មេបញ្ជាការកងពលតូចដឹកជញ្ជូនលេខ៩៩ បានលើកឡើងថា ដីត្រង់ចំណុចភូមិត្រពាំងសោម ឃុំត្រពាំងធំខាងត្បូង មានការអនុញ្ញាតត្រឹមត្រូវពីអាជ្ញាធរពាក់ព័ន្ធ
![](https://blogger.googleusercontent.com/img/b/R29vZ2xl/AVvXsEjEDBgMpXsfIFUNtHXz63FTTHKrWlvI5dGS8RopBnC5sxRSjMGiuU-PmF-EfXlJIByujob-iN4eQIdODOkurV2z-KknD9bHUAzju7BhpWdlqn-HPhxJfgsGIwi_bWtYQ7ShK92nYOygX3H-4bJtSiP-7K9zZ_MZSt8YHMtDDF7ZNOlOxKE-C4pONmL8/s1600/Picsart_22-10-01_10-47-30-688.jpg)
មេបញ្ជាការកងពលតូចដឹកជញ្ជូនលេខ៩៩ បានលើកឡើងថា ដីត្រង់ចំណុចភូមិត្រពាំងសោម ឃុំត្រពាំងធំខាងត្បូង មានការអនុញ្ញាតត្រឹមត្រូវពីអាជ្ញាធរពាក់ព័ន្ធ
លោកឧត្តមសេនីយ៍ទោ ហ៊ុល សំអុន មេបញ្ជាការកងពលតូចដឹកជញ្ជូនលេខ៩៩ បានលើកឡើងប្រាប់សារព័ត៌មានយើងថា ដីចំនួន១៦ហិចតា នៅត្រង់ចំណុចភូមិត្រពាំងសោម ឃុំត្រពាំងធំខាងត្បូង ស្រុកត្រាំកក់ ខេត្តតាកែវ ដែលរៀបចំទុកសម្រាប់ដាក់រថយន្តដឹកជញ្ជូនចាស់ៗរបស់កងទ័ព គឺមានអនុញ្ញាតត្រឹមត្រូវពីមន្ត្រីអាជ្ញាធរពាក់ព័ន្ធ មិនមែនជាការរំលោភបំពានលើដីកម្មសិទ្ធិរបស់បុគ្គលណាម្នាក់នោះទេ។
លោកមេបញ្ជាការបានលើកឡើងដូច្នេះ ដោយមួយរយៈនេះមានបណ្តាញសារព័ត៌មាននៅតាមសង្គមហ្វេសប៊ុកនានា តែងតែមានការយល់ច្រឡំថាដីនៅចំណុចទីតាំងខាងលើ ជាដីព្រៃរបស់សហគមន៍ និងមានការសាងសង់ជាបន្ទាយសម្រាប់ដាក់រថយន្ត ដោយគ្មានការអនុញ្ញាត។
លោកឧត្តមសេនីយ៍ទោបានឲ្យដឹងដែរថា ដីដែលមានទំហំ១៦ហិចតាត្រង់ចំណុចទីតាំងខាងលើ មិនត្រឹមតែធ្វើបន្ទាយសម្រាប់ដាក់រថយន្តចាស់ៗនោះទេ គឺធ្វើការដាំដំណាំស្រូវបន្លែផ្សេងៗជាច្រើន សម្រាប់ការផ្គត់ផ្គង់ដល់កងទ័ព ពោលគឺ៖ មិនមែនជារបស់បុគ្គលណាម្នាក់នោះទេ។
លោកមេបញ្ជាការក៏បានបញ្ជាក់ទៀតថា រូបភាពដែលយកមកចែកចាយតាមសង្គមហ្វេសប៊ុក គឺជារូបភាពចាស់តាំងតែពីឆ្នាំ២០១៩មកម្ល៉េះ ដូចនេះសូមកុំឲ្យមហាជនមានការភាន់ច្រឡំ។
លោកឧត្តមសេនីយ៍ទោ ហ៊ុល សំអុន ក៏បានសំណូមពរដែរថា សូមកុំឲ្យមានការផ្សព្វផ្សាយនូវព័ត៌មានដែលធ្វើប៉ះពាល់ដល់កិត្តិយសនិងសេចក្តីថ្លៃថ្នូររបស់អង្គភាពកងទ័ព ដូចជាសេចក្តីថ្លៃថ្នូររបស់លោកផ្ទាល់៕
![](https://blogger.googleusercontent.com/img/b/R29vZ2xl/AVvXsEjb4yDTh-t4V5IdK1VOFz28AH8WmpQfvlGI0NUCYMV1DgGasJqBF-g8JbBwy8HRvXvnE4Sgl1Uc2uM2o3HsgkiMy2iHYj5F1bbNazA1JD4b7miQm_74d4lpsl4Mk70ZVkjsoJXL8QE1ipFtazAb_P999Rz8HLu5Z3RiPIK4g8XGBkCHBq8KNsreb1uC/s1600/Screenshot_20221001-095503_Facebook.jpg)
![](https://blogger.googleusercontent.com/img/b/R29vZ2xl/AVvXsEh3xrRZYmbHVLGzJcembq0UKJLdP1rHRdcHQ8tqv-eYI4nnq_VagBANbsAv1v-CDmNPcuiKM6ZU1y-t724z4cGnte4jXUu-ormY4ttDSsddsqZNGEnCd0lgy0mbwpArqgO-efm4QQtgTXBk4JQD4J9rb3LAal8jQ9mmbUoRcN5l4_s7Ktqf7Pg3AL9x/s1600/FB_IMG_1664592807504.jpg)
![](https://blogger.googleusercontent.com/img/b/R29vZ2xl/AVvXsEiorVPu56IIRFfuEUeKNB2hWs_MkCDclAFB9Inl4Nu4LOwObndMOmH25f6Rv3FeQfM336a7SnmzmDHo80UZ7edjF1JmznROAxtjaWHtfOqRQeCNq1ozNaVEVpazI7DDu6c0hn62V3HwOqypZ4snV-M-ddL4hIT8sx3U2XDrOVACVYgbSIwKlidc6mZS/s1600/FB_IMG_1664592816607.jpg)
![](https://blogger.googleusercontent.com/img/b/R29vZ2xl/AVvXsEjy1bNaKN8V0iJwBrgert3frVt6dLxle6xvp8Il9Xph9dCu9Njj_keC6aPQ3bWQA-IDwDFlZqp8eKzHMvAC5eutZUgiAEndywWKwkJ5ZBwf7jPr88HZst5afkcSFUPIdravuXDsEOwH4fNvpiBivbStOo_HqdkFxPNL-E6posFqxBaseYX0tYBPkypS/s1600/FB_IMG_1664592825198.jpg)
![](https://blogger.googleusercontent.com/img/b/R29vZ2xl/AVvXsEinEaGGJQ75lbLAllr64Z4BFiqCycD0OL3nbgjwpfGpDDx-OZzjff1gsCmXyKcdZoqhm3B_AKRrnemUfg6VYcCKgmJqDaDYleMDguiiWbc8D1UbrNZoltuJmrrkiOnqcsVEfos7UcKSTVx6OEVwx-gKnbWhaUV1gXBSMVrXt6_xwl6YGb_-U8D-hUXj/s1600/IMG_20221001_095109_781.jpg)
![](https://blogger.googleusercontent.com/img/b/R29vZ2xl/AVvXsEgN5q3jH8brJk6IeCDgQQwgrP1SxEYxeQxRoeyNBK1Nd0gEUjtAxIPkWaKSPzT6RG5g8lzseYQoLfQ3adfh4tGfYNgX9XrvHB69mfYY84Jll1Ki0ynmhJxctmjzaXhh7xZ439Bb3upuo9snTamJVOwXgHd_K4SqOBhIKDANFEoWVTAj0fEu2NE_6-Vn/s1600/IMG_20221001_112715_586.jpg)
![](https://blogger.googleusercontent.com/img/b/R29vZ2xl/AVvXsEjOa30mIVy035cEBoJmZPwShxbj2eFJyohByMdnUxdRDzvTTmB_tYVl116LBA9sV_atps6ocoR6Ph6CCYZ5sutNyMlNSkRfACxf8Of1vwaddOm2OoctHiUeUMV6f8C7hs8ARBDKseWcE_513z2AYZ8qY2_Yur0n5D11sgNYWWBKahDsCsKiG00lm6xj/s1600/IMG_20221001_112717_754.jpg)
![](https://blogger.googleusercontent.com/img/b/R29vZ2xl/AVvXsEhXJ2XL59rmLDIcgdvPRcaNJwZLFi0wiifTWEwgsTHA2H5sELCUuJrcsCp_mCOcpAId5gCcTBiyKTirvNyE1b0eg2Bxo8Yt1UAFPrvuvLT9BYWuOXwplyDBuOzptmcx9t_dQm0St8rr30GR3zmIqWgIFZGYFDPKllboeLJurVNiuBIwe6ZUvPLyJO5P/s1600/IMG_20221001_114813_054.jpg)
![](https://blogger.googleusercontent.com/img/b/R29vZ2xl/AVvXsEgG42y3gUtbhNctusNh3oaFBn71quL0iMzKvq48zI78Y6iktffyef7szxjChHqy3NcT39OT4LMJzR_DB6Rm4j7_TaVwB7FickVQm0GMpBrDPHo1RAvR4hIP-EkTAiAR5Pw9V39ij0nAuCFKtTkof6JuvIeRIvPtuOc8O2e5iJzwpkDY2R2IVXE-Khf2/s1600/IMG_20221001_114816_499.jpg)
No comments