(CAMPSDA) ត្រៀមរៀបចំការប្រកួតប្រជែងតស៊ូមតិជាភាសាអង់គ្លេស សម្រាប់និស្សិតសាកលវិទ្យាល័យ

(CAMPSDA) ត្រៀមរៀបចំការប្រកួតប្រជែងតស៊ូមតិជាភាសាអង់គ្លេស សម្រាប់និស្សិតសាកលវិទ្យាល័យ

ផ្សាយនៅថ្ងៃទី១៥ ខែឧសភា ឆ្នាំ២០២២ វេលាម៉ោង០៨:២២នាទី

ភ្នំពេញ៖ Cambodia Public Speaking and Debate Association (CAMPSDA) គ្រោងនឹងរៀបចំការប្រកួតប្រជែងតស៊ូមតិជាភាសាអង់គ្លេស សម្រាប់និស្សិតសាកលវិទ្យាល័យដែលមានឈ្មោះថា CAMPSDA University Invitational Debate Open 2022 នៅថ្ងៃទី២៨ និង ទី២៩ ខែឧសភា ឆ្នាំ២០២២។

ការប្រកួតថ្ងៃទី២៨ ខែឧសភា ឆ្នាំ២០២២ នឹងធ្វើឡើងតាមរយៈប្រព័ន្ធអនឡាញ រីឯការប្រកួតវគ្គផ្តាច់ព្រ័ត្រនឹងប្រព្រឹត្តទៅនៅ សាលអង្គរ-គីហ្សូណា នៃ មជ្ឈមណ្ឌលសហប្រតិបត្តិការកម្ពុជា-ជប៉ុន (CJCC) នៅថ្ងៃទី២៩ ខែឧសភា ឆ្នាំ២០២២ ចាប់ពីម៉ោង ៨ព្រឹក រហូតដល់ម៉ោង ១២ថ្ងៃត្រង់។

ក្នុងនោះដែរ CAMPSDA ក៏មានការរៀបចំការចុះឈ្មោះ ដោយមិនគិតថ្លៃ សម្រាប់ការចូលរួមទស្សនាវគ្គផ្តាច់ព្រ័ត្រនៃការប្រកួតតស៊ូមតិនេះផងដែរ ។

ទស្សនិកជន ដែលចូលរួម មិនត្រឹមតែអាចទទួលបានចំណេះដឹងអំពីការតស៊ូមតិជាភាសាអង់គ្លេសប៉ុណ្ណោះទេ ថែមទាំងមានឱកាសឈ្នះនូវរង្វាន់ផ្សេងៗទៀតផងដែរ ជាពិសេសគឺរង្វាន់ពី Legend Cinema។

សាធារណៈជនអាចចុះឈ្មោះមកទស្សនាវគ្គផ្តាច់ព្រ័ត្រនេះ តាមរយៈលីងនេះ» https://forms.gle/dkhGWqqKopvovMEAA ឬក៏តាមរយៈការស្កេន QR code ក្នុងខិត្តប័ណ្ណខាងក្រោមនេះ៕