តើពិតទេ.? មូលហេតុដែលមន្ទីរពេទ្យគ្មានច្បាប់ អាចបើកដំណើរការបានដោយរលូន នៅរាជធានីភ្នំពេញ ដោយសារបង់ប្រាក់ក្នុងមួយឆ្នាំ៥ពាន់ដុល្លារ ឱ្យទៅអ្នកឈរនៅពីក្រោយខ្នង_វគ្គ៧
![](https://blogger.googleusercontent.com/img/b/R29vZ2xl/AVvXsEjXJmhVcrq6Azaf5g8GNvIQiUKMDxo5j2MfyR5FOwlXFmxbiVoxuW4-i5j-u6jkYyhoW2Qu0mZDkdiyb45AcpS7OXJiwWeYtR8wP0ejRySOcq9mN3tIbjwIAAOQGVWT_HzmuWchihbLHbjAyhYFmn4AeBLNy6r8NUMtjlSHIkeQDpt0CmIzKMyjPbP1/s1600/Picsart_22-10-27_10-49-42-607.jpg)
តើពិតទេ.? មូលហេតុដែលមន្ទីរពេទ្យគ្មានច្បាប់ អាចបើកដំណើរការបានដោយរលូន នៅរាជធានីភ្នំពេញ ដោយសារបង់ប្រាក់ក្នុងមួយឆ្នាំ៥ពាន់ដុល្លារ ឱ្យទៅអ្នកឈរនៅពីក្រោយខ្នង_វគ្គ៧
ដឹងច្បាស់ហើយថានៅរាជធានីភ្នំពេញ បានបែកធ្លាយព័ត៌មានអំពីមន្ទីរពេទ្យចំនួន២កន្លែង ស្ថិតនៅខណ្ឌឬស្សីកែវ និងខណ្ឌមានជ័យ បានបើកដំណើរការដោយរលូននិងគ្មានច្បាប់អនុញ្ញាតពីក្រសួងពាក់ព័ន្ធ ដោយទីតាំងនោះស្ថិតនៅជាប់ផ្លូវជាតិលេខ៥ ខណ្ឌឬស្សីកែវ និងនៅសង្កាត់បឹងទំពុន ខណ្ឌមានជ័យ ដែលមានយីហោ «មន្ទីរពហុព្យាបាល សម្ភព កែវ ការីណូ» និង «មន្ទីរពហុព្យាបាល សម្ភព សុវណ្ណ រិទ្ធីសក្ដិ» ដោយមន្ទីរពេទ្យ២កន្លែងនេះ បានយកឈ្មោះវេជ្ជបណ្ឌិត កែវ ការីណូ (ជាឈ្មោះខ្មោច) យកមកប្រើប្រាស់ដោយគ្មានការរំខានដល់អាជ្ញាធរ និងមន្ត្រីជំនាញពាក់ព័ន្ធផ្នែកសុខាភិបាលរាជធានីភ្នំពេញ។
យោងតាមប្រភពព័ត៌មានពីអ្នកជិតស្និទ្ធជាមួយលោក កែវ ពិសិដ្ឋ ដែលជាម្ចាស់ «មន្ទីរពហុព្យាបាល សម្ភព សុវណ្ណ រិទ្ធីសក្ដិ» ដែលជាមន្ទីរពេទ្យខុសច្បាប់ នៅសង្កាត់បឹងទំពុន ខណ្ឌមានជ័យ បានលើកឡើងថា មន្ទីរពេទ្យពាក់ព័ន្ធទាំង២ខាងលើនេះ មិនមានច្បាប់នោះទេ គឺលួចលាក់បើកគ្រាន់បានលុយចែកគ្នាចាយ។
ប្រភពដដែលបានបញ្ជាក់ច្បាស់ថា៖ «មូលហេតុដែលមន្ទីរពេទ្យខុសច្បាប់នេះអាចបើកដំណើរការបានដោយរលូន គឺដោយសារតែមានការបង់ប្រាក់ចំនួន ៥ពាន់ដុល្លារ (5000$) ក្នុង១ឆ្នាំ ឱ្យទៅអ្នកដែលឈរឈ្មោះនៅពីក្រោយខ្នង»។
ក្រលេកមកមើលមន្ទីរពហុព្យាបាល កែវ សារីណូ ស្ថិតនៅជាប់ផ្លូវជាតិលេខ៥ ខណ្ឌឬស្សីកែវ នៅតែអាចបន្តបើកដំណើរការបានដោយរលូន ទោះបីជាមានបញ្ជាថាឱ្យបិទដំណើរការជាស្ថាពរ ពីលោក ងី មានហេង ប្រធានមន្ទីរសុខាភិបាលរាជធានីភ្នំពេញ។
សូមបញ្ជាក់ថា៖ មន្ទីរពហុព្យាបាលជំងឺទូទៅខុសច្បាប់ដែលយកឈ្មោះវេជ្ជបណ្ឌិត កែវ ការីណូ ដែលជាឈ្មោះ (ខ្មោច) យកមកបើកអាជីវកម្មមន្ទីរពេទ្យខុសច្បាប់ ទាំងអស់នេះ ត្រូវបាន លោក ងី មានហេង ប្រធានមន្ទីរសុខាភិបាលរាជធានីភ្នំពេញ បញ្ជាក់ប្រាប់សារព័ត៌មានយើងថា ឱ្យបិទទាំងអស់ហើយ គឺមិនត្រូវឱ្យមានការទទួលព្យាបាលអ្នកជំងឺបន្តទៀតនោះទេ។
លោក ងឺ មានហេង ប្រធានមន្ទីរសុខាភិបាលរាជធានីភ្នំពេញ រូបនេះបានបញ្ជាក់ទៀតថា៖ ប្រសិនបើមន្ទីរពេទ្យខុសច្បាប់ទាំងនោះនៅតែបន្តទទួលយកអ្នកជំងឺមកព្យាបាលសូមអាជ្ញាធរមានសមត្ថកិច្ចពាក់ព័ន្ធជួយចាត់វិធានការបន្ទាន់។
ចំណែកឯអាជ្ញាធរនិងសមត្ថកិច្ចពាក់ព័ន្ធនៅខណ្ឌឬស្សីកែវ បានប្រាប់សារព័ត៌មានយើង «មិនអាចចាត់វិធានការចំពោះមន្ទីរពេទ្យនោះបានទេ ព្រោះគ្មានលិខិតស្នាមផ្សេងៗពីខាងក្រសួងសុខាភិបាល និងមន្ទីរសុខាភិបាល មកបញ្ជាក់ដល់អាជ្ញាធរពាក់ព័ន្ធនោះទេ ដូចច្នេះហើយអាជ្ញាធរនិងសមត្ថកិច្ចមិនហ៊ានប៉ះពាល់ឡើយ ពោលគឺ៖ ខាងមន្ទីរសុខាភិបាលរាជធានីភ្នំពេញ ក៏ដូចជាក្រសួងសុខាភិបាលកម្ពុជាមិនបានប្រាប់មកខាងអាជ្ញាធរមានសមត្ថកិច្ចឱ្យមានការទប់ស្កាត់ចំពោះមន្ទីរពេទ្យខុសច្បាប់ទាំងនោះ។
ករណីនេះមហាជនជាច្រើនមានការងឿងឆ្ងល់ថា «មន្ទីរពេទ្យខុសច្បាប់ និងបានបញ្ជាឱ្យបិទ មិនឱ្យទទួលអ្នកជំងឺ ចុះហេតុអ្វីនៅតែអាចបើកដំណើរការបានដោយរលូន និងមានទទួលអ្នកជំងឺដោយគឃ្លើន តើបញ្ហាទាំងនេះអ្នកណាទទួលខុសត្រូវចំពោះមុខច្បាប់!
ពាក់ព័ន្ធទៅនឹងមន្ទីរពេទ្យខុសច្បាប់នៅអាចបើកដំណើរការដោយរលូនខាងលើនេះ លោកវេជ្ជបណ្ឌិត ងី មានហេង ប្រធានមន្ទីរសុខាភិបាលរាជធានីភ្នំពេញ ខាងសារព័ត៌មានយើងមិនអាចសុំការបំភ្លឺបន្ថែមបានទេ នៅព្រឹកថ្ងៃទី២៧ ខែតុលា ឆ្នាំ២០២២នេះ ព្រោះលោកឆ្លើយថាជាប់ប្រជុំ។
ចំណែកឯរឿងបង់ប្រាក់ចំនួន ៥ពាន់ដុល្លារ 5000$ ក្នុង១ឆ្នាំ ឱ្យទៅអ្នកដែលឈរឈ្មោះនៅពីក្រោយ ហាក់ដូចជាមានការពាក់ព័ន្ធខ្លាំងមែន ចំពោះមន្ទីរពេទ្យដែលខុសច្បាប់ហើយ តែបែរជាអាចនៅបន្តបើកដំណើរការបានដោយរលូន និងគ្មានការទប់ស្កាត់ពីអាជ្ញាធរនិងមន្ត្រីជំនាញពាក់ព័ន្ធ។
មហាជនជាច្រើនក៏ដូចជាអ្នកសារព័ត៌មាន ឆ្ងល់យ៉ាងខ្លាំងថា តើ រដ្ឋមន្ត្រីក្រសួងសុខាភិបាល ឯកឧត្តម ម៉ម ប៊ុនហេង មានបានដឹងឬទេ ? ចំពោះមន្ទីរពេទ្យគ្មានច្បាប់នៅរាជធានីភ្នំពេញ កំពុងតែបើកដំណើរការបានដោយរលូន និងគ្មានការទប់ស្កាត់ពីអាជ្ញាធរនិងសមត្ថកិច្ចជំនាញពាក់ព័ន្ធ។
មហាជនឆ្ងល់ថា៖ តើមន្ទីរពេទ្យខុសច្បាប់ទាំងនោះ មានអាថ៌កំបាំងអ្វីនៅពីក្រោយទើបបានជាអាចបើកដំណើរការបានដោយគឃ្លើន តើអ្នកណានៅពីក្រោយរឿងលុយ៥ពាន់ដុល្លារក្នុង១ឆ្នាំ។
មហាជនជាច្រើនសុំសំណូមពរដល់ ឯកឧត្តម ឃួង ស្រេង អភិបាលរាជធានីភ្នំពេញ និង ឯកឧត្តម ម៉ម ប៊ុនហេង រដ្ឋមន្ត្រីក្រសួងសុខាភិបាល ជួយចាត់វិធានការចំពោះមន្ទីរពេទ្យដែលគ្មានច្បាប់អនុញ្ញាត ដែលនៅហ៊ានបន្តបើកដំណើរការខាងលើនេះផងទាន។
មហាជនសូមអំពាវនាវទទូចស្នើសុំឱ្យឯកឧត្តមបណ្ឌិត ឱម យ៉ិនទៀង ប្រធានអង្គភាពប្រឆាំងអំពើពុករលួយ សូមឯកឧត្តមជួយចាត់មន្ត្រីជំនាញបើកការស៊ើបអង្កេតករណីខាងលើនេះផងទាន៕
![](https://blogger.googleusercontent.com/img/b/R29vZ2xl/AVvXsEh24MyCMGZwvwJ2O_GfnMgLPOoO1qZ_AINesfLd7FjEnUOpK743hNXROn2S43Hpu18fKuTGHTOw7O3CaFOfzqaHzFBN0p0Z8egI7zvYSZSSVY41Vcq8HaZm3kRTQjEEmC8lwFPjFprqkc2ePPlOnNI73ptg4AkNfoZyhX5ZRDwTqTgF4EnsTvqUA-UO/s1600/A3-1024x683.jpg)
![](https://blogger.googleusercontent.com/img/b/R29vZ2xl/AVvXsEgNpugn1xFrsCTec93nakaOgb7ZnX4LglD3f8seDSFaJfTgaRGGRMNayXiqTm2e6uYJr6U9leM-0nYeFdzrZJlZq-H3WVaL3j07K6q7pQ6CSaHRtpcp6GWKFLGiJ02bHoAb4W2dq1IC6yXWozCUwaF9PXGuoq18KepAaibQldw0eYbV13ZwXv6YRzqd/s1600/95226844_1185674471785239_7919195364769398784_n.jpg)
![](https://blogger.googleusercontent.com/img/b/R29vZ2xl/AVvXsEg05CYREUdoQnRClrtOwQHzVR-BWKpoXbDjnVpX7DM-kBcO7sgoBB6bLDNyzcgZJ1zdOjQEq-6UZ19Kx3j3LoVoelX7tGRhknRQUSzvjdSm087gEuL1FCwZ30ZLX-q711-11SVTyIVOUhlxgTIpanY370YvrFnbx-nMZAmKZ_Xvn8XQhHYmB1KzLzog/s1600/4-12.jpg)
![](https://blogger.googleusercontent.com/img/b/R29vZ2xl/AVvXsEh5pGOWlvO9LNU2Y0_DQJG50sQonOofkQ90x-ac0YNeTN02HBPbp3m_ye6oSBa01YD72Sd3_JLkrWz0x2cZNx_BmmqmT7aazlet8XBwIx_KfCV9l1J58RhBdgcOCASLUm2hArauP0nWI43L_7V0vToOOWuY88fyygmATgjAUlVEJT67JK0HeLmSV-gf/s1600/Picsart_22-10-25_13-27-59-052.jpg)
![](https://blogger.googleusercontent.com/img/b/R29vZ2xl/AVvXsEhW7ctF9iMvR_zAwJMEP7FH9lDJr5b8vnzk1rSPgGLAl1LeUBSOb01qwYmDrOM4bt8vTr_sP5Ikb_tGR0rdkOSCU-J87IprPWxdcW1sAPDRA27_Exy6n2SUxi5xEFt-HMEShVTPb7uCBObY_PVHthpr84woA8xOYX198GKja7zfn23E8Bx6AVCNzfas/s1600/Anti-Corruption-Unit_Anti-Corruption-1024x768.jpg)
![](https://blogger.googleusercontent.com/img/b/R29vZ2xl/AVvXsEh03j7Ywb4WGjLJU1b5TXlb5x8RPLMEcDRONf83zgmo4CZQ5v5Ll_qJFOeiZ76hz1nJR-qoTom8PXbizCvIUUKCa5QWh6w8W0Xag41Nh12gtfA1BEuMKHTw4AbW75VGEpco3wlTOr1zXhDz-Z9vBEF5B5kfxfyjtatKTKPM-vwo9qdPUF5gKQqb35Ku/s1600/IMG_20221025_131534_152.jpg)
![](https://blogger.googleusercontent.com/img/b/R29vZ2xl/AVvXsEgMMQ35axawbEe5yo1kDD1uPHih2qExjET0VWUUU1RwYmAHwx4bFLKQcAky04Ttf66Hm9fpjGpwQjpdHYgFl9lsSBa9b8zyxv49QU1M8Zsnn4KOFJJDWJyXRLKeLbjpR4K0LLTygNX6Jh_8M5T51-IKWfZcBZt4FG5_zqWKlCpDLBWk135w7EzgA_vb/s1600/IMG_20221025_131544_802.jpg)
![](https://blogger.googleusercontent.com/img/b/R29vZ2xl/AVvXsEizC-jFV3fp4rp-MbFWIyeDoOfq9rI19gJi3kwMW2qpx_l5aOQFCcCaHjBANV9rKcYW8wBSfK_lQAqfP6fihdaI9nm8zsh69h4bKQLyc8Gwpa3ns_a1ykncrNRxnFSSCiOXHRPWr7U4erYVA0g6tkhLsqt1qI3pM3YZZR3FAOvpc5bN7iMdwBtNPvdU/s1600/IMG_20221025_131622_298.jpg)
![](https://blogger.googleusercontent.com/img/b/R29vZ2xl/AVvXsEgelwD1-dndUxqfjRTVdAUeZWKIK7RhWODhpH5ztX_UK7EJl_MoH7u6cCdZ0IWYlQppG83W8Ae7W9HIS6v0BzbrEmBAzxoLESNDntFxWXBTTjVkgSYgSXIZtxZlGE7E2fRdM1-AhARvnpIy2mNKuWyRQXbWo1GpCFOEGtZBAICIyYl2j0DtZ_qQcjwz/s1600/Picsart_22-10-19_15-59-43-874.jpg)
![](https://blogger.googleusercontent.com/img/b/R29vZ2xl/AVvXsEh23dEilgK86sI9IF5YKbUgP2TU_MHT1ROCWXoA9EgSXe_xzlLAaUVyNb6NIYIYgKOkbtK79kT2P3F9QHmo5XUBSN6qAQMMX1xchBSPocbYmfdU09dleiZx3BVFl6UhCLrRDsXt1A9lL30qxnl4Li6mP3HJkSgvLFmugRnqGBaQsvNTXKdv7Lpj1eux/s1600/Picsart_22-10-20_22-07-55-647.jpg)
![](https://blogger.googleusercontent.com/img/b/R29vZ2xl/AVvXsEh2dw93A-wEYNkGAxrN82akHg9oBTbATndTbwSiu4OOoQ3W-UWdWTa2gumH355Ls0qbrzpp--fYfTrDJZtiD2kTTtvqFUyZ_klZPGu1B6YcTD8FlUOsS6DpC6_aMkGhWaxx0YQ3AW-1F2Ilt3yndlcRgMuFGOZ2YDsP0qbOdaj3Pjeul3hNJ9Y5bTGB/s1600/Picsart_22-10-22_13-44-48-304.jpg)
![](https://blogger.googleusercontent.com/img/b/R29vZ2xl/AVvXsEjcsS2kCCDx-l3QzYJYoQm838bwYmV2QHCZt51fOgJzQMAtXWGhsNwKczc1x_Wysr1Zcjd9rGO_Cuue7ntRVnBwA0cdUFpXhNiVmPp0oeJfxzjbD_M6MyW84_yEyIFZnZh2OsTkXrUIAtg-sBE8mLdzHBhvJl0FKOGvEU43gxDpsq642ZhKDYg1-DmE/s1600/Picsart_22-10-27_10-49-42-607.jpg)
![](https://blogger.googleusercontent.com/img/b/R29vZ2xl/AVvXsEjVLe9fYqr2MBZCngpOvVvKn468fZafxD6HYUHWlOhQcZDGFNmq2GDWSlT-Tzs2_rrTV0dt3j_A2eUEazgDX0EQyA2-NHmsjvXITvzoSdkOqIOZXQGuR75y2ZPmamjiPi_vunlbmDZ7OVye7kYfotnob8vy14XxB6RqpPtRQkHeSefEhS9A4gOTD0iS/s1600/IMG_20221027_105835_347.jpg)
![](https://blogger.googleusercontent.com/img/b/R29vZ2xl/AVvXsEi7czWcB4eILnpZTunhay5mhxfzqeshklhjv4CikP3I2W26UpjwW49rblhSL45xYD8MSTrhiFxTETCvKNe0s_mE8nqy_i51Kh0SaGFV-qfYfga8TqqnD6zLWRcde8ebGh41XnsuL-eMjfHzgg6-7EQSonmBfow-RkoygkpH1w0AdhK2q6N-B-8LCK-c/s1600/Picsart_22-10-27_11-01-43-067.jpg)
![](https://blogger.googleusercontent.com/img/b/R29vZ2xl/AVvXsEjjEPAO9mky9O9KoZoy6o2SeU5HkBoRGmabyj0w4B7eyZn9-yGWfCq3K9VVFgbQNl37Kjqn3htLVy_okw5q5nTar6QaBqQkgX6IkB66dQYMxfRlYiFMbPiQVkSX2lVnhvefx0ay4OZhLinroRNtQtBPTVPV98317xp7RvMkm899_mb0yf2_tiHX50Aj/s1600/Picsart_22-10-25_13-27-59-052.jpg)
![](https://blogger.googleusercontent.com/img/b/R29vZ2xl/AVvXsEhSvQwg1W0HdXxMSMWXV7TP-FtEXooMPIKktzvXzWtVzgM0PUi766KDA0ovaCR9bZYJqchfV4PnlP9eB98E3pWjFtXmA_gw0dLx7PwMWlXe04Tna0j7WaVtYEc-0yCvh2DNiZeC4Sn7Qk5OVATS_h_M71g7Qxe_psPkkPkaVH0s2V7b3N0CaK86Nhw0/s1600/Picsart_22-10-20_22-30-39-349.jpg)
No comments