ទីតាំងបនល្បែងគ្រប់ប្រភេទក្នុងក្រុងព្រះសីហនុ បានបើកដំណើរការយ៉ាងរំភើយ ដោយមិនរំខានដល់អាជ្ញាធរនិងសមត្ថកិច្ចពាក់ព័ន្ធ
ទីតាំងបនល្បែងគ្រប់ប្រភេទក្នុងក្រុងព្រះសីហនុ បានបើកដំណើរការយ៉ាងរំភើយ ដោយមិនរំខានដល់អាជ្ញាធរនិងសមត្ថកិច្ចពាក់ព័ន្ធ
ព្រះសីហនុ៖ ទីតាំងបនល្បែងស៊ីសងដ៏ធំ ហ្គេមបាញ់ត្រី និងល្បែងស៊ីសងគ្រប់ប្រភេទផ្សេងទៀត នៅក្នុងសង្កាត់២ ក្រុងព្រះសីហនុ ខេត្តព្រះសីហនុ បានបើកដំណើរការយ៉ាងរំភើយ ដោយគ្មានការរំខានដល់អាជ្ញាធរនិងសមត្ថកិច្ចពាក់ព័ន្ធបន្តិចសោះឡើយ។
តាមប្រភពព័ត៌មានបានឱ្យដឹងថា បនល្បែងស៊ីសងមួយកន្លែងនេះ បើកដំណើរការជាសាធារណៈ ដោយមានភ្ញៀវចេញចូលយ៉ាងសស្រាក់សស្រាំ មកពីគ្រប់មជ្ឈដ្ឋាន គ្រប់ជាតិសាសន៏ មានទាំងក្មេងៗ សិស្សសាលា ទាំងប្រុសទាំងស្រីជាដើម។
ប្រជាពលរដ្ឋដែលរស់នៅតាមតំបន់នោះបានលើកឡើងថា៖ «ទីតាំងបនល្បែងស៊ីសងខាងលើនេះ ទំនងជាមានការចូលរួមជាមួយមន្ត្រីអាជ្ញាធរនិងសមត្ថកិច្ចពាក់ព័ន្ធក្នុងមូលដ្ឋានណាម្នាក់ហើយទើបមិនមានការបង្ក្រាបទប់ស្កាត់» ពោលគឺបណ្តែតបណ្ដោយឲ្យបើកដំណើរការដោយចំហរនិងដោយសេរី មិនខ្វល់ពីការកើតឡើងចោរកម្មបន្តិចឡើយ។
ប្រជាពលរដ្ឋជាច្រើនកំពុងតែភ័យខ្លាចយ៉ាងខ្លាំងចំពោះ ទីតាំងបនល្បែងស៊ីសងដ៏ធំក្នុងក្រុងព្រះសីហនុមួយកន្លែងនេះ ព្រោះឃើញថាមានពលរដ្ឋគ្រប់មជ្ឈដ្ឋានចូលលេងល្បែងភ្នាល់ដាក់លុយយ៉ាងសស្រាក់សស្រាំ ដោយមានអ្នកចាញ់រៀងរាល់ថ្ងៃ។
ពលរដ្ឋបន្តថា៖ អាជ្ញាធរនិងសមត្ថកិច្ចពាក់ព័ន្ធក្នុងក្រុងព្រះសីហនុ កំពុងតែអនុវត្តច្បាប់ផ្ទុយពីក្រសួងមហាផ្ទៃ និងផ្ទុយពីរាជរដ្ឋាភិបាលកម្ពុជា ដែលបានចេញគោលនយោបាយភូមិសង្កាត់មានសុវត្ថិភាពទាំង៧ចំណុច ដោយមិនឲ្យមានល្បែងស៊ីសងគ្រប់ប្រភេទក្នុងមូលដ្ឋាន ត្រូវតែបង្ក្រាបដាច់ខាត។
ប្រជាពលរដ្ឋជាច្រើនស្នើសុំដល់លោក ជួន ណារិន ស្នងការនគរបាលខេត្តព្រះសីហនុ ហើយនិងលោក គួច ចំរើន អភិបាលខេត្តព្រះសីហនុ សូមជួយបង្ក្រាបទីតាំងបនល្បែងស៊ីសងខាងលើនេះផងទាន។
ពលរដ្ឋស្នើដល់ឯកឧត្តមបណ្ឌិត សុខ ផល រដ្ឋលេខាធិការក្រសួងមហាផ្ទៃ និងជាប្រធានក្រុមការងារ បង្ក្រាបបទល្មើសល្បែងស៊ីសងខុសច្បាប់គ្រប់ប្រភេទទូទាំងប្រទេសកម្ពុជា សូមឯកឧត្តមចាត់វិធានការបង្ក្រាបបទល្មើសល្បែងស៊ីសងក្នុងក្រុងព្រះសីហនុផងទាន៕
![](https://blogger.googleusercontent.com/img/b/R29vZ2xl/AVvXsEhFDk-SCIrmk9u5LBw1rGUpZGLmfh1Ua6C1o1c9dlXfEJNkBiMYHdyFyusVieHw26ee6zyePGplarceBmdBhpVvcEXuxJaGn79OlwUsyhZxfh9FRQ9KeLRAHTtC0KWZfVYoaT0ahONpnxU6RaSULDyCPlhg1hUZLSomeNpoTnKBeWKz-YRyhJVmQAue/s1600/FB_IMG_1663150698338.jpg)
![](https://blogger.googleusercontent.com/img/b/R29vZ2xl/AVvXsEgenX7V20REdWpMooJGvMMk0ZV1TwkdVlDXxlgbSxwrhVyCrTqfSe6dKoVdK6QiLqkEYe5p1qbBrHA5FKb7kKo2bc6Go5e65SG8jCPTi-wCBNkpRSexqrYZoIAy85N4FENEEmLr6znb09gVsOmNJtNgmBUUqusX643dCRwyX531nhhx2SWVfQv49h1e/s1600/photo_2020-01-08_19-03-43-1068x712.jpg)
![](https://blogger.googleusercontent.com/img/b/R29vZ2xl/AVvXsEi_TqgvBNoZzmpaYy-395o_HX3A0myDSXq6UbF5aHm5grFMEsz7HZiQyrx6h2arLvOUAyDjEglWtLqq5LpMV0BnS2BC-0Jlg8Zbs6CzOnH4H_9zKl5nAA99CZBoHXPm-MSZXYfEaTQUlZCt4Eq50QP_0DKK9RChnx9OHVTB_PAYMtaUJZ7877f1uRPB/s1600/vayo.jpg)
![](https://blogger.googleusercontent.com/img/b/R29vZ2xl/AVvXsEju9-3mGQJ_8_ng2Ln3kahG-fwQaipjrvqWVgtqHEUs2RgGnf0y1ksUJuf2jjp1eDbqRlBI-aqZS0ev2XQtsH2lbuSedqL_1zxsU0mQDzcm5Kob1MKWAbd1dVYgUisZhpBMk4GXs-75CT2Yh6plKhkZ22M7ys9JVkNWU9u8F4KlKvZKL5DY8n4PXvCo/s1600/IMG_20220917_120744_105.jpg)
![](https://blogger.googleusercontent.com/img/b/R29vZ2xl/AVvXsEi4bUNRAjAkR-uyAf96rC-I1FHLUOo1JMHww1zbFe61XW1Hh1OCOs4SSywJZACFdp2wrK806C0mcFI1Hd2QzpPfumrXG_lWpTw0gnn88tuXhABmLptAqKskSSXIlLBaEbumMNwz-nl_zDpOJgGfuQW5j9QVYuR-d4u9bA4BMr-InB7SUhl_MLzaKE0u/s1600/IMG_20220917_120748_261.jpg)
![](https://blogger.googleusercontent.com/img/b/R29vZ2xl/AVvXsEjVSCitrFcx4Crllo8sGT2tB1SIFR3z2AXb25k4qtSmUEW8d6PcWF2RDCQIjs8m3WyU3tf6b_8RMofMhrAsB5OHco_r1MxDVP-5I0ORynkQnjXB6y3eXEI4hPJ72ResaH56R0puk_JUcnTT3XEbPy67Ulv55jchZ8kgKHclLbjzALZWyT4w_R19ddka/s1600/IMG_20220917_120751_854.jpg)
![](https://blogger.googleusercontent.com/img/b/R29vZ2xl/AVvXsEg2gbO--lBYB6oUHjMbNTuiWuz6y6OvLWJo1b6seeJRokh2QETm0ymBtFnYGZp4eM63jtsnGMLHM5l3AwLYG2OOLLJVsuHV8hA4bSQSln3NQ3dAQfy0TYN9KdfshP74_07yMWYrAN3QJFZiI8nJlF8fYoAhnYtdRNgxqLW0oOaQ7ZH7Xp8BMqD9__t0/s1600/Screenshot_20220917-120811_Telegram.jpg)
No comments