ប្រតិភូក្រសួងព័ត៌មាន ដឹកនាំដោយ ឯកឧត្តម ខៀវ កាញារីទ្ធ អញ្ជើញគោរពវិញ្ញាណក្ខន្ធសព ឯកឧត្តមសន្តិបណ្ឌិត ឌុល គឿន តំណាងរាស្ត្រមណ្ឌលខេត្តកណ្តាល
ប្រតិភូក្រសួងព័ត៌មាន ដឹកនាំដោយ ឯកឧត្តម ខៀវ កាញារីទ្ធ អញ្ជើញគោរពវិញ្ញាណក្ខន្ធសព ឯកឧត្តមសន្តិបណ្ឌិត ឌុល គឿន តំណាងរាស្ត្រមណ្ឌលខេត្តកណ្តាល
ផ្សាយនៅថ្ងៃទី១៨ ខែឧសភា ឆ្នាំ២០២២ វេលាម៉ោង១៣:២៨នាទីភ្នំពេញ៖ ឯកឧត្តម ខៀវ កាញារីទ្ធ រដ្ឋមន្ត្រីក្រសួងព័ត៌មាន នៅព្រឹកថ្ងៃទី១៨ ខែឧសភា ឆ្នាំ២០២២ បានដឹកនាំប្រតិភូក្រសួងព័ត៌មាន បានអញ្ជើញដាក់កម្រងផ្កា គោរពវិញ្ញាណក្ខន្ធសព ឯកឧត្តមសន្តិបណ្ឌិត ឌុល គឿន តំណាងរាស្ត្រមណ្ឌលខេត្តកណ្តាល ដែលកំពុងតម្កល់ធ្វើបុណ្យតាមប្រពៃណីទំនៀមទម្លាប់ព្រះពុទ្ធសាសនា នៅគេហដ្ឋាននៃសព ភូមិគ្រឹះ៧២ ភូមិមិត្តភាព សង្កាត់ព្រែកឯង ខណ្ឌច្បារអំពៅ រាជធានីភ្នំពេញ។
ឯកឧត្តមសន្តិបណ្ឌិត ឌុល គឿន បានទទួលមរណភាពកាលពីថ្ងៃអាទិត្យ១៥ កើត ខែពិសាខ ឆ្នាំខាល ចត្វាស័ក ព.ស.២៥៦៥ ត្រូវនឹងថ្ងៃទី១៥ ខែឧសភា ឆ្នាំ២០២២ វេលាម៉ោង ១៨:១២នាទី ក្នុងជន្មាយុ ៧៤ឆ្នាំ ដោយជរាពាធ។
នៅក្នុងឱកាសដ៏ក្រៀមក្រំនោះ ឯកឧត្តម រដ្ឋមន្រ្តី ខៀវ កាញារីទ្ធ និងប្រតិភូក្រសួងព័ត៌មាន បានសម្តែងការសោកស្តាយជាទីបំផុតជាមួយក្រុមគ្រួសារសពចំពោះមរណភាពរបស់ ឯកឧត្តមសន្តិបណ្ឌិត ឌុល គឿន គឺជាការបាត់បង់លោកឪពុក លោកឪពុកក្មេក និងជីតា ប្រកបដោយព្រហ្មវិហារធម៌ និងជាទីគោរពស្រឡាញ់យ៉ាងខ្លាំងបំផុតនោះទេ តែជាការបាត់បង់នូវ ធនធានមនុស្សដ៏គំរូមួយរូប ជាឥស្សរជនដ៏ឆ្នើមមួយរូប ដែលបានលះបង់កម្លាំងកាយចិត្ត ធនធាន និងបញ្ញាស្មារតី ក្នុងការបម្រើប្រទេសជាតិ មាតុភូមិ ដោយពុំខ្លាចនឿយហត់ ជារៀងរហូតមក។
ឯកឧត្តម រដ្ឋមន្រ្តី ក្រសួងព័ត៌មាន បានឧទ្ទិសបួងសួងសូមឲ្យវិញ្ញាណក្ខន្ធ ឯកឧត្តមសន្តិបណ្ឌិត ឌុល គឿន បានទៅសោយសុខក្នុងឋានសុគតិភពជានិច្ចនិរន្តកុំបីឃ្លៀងឃ្លាតឡើយ៕
![](https://blogger.googleusercontent.com/img/b/R29vZ2xl/AVvXsEgJ0VsaQrP-ZTaIqeLEGYJn-0xT0zvWwK2I5c72vpRCgwz4tuUc3x1gyINGqsXhGwGCfZVakzNMBAK_Q3xqRJ8kjnkPAHr1reW_UAKz_hsY5BDMFvgh-nmzRSzi9rIV9DGUfnaPFYNmlBunQmzBEkqSvwHRVxQfv7tN6ZwUP6RRGgatO1BRN7YiGAqS/s1600/FB_IMG_1652845114416.jpg)
![](https://blogger.googleusercontent.com/img/b/R29vZ2xl/AVvXsEg4rQzcEOJRmWBtmDtNdd4QHHdCoFehAYEqoeTop_JFvNC_i0aEgcZ_xxxVZ0l3_AfbhbNcuko_eY-QDkycEGr5ljg7iseoG6Zz-ueq6AdJxrmYKDe0eeE9GTHbM7f92AjIWE4LMNXCD3mHMQ4Usk8XIkKUe4_kujUgvEQjrP5TUX2lonfnf2ranutA/s1600/FB_IMG_1652845112398.jpg)
![](https://blogger.googleusercontent.com/img/b/R29vZ2xl/AVvXsEij4GPiyCdFdRbY-UNh5HRxOlVPO2SbMxNV7BTEdeETotLRJ-7qdT4UdnhdFl72Mww1FVpTHFTqUPmhVU_i9fvgCHPu94-2IZ4NZiq4fgn-9D8qbZtlNL-o5AEd6XDQXrQQ5y2cOqx86wRji53YWgSKYhNHX8kFx4J65s3-RilskNjZb0O2xPSHkeY-/s1600/FB_IMG_1652845116202.jpg)
![](https://blogger.googleusercontent.com/img/b/R29vZ2xl/AVvXsEgSSjN96acmGAQMYt3T9afEqQK6G3kfH68FAFIcY15nhbxKjZY6un7fHVWHUcYX0j3OUCUGZEmv5NOvAYHYOg2qK3wmvokAiHvmZjrf_uaR-ivL-oIPou9ogUdJFD3kzmdv16en0x7kR21OYDaEpksZ43Kl-N6oKeU7HZAn2r-h40tA92JCqKlK6E1Y/s1600/FB_IMG_1652845118077.jpg)
![](https://blogger.googleusercontent.com/img/b/R29vZ2xl/AVvXsEiOg0i5EOnxsbJIsx3s8092l-jsmyB3QcqGmRj9cvq29j4J47keZEPkESy_6jiD8VoWUCinjrBCw0NirSnquRTX43o-bshgHEqcdGf1KDH9JVvXAI2meqeynBz-SvS-Rc99hW4N7bgTOfqOo6LBRvEs3DkyGv8FUfZZlxAq-3ReLkiTJZq_9_ZFyPMM/s1600/FB_IMG_1652845119714.jpg)
![](https://blogger.googleusercontent.com/img/b/R29vZ2xl/AVvXsEiuMlvwCtJS0OLHn3AfxR1oHzArttalEMrbcOK9tOWT-EkcGgY4FtMKI8gTTEDjYRzeIWAvoC5Ji3sXKkqPtwleLNPHqhY76X8tad9owQqMF5RcLuHXGAEIePBWct74enTiW7WQdxy_tVMIUh7EUztZQuq2rBi42fK9UQoXCkCfPGQlOGwSgQRnq8RQ/s1600/FB_IMG_1652845121696.jpg)
![](https://blogger.googleusercontent.com/img/b/R29vZ2xl/AVvXsEh-wv7O72rxDvKLS3ry-Pn3ipauvgE0T8DRdrz0UNdSS8AW-PTSUvMSUlZmngv7NiLA3bXMDlaOcGWmXSFiPBTQjvswKDI588vAsDtDHGqGAkQpgp-fpGmDEJXjBSywYfuS-yukdiRPvk9WroM_z3AmGQaPYlVDrWJs6MFi9-OI-9iL6ztEniHJqgnw/s1600/FB_IMG_1652845123369.jpg)
No comments