អ្នកសារព័ត៌មានមួយរូប ត្រូវបានជនមិនស្គាល់មុខលួចបាញ់ កម្ទេចកញ្ចក់ទ្វាររថយន្តបន្ទាប់ពីចុះផ្សាយព័ត៌មានអំពីល្បែងស៊ីសង នៅខេត្តពោធិ៍សាត់
![](https://blogger.googleusercontent.com/img/b/R29vZ2xl/AVvXsEjfgLv1ES849gRgbckQtjdPZy8JCZAbxkGN3l1B_fG0RO8s8iOA4Kd8L6iFHyJmU81kG7UfnZNt2r3Af4NcCmSEco-JrIhrutSwLbuFSD-rch7ncNLOig8s_S-CfiOs7K97rh2-hc7oUWglNqvnu_oR5byDrD8oX-kuk970nIFtH7gvrsb-UQ4M7ofN/s1600/Picsart_22-08-09_10-35-05-308.jpg)
អ្នកសារព័ត៌មានមួយរូប ត្រូវបានជនមិនស្គាល់មុខលួចបាញ់ កម្ទេចកញ្ចក់ទ្វាររថយន្ត បន្ទាប់ពីចុះផ្សាយព័ត៌មានអំពីល្បែងស៊ីសង នៅខេត្តពោធិ៍សាត់
ផ្សាយនៅថ្ងៃទី០៩ ខែសីហា ឆ្នាំ២០២២ វេលាម៉ោង១០:៤៣នាទីខេត្តពោធិ៍សាត់៖ អ្នកសារព័ត៌មាន លោក សុិន ខ្វាន់ឆា ត្រូវបានជនមិនស្គាល់មុខ លួចបាញ់កញ្ចក់រថយន្ត ដោយកាំភ្លើងខ្យល់ បណ្តាលឱ្យធ្លុះធ្លាយកញ្ចក់ទ្វាររថយន្តម្ខាង ខូចខាតយ៉ាងធ្ងន់ធ្ងរ។
ករណីនេះបង្កហេតុនៅយប់ថ្ងៃទី០៨ ខែសីហា ឆ្នាំ២០២២ ចន្លោះពីម៉ោង ២៤:០០ ឆ្លងចូលម៉ោង១ រំលងអធ្រាត្រ ថ្ងៃទី០៩សីហា ស្ថិតនៅភូមិប៉ែន ឃុំលាច ស្រុកភ្នំក្រវាញ ខេត្តពោធិ៍សាត់។
ករណីដល់គួរឱ្យខ្លាចខាងលើនេះ លោក សុិន ខ្វាន់ឆា អ្នកសារព័ត៌មាន រូបនោះ បានប្រាប់សារព័ត៌មានយើងថា បន្ទាប់ពី ខ្លួនធ្វើការផ្សព្វផ្សាយអំពីករណីបទល្មើស ល្បែងស៊ីសងខុសច្បាប់ កំពុងរីកដូចផ្សិត ក្នុងស្រុកភ្នំក្រវាញ និងស្នើសុំឲ្យសមត្ថកិច្ចពាក់ព័ន្ធចុះទប់ស្កាត់បង្ក្រាបរួចមក ស្រាប់តែយប់ឡើងថ្ងៃបង្កហេតុមានការលួចបាញ់ប្រហារ ដោយជនមិនស្គាល់មុខមកលើរថយន្តរបស់ខ្លួន បណ្តាលឱ្យធ្លុះធ្លាយបែកកញ្ចក់ខ្ចិច តែសំណាងល្អមិនបណ្តាលឱ្យរបួសឬស្លាប់នោះទេ។
អ្នកសារព័ត៌មាន រូបនោះ បញ្ជាក់ទៀតថា បន្ទាប់ពីបង្កហេតុឲ្យមានការភ្ញាក់ផ្អើលខ្លួនបានខលទៅលោកមេប៉ុស្តិ៍នគរបាលឃុំលាច ហើយនិងលោក តាន់ គារិទ្ធ អធិការនគរបាលស្រុកភ្នំក្រវាញ ដើម្បីសុំកិច្ចអន្តរាគមន៍ តែជា អកុសល លោកសមត្ថកិច្ចទាំងពីរនាក់រូបនោះ មិនព្រមលើកទូរស័ព្ទជាដាច់ខាត នេះហាក់ដូចជាមានការលាក់បាំងខ្លាំងមែនទែន។
អ្នកសារព័ត៌មាន លោកសុិន ខ្វាន់ឆា រូបនោះ ក៏បានចាត់ទុកករណីនេះជាការធ្វើឡើងដើម្បីបំបាក់ស្មារតីអ្នកសារព័ត៌មាន ពីសំណាក់ជនល្មើស ដែលកាងកន្លែងបទល្មើសល្បែងស៊ីសង ក្នុងស្រុកភ្នំក្រវាញ ខេត្តពោធិ៍សាត់។ ហើយមហាជន ក៏ដូចជាអ្នកសារព័ត៌មានជាតិ ជាច្រើនបានចាត់ទុកករណីនេះជា ករណី ប៉ុនប៉ងសម្លាប់បំបិទមាត់។
ពាក់ព័ន្ធទៅនឹង ករណីលួចបាញ់ប្រហារមកលើអ្នកសារព័ត៌មានខាងលើនេះ លោកសុិន ខ្វាន់ឆា ដែលជាជនរងគ្រោះ បានលើកឡើងបន្ថែមដោយសង្ស័យថា ប្រហែលជាមានការពាក់ព័ន្ធជាមួយ ការចុះផ្សាយអំពីករណីល្បែងស៊ីសងខុសច្បាប់ ហើយសមត្ថកិច្ចនគរបាលក្នុងមូលដ្ឋាន ក៏ទំនងជាមានការពាក់ព័ន្ធជាមួយបទល្មើសល្បែងស៊ីសងខុសច្បាប់ខាងលើ ព្រោះហេតុថាល្បែងស៊ីសងខុសច្បាប់កំពុងតែរីកដូចផ្សិត បែរជាមិនមានការបង្ក្រាប ទោះបីជាមានការស្នើសុំពីពលរដ្ឋ។
លោកស៊ិន ខ្វាន់ឆា លើកឡើងចំៗ បន្តទៀតថា៖ ដោយសារតែការបណ្តែតបណ្ដោយ របស់សមត្ថកិច្ចនគរបាលក្នុងមូលដ្ឋាន ទើបសារព័ត៌មានធ្វើការចុះផ្សាយ ស្នើសុំឱ្យសមត្ថកិច្ចចុះបង្ក្រាប តែមិនមានការបង្ក្រាបនោះទេ បែរជាមានការបាញ់ប្រហារកើតឡើងមកលើអ្នកសារព័ត៌មានទៅវិញ មិនតែប៉ុណ្ណោះសមត្ថកិច្ចពាក់ព័ន្ធទាំងអស់នោះមិនព្រមលើកទូរស័ព្ទពីអ្នកសារព័ត៌មានដែលខលទៅសុំកិច្ចអន្តរាគមន៍ជួយសង្គ្រោះ។
ជនរងគ្រោះដែលអ្នកសារព័ត៌មានលោកសុិន ខ្វាន់ឆា រូបនោះ បានទទូចស្នើសុំដល់ លោកឧត្តមសេនីយ៍ទោ ស ថេង ស្នងការនគរបាលខេត្តពោធិ៍សាត់ ហើយនិងឯកឧត្តម នាយឧត្តមសេនីយ៍ សន្តិបណ្ឌិត នេត សាវឿន អគ្គស្នងការនគរបាលជាតិ សុំជួយអន្តរាគមន៍ករណីនេះផង ព្រោះលោក តាន់ គារិទ្ធិ អធិការស្រុកហើយនិងលោកមេប៉ុស្តិ៍ហាក់ដូចជាសម្ងំស្ងៀម សូម្បីតែទូរស័ព្ទខលក៏មិនលើក៕
![](https://blogger.googleusercontent.com/img/b/R29vZ2xl/AVvXsEh3T9Np0qjSSwRIoUL4DU4XaWrdVOwOrwM_k6WG1fzLZsV8_PzQ6VMNoczZJ97ZL1zOYwglW1o0G4Qx1-8dwfwi-w-SEzd2J64XNcTqe9ppw-o68REoe1Vi5-gJiZmfQMh-IFf3GoE4ZW1KSDBuykctUyE-GYs-GLwI3nDmbY0PK-FstD7ArU79-COH/s1600/Picsart_22-08-09_10-43-41-892.jpg)
![](https://blogger.googleusercontent.com/img/b/R29vZ2xl/AVvXsEjBcD2BwufjezzezncFDIe_y-9yvC--DNQpHaVizftoR59eC7MPWnRLcpNJtQHqlHytbXUAZXBV3flRWZhbY6dJ6iL5GYPo2rgN3dxj8CYWNRSvM2zL0QWgef6KmY5B0QJM0UMKVzVEksbt7EFL3JZ2o-JXDeXvLbHGShMVg_jVarZRE5XYC85DJKju/s1600/fn-2020-10-09-10-18-17-1.jpg)
![](https://blogger.googleusercontent.com/img/b/R29vZ2xl/AVvXsEgkEDOxddOq8G1CXsN902ai2bUwwuoB8sVaR_JJAnSxwYgDhn0OvZomkxYByeFW7gdpsoUq0Xt1jr0EwYazbPgg7sM1m0ukbBKryOeq-VX0KaP-Ma79U2UIv9yaaRkzb7iFBTAb-MgkdL5b0uC3qJ8E4ZNU1UVVuLehrXFGSRG5bhDEgLFdLR2wsYpG/s1600/fn-2020-09-13-20-25-55-0%20%281%29.jpg)
![](https://blogger.googleusercontent.com/img/b/R29vZ2xl/AVvXsEia_9ohIorCmcwEm0xJtYHDTv6VLjXjvvq9JXHwI8xPMEYB9l5PzWvaYTP6u0IEeZTIEgjp1vLu_7i3xXWnmXWKvB1WtfCLk3H8W4NadmCvDq1BzC8tOm6srVD59iluxQHwPg7-T6nP5aaH_BSXxg4YSOwB637cVgozM717BevvmMgWyUDC4I3KcnYb/s1600/FB_IMG_1660015688586.jpg)
![](https://blogger.googleusercontent.com/img/b/R29vZ2xl/AVvXsEh4QWCljoYsJSEcebqheZ8dXUlKJJn-dpveZR1NlOhesftTEc5lsNKo3Y0cI7D2cNE_aOsfNS0E-01J99B703VOoF7gxQ7_UhfNQiDjwESkJD4DgXVu8Me20QffWcS-e3TbA2PFBi7RbcWhyA-Kn1v7l9nAK-Wlni07aqOySYrgCof3aV3pDSSn-Gsu/s1600/FB_IMG_1660015700400.jpg)
![](https://blogger.googleusercontent.com/img/b/R29vZ2xl/AVvXsEhBnHksh7NUauwBU81PHyaZ-fgfY_m8Yn59DS2bquIjdd48XeRjNmpxKJd4L3dib5Z2aZUhVgC4pXn8HTYkhC4hnMZQHCcpYzOSzy0D6pb3qmNUwwCIuDGH59poZ1FfQdhAWYPpp2p0vSRCjAkjU5_X8md0EemMA1sm2iNiRK-eev9EMD2vrq9pGqhd/s1600/sbm-nNCw2TIvUSderlTWqoDY7.jpg)
![](https://blogger.googleusercontent.com/img/b/R29vZ2xl/AVvXsEgA-iOZd9GXZfJYYxd6Jk3fq-lgMiR0ZNFDQJKfCWeOMRfSJVV2oznS6NKsDTCW34mFo6Lgvh3YovueZKDuG1N7uXpMB4w6MLDBc2gHGEJcbtuijo3_DhmMO-IzYnJ9C9q536hI9Y0N806dTDQpnNayj6Gmvx3RNAYyfjeni-9xRL3h0U_bYBKyfnXk/s1600/Picsart_22-08-09_11-04-41-205.jpg)
No comments