សម្តេចតេជោ ហ៊ុន សែន អនុញ្ញាតឱ្យរដ្ឋមន្ត្រីការបរទេសប៉ាគីស្ថាន ចូលជួបសម្តែងការគួរសម និងពិភាក្សាការងារ
![](https://blogger.googleusercontent.com/img/b/R29vZ2xl/AVvXsEge3K6PvXUCwln_EfG57n4LHh5HPUxPrG0zqz5HnhDRmlxULYQoBoAfGf-Wp7qM9hAGyNrPsaJ3CutNQ-lJkkQKiK9JyEXJenKui4LxEJgfVJ5zHVHSyi06guJX0fPsCnfyZUcewCMxa51l4fI10_Qb96ZV7wSi_GDG6S8WYlJ35KAGDlnhuAVppKlT/s1600/Picsart_22-08-06_20-28-10-924.jpg)
សម្តេចតេជោ ហ៊ុន សែន អនុញ្ញាតឱ្យរដ្ឋមន្ត្រីការបរទេសប៉ាគីស្ថាន ចូលជួបសម្តែងការគួរសម និងពិភាក្សាការងារ
នៅវិមានសន្តិភាព នាព្រឹកថ្ងៃទី០៦ ខែសីហា ឆ្នាំ២០២២នេះ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា អនុញ្ញាតឱ្យឯកឧត្តម Bilawal Bhutto Zardari រដ្ឋមន្ត្រីការបរទេស នៃប្រទេសប៉ាគីស្ថាន ចូលជួបសម្តែងការគួរសម និងពិភាក្សាការងារ។
ឯកឧត្តម Zardari បានគោរពសម្ដែងនូវការអបអរសាទរជូនចំពោះសម្ដេចតេជោ ដែលកម្ពុជា បានដឹកនាំកិច្ចប្រជុំរដ្ឋមន្រ្តីការបរទេសអាស៊ាន លើកទី៥៥ និងកិច្ចប្រជុំពាក់ព័ន្ធ ទទួលបានជោគជ័យ ។ ឆ្លៀតក្នុងឱកាសនោះ ឯកឧត្តម បានគោរពអញ្ជើញសម្ដេចតេជោ ទៅធ្វើទស្សនកិច្ចផ្លូវការនៅប្រទេសប៉ាគីស្ថាន និងគោរពស្នើសុំសម្តេចតេជោ ពិចារណាបើស្ថានទូតកម្ពុជា នៅទីក្រុងឥស្លាម៉ាបាដ ប្រទេសប៉ាគីស្ថាន ។
ឯកឧត្តម Zardari បានសង្កេតឃើញថា ប្រទេសកម្ពុជា មានសក្កដានុពល ក្នុងការជំរុញកិច្ចសហប្រតិបត្តិការរវាងប្រទេសទាំងពីរ។ ឯកឧត្តម ក៏បានគោរពជម្រាបជូនសម្ដេចតេជោថា ឯកឧត្តមនឹងពិភាក្សាជាមួយឯកឧត្តមឧបនាយករដ្ឋមន្ត្រី ប្រាក់ សុខុន រដ្ឋមន្ត្រីការបរទេសកម្ពុជា ដើម្បីស្វែងរកកិច្ចសហប្រតិបត្តិការលើវិស័យផ្សេងៗដែលអាចធ្វើទៅបាន ជាពិសេស លើវិស័យសេដ្ឋកិច្ច ពាណិជ្ជកម្ម វិនិយោគ និងទេសចរណ៍។ល។
ជាការឆ្លើយតប សម្ដេចតេជោបានថ្លែងអំណរគុណដល់ឯកឧត្តម Zardari ដែលបានអញ្ជើញមកចូលរួមក្នុងកិច្ចប្រជុំរដ្ឋមន្ត្រីការប្រទេសអាស៊ានលើកទី៥៥ និងកិច្ចប្រជុំពាក់ព័ន្ធ នៅរាជធានីភ្នំពេញ។ សម្តេចតេជោ បានមានប្រសាសន៍ថា កិច្ចប្រជុំនៅពេលនេះ គឺចំពេលដែលមានការចម្រុងចម្រាស់ខ្លាំងដូចជា៖ ករណីនៅប្រទេសមីយ៉ាន់ម៉ា ករណីសមុទ្រចិនខាងត្បូង ករណីសង្គ្រាមនៅអ៊ុយក្រែនជាដើម តែទោះជាយ៉ាងណាក៏ដោយ យើងបានរួមគ្នាធ្វើការរហូតទទួលបានជោគជ័យ។
សម្ដេចតេជោ បានទទួលយកនូវការអញ្ជើញទៅធ្វើទស្សនកិច្ចជាផ្លូវការនៅប្រទេសប៉ាគីស្ថាន ហើយក៏បានទទួលឆ្លើយតបជាវិជ្ជមានចំពោះការស្នើសុំឱ្យពិចារណាបើកស្ថានទូតកម្ពុជា នៅទីក្រុងឥស្លាមម៉ាបាដ។ ជាការឆ្លេីយតបទៅនឹងសក្ដានុពលនៃកិច្ចសហប្រតិបត្តិការរវាងប្រទេសទាំង២ សម្តេចតេជោ បានលើកទឹកចិត្តឲ្យឯកឧត្តម Zardari ជំរុញ និងលើកទឹកចិត្តវិនិយោគិនប៉ាគីស្ថាន ឱ្យមកកម្ពុជាដើម្បីពិនិត្យមើលលទ្ធភាពបង្កើនកិច្ចសហប្រតិបត្តិការលើវិស័យដែលអាចធ្វើទៅបានជាពិសេស លើវិស័យដែលឯកឧត្តមបានលើកឡើង នោះគឺវិស័យសេដ្ឋកិច្ច ពាណិជ្ជកម្ម ទេសចរណ៍ និងការវិនិយោគ៕
![](https://blogger.googleusercontent.com/img/b/R29vZ2xl/AVvXsEj41KJ6i3xTL_7vy3km8dDuk2AE10RgugFWT9H6I3Tv6s1TdL_q8hypbqkNKkAyf9MNjRHOrS7H8HcHmQ5cM7IaRDm-8ZvBHvvj9F1ooY7kIpNZxdrv_jgvCJ9UHVTuJRjKdEzCp2QawLXm3znQ8vZyo57sp6dLDJVm-22rf9_Ps49TIjgwBM9AYnek/s1600/IMG_20220806_202659_469.jpg)
![](https://blogger.googleusercontent.com/img/b/R29vZ2xl/AVvXsEhA25uNaAqxOO06fDogcEAPK4GS6hF38KC2vwCXCwYKnXRF-65CgRz2JVrfsGBw5VHFGMTYj9WHai7ykSn2K11QAcWYIJJPFQprH9w4HvgvkdnVPrH_XB2sdTQuLUZo-9jsIzo0rXINbsA1Tgy5E15joy4y-r5Iby2XUs2HxS39PS4_sKMjrBsiLupy/s1600/IMG_20220806_202702_853.jpg)
![](https://blogger.googleusercontent.com/img/b/R29vZ2xl/AVvXsEg7Qri9P-KBjbdbYPbenPlCjqL4ann1ACqwRrTVfe8eN59IGAjuOJ2fSn8AxuwA8UoGepTZVemHkQxDfVWe_THYRII1CppMyhSAMhd6bD4RVOvjv6bb_7LmpXK0-j8pDLYuO6OBAAiWr7ioLFKAr-R-N3gS4q1lBnne3dQ4_ay_lSs4effUBVIpm2FY/s1600/IMG_20220806_202705_646.jpg)
No comments