត ហាក់ដូចជាមិនខ្វល់ពីបញ្ហាអសន្តិសុខ ដែលកំពុងតែកើតឡើងក្នុងដែនគ្រប់គ្រងរបស់ខ្លួនសោះឡើយ ដោយទូរស័ព្ទខលចូលបែរជាគ្មានអ្នកលើក នេះដូចជាបណ្តែតបណ្ដោយពេកហើយ។
ពលរដ្ឋជាច្រើនកំពុងតែមានការព្រួយបារម្ភយ៉ាងខ្លាំងចំពោះវត្តមានទីតាំងល្បែងស៊ីសងដ៏ធំមួយកន្លែងនេះ ដែលកំពុងតែប្រមូលផ្ដុំគ្នាលេងល្បែងភ្នាល់ដាក់ប្រាក់រាប់រយពាន់ដុល្លារ ព្រោះថាល្បែងស៊ីសងនេះគឺជាដើមចមនៃការបង្កបង្កើតបទល្មើសជាច្រើនដូចជា លួច ឆក់ ប្លន់ ហិង្សាជាដើម។
ជុំវិញការព្រួយបារម្ភពីសំណាក់ប្រជាពលរដ្ឋខាងលើនេះ អាជ្ញាធរស្រុកនិងសមត្ថកិច្ចក្នុងមូលដ្ឋាន កំពុងតែបិទទូរស័ព្ទដេកលង់លក់ដោយមិនខ្វល់ខ្វាយពីបញ្ហាសន្តិសុខសណ្តាប់ធ្នាប់ជូនប្រជាពលរដ្ឋសោះ។
ពលរដ្ឋជាច្រើនសូមអំពាវនាវដល់លោក ម៉ែន វិបុល អភិបាល នៃគណៈអភិបាលខេត្តស្វាយរៀង និងជាប្រធានគណៈបញ្ជាការឯកភាពរដ្ឋបាលខេត្តស្វាយរៀង ហើយនិងលោក កឹង ឃន ស្នងការនគរបាលខេត្តស្វាយរៀង សូមមេត្តាជួយចាត់វិធានការបង្ក្រាបទីតាំងល្បែងស៊ីសងខុសច្បាប់ខាងលើនេះផងទាន៕
![](https://blogger.googleusercontent.com/img/b/R29vZ2xl/AVvXsEgRYiMgnyxoUhJQ480dmvDMZYGlGCmms3s2aOJLqa4LZhSX7pMuTL2n_KCdLgeP3QbqYVxxT5fFzXUhfiOaBt6QL6W-9v2_rzsyn6XOvJQK1p0n8OCjhJGclDOzSVlIFyBS5aO0zpmmoA77o8nVYRQY7SQjDG1satqNNtSOQb6wpHhxnfkLD9cVAO8k/s1600/20d0493a-1a78-4a23-b02f-259ddd08b78e.jpg)
![](https://blogger.googleusercontent.com/img/b/R29vZ2xl/AVvXsEjUunI4i_vo4jOhX_ePBOmKHZ0l-Q3FJ3H0yR-LZBHq_LHoFfxBf9CsykPszw7H23Q8YhIEonmsJS7msG3gf3PWsJf7ugtup3z-8HIul2eUVxtut7V5L9ykNUIcu35QTC0oHaqj0MPMZywqRXZiDyUwTDH9lP4Ygm4fSRoO7bOgly2W_iSPNCxyZPi4/s1600/social_media.jpeg)
![](https://blogger.googleusercontent.com/img/b/R29vZ2xl/AVvXsEgq9namW1BbUfYIqMx0MoN2gqDWu63SvFx2fJihcCCbgAe3zLkYv9t37oCZbmIyuisrECUPpuZnmAv_Ebh7HcDdvgF39I7wGtrdcKqEo6W-AP7CfePffWQkNyDQhsyDdxM_l9jwM7VOGxyz6Ry8Dkb2paaGni8sawoCKCqaKe-4wbjmBLkF5v1uM2LX/s1600/IMG_20220409_132621_881.jpg)
![](https://blogger.googleusercontent.com/img/b/R29vZ2xl/AVvXsEiaU4PFot7WeyyVwKhtTvPPMVjNTCeX85vPNxQJslLLS9_IezsV1MvgKi2rCoNrGbIg-31l-5YI8ZnK1Yp6JWEjGyqCSa68lm8nIT4DLQL8ul68amqiVXlX42J8guPlSstmO281zkBxhdIzXUIik4U6KfinugkV7wX62iioTcj64zcgVBqhyWoj0ZOw/s1600/IMG_20220409_132624_250.jpg)
![](https://blogger.googleusercontent.com/img/b/R29vZ2xl/AVvXsEjLRMaFSQh6b-czz7i-mElQ5SPdaXzolEBcCn7C74CIuItBgsolBvzs1cxSyp6kiNIWeWHwpb4JC5LuIsCQBE6UNPp6VwJyZyx2IvXJmSanUj0orDGpOqouk2VTINC48k2fl7P3tDBOb5sjNaKSyepR92G1yv5d5NT7IqCTOLU1jfPLMgjJbc7dcTD-/s1600/khemaradaily-2022-02-18_11-32-48_124065.jpg)
![](https://blogger.googleusercontent.com/img/b/R29vZ2xl/AVvXsEiZMp_aaUUZq-MArcPYX134NYM5_tn2vIataBYDno9ZF0i_1LSaAOES3Ij0vaR5uP2VK79HNvAYoT2r4zC26dCfTjLa-zZefV0p4ZoZX0lprlFsrUrvaNfAD-ECfOrkSm5LtmpY8C-SbTlxMvy-TrDR-NY7_ryeCQfYZ2DqQVopqNqepDYfmlU25jju/s1600/s.jpg)
![](https://blogger.googleusercontent.com/img/b/R29vZ2xl/AVvXsEjBXQTHRK5ThQHriq0uj67qX-N0kTmnCnLipkJm7dR-B2tnlDl5xu31HF3gNhBA9bsGw8EqY6-2j3_6-GVbITEjbQvVKAcTFQ2F0qUzkxaBMWiQDI696Q4azioeqC8r_BBhq32KX76yokyJT0bjbUXy5nLRCwSNdhSks1oqeDbl4xxOtkF5L5VcN6lt/s1600/FB_IMG_1649397962793.jpg)
![](https://blogger.googleusercontent.com/img/b/R29vZ2xl/AVvXsEglrm5F-NZU15j8srJhpV-_PJcGHqUgMxAO99P8SSQJ6kXbqcPKZl40cKdnu_tmMeqtKPP9E2_lMxm801jsXtdHxAkfRW_vqQy54-ktVu0XZ5liZCxk0kdkaxsb7K1DQsrWBY-TFdou0DS4mX5R4W8bqn56q_50SeLj2sQSXzB1yismRDbEsx1_2a2e/s1600/20220409_140616.jpg)
No comments