សម្តេចតេជោ ហ៊ុន សែន និងមេដឹកនាំអាស៊ាន ជួបប្រជុំជាមួយក្រុមប្រឹក្សា ពិគ្រោះយោបល់ធុរកិច្ចអាស៊ាន
![](https://blogger.googleusercontent.com/img/b/R29vZ2xl/AVvXsEjCpjHjnCzTNezWEKrNd1P6u9adseJxmz_K5ZLopJRWKA4bGRzw3Iw2CdPcXL6jC8vPFHaAOxdhowwLUlF7wwNUHwAZvMYNQ_amileveh72wkTlF9luZIr_lUvKIDt03Ri7gaiAfoic02EegFzS8e1OqRqBkYCD_UnIUaFsCNeWEQWk2DQIQ3Y43yco/s1600/Picsart_22-11-10_21-06-01-463.jpg)
សម្តេចតេជោ ហ៊ុន សែន និងមេដឹកនាំអាស៊ាន ជួបប្រជុំជាមួយក្រុមប្រឹក្សា ពិគ្រោះយោបល់ធុរកិច្ចអាស៊ាន
នៅរសៀលថ្ងៃទី១០ ខែវិច្ឆិកា ឆ្នាំ២០២២នេះ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា និងប្រមុខរដ្ឋ/រាជរដ្ឋាភិបាលអាស៊ាន បានបន្តអញ្ជើញជួបពិភាក្សាការងារជាមួយក្រុមប្រឹក្សាពិគ្រោះយោបល់ធុរកិច្ចអាស៊ាន។
ក្រុមប្រឹក្សាពិគ្រោះយោបល់ធុរកិច្ចអាស៊ាន ត្រូវបានបង្កើតឡើងក្នុងឆ្នាំ២០០១ ដោយប្រមុខរដ្ឋ/ប្រមុខរដ្ឋាភិបាលអាស៊ាន។ ក្រុមប្រឹក្សានេះ មានកាត្វកិច្ចផ្តល់នូវធាតុចូល និងរបាយការណ៍អនុសាសន៍របស់វិស័យឯកជន ដើម្បីជួយជំរុញដល់កិច្ចប្រឹងប្រែងរបស់អាស៊ាន ឆ្ពោះទៅកាន់សមាហរណកម្មសេដ្ឋកិច្ច។
ក្រៅពីនេះ ក្រុមប្រឹក្សាក៏ផ្តល់ជាមតិយោបល់ផងដែរ អំពីការអនុវត្តកិច្ចសហប្រតិបត្តិសេដ្ឋកិច្ចអាស៊ាន និងដាក់ស្នើនូវវិស័យអាទិភាព ជូនថ្នាក់ដឹកនាំពិចារណា។ សកម្មភាពជាចម្បងៗរបស់ក្រុមប្រឹក្សាពិគ្រោះយោបល់ធុរកិច្ចអាស៊ាន ផ្តោតលើការពិនិត្យ និងការកំណត់ បញ្ហាប្រឈមនានា សំដៅសម្រួល និងជំរុញកិច្ចសហប្រតិបត្តិការ និងសមាហរណកម្មសេដ្ឋកិច្ច។
ឆ្នាំ២០២២នេះ អ្នកឧកញ៉ា គិត ម៉េង ប្រធានសភាពាណិជ្ជកម្មកម្ពុជា ត្រូវបានជ្រើសតាំងជាប្រធានក្រុមប្រឹក្សាពិគ្រោះយោបល់ធុរកិច្ចអាស៊ាន។ ក្នុងកិច្ចប្រជុំទល់មុខជាមួយមេដឹកនាំអាស៊ាន អ្នកឧកញ៉ា បានដឹកនាំសមាជិក សមាជិកា ដែលសុទ្ធសឹងជាអ្នកធ្វើធុរកិច្ចមកពីបណ្តាប្រទេសសមាជិកអាស៊ាន ចូលរួមនៅក្នុងកិច្ចប្រជុំដ៏មានសារៈសំខាន់នេះ។
នៅក្នុងកិច្ចប្រជុំនេះ អ្នកឧកញ៉ា គិត ម៉េង បានលើកបង្ហាញនូវបញ្ហាមួយចំនួនដែលនាំការគំរាមកំហែងសម្រាប់ការធ្វើធុរកិច្ច។ បញ្ហាទាំងនោះ មានដូចជាសង្គ្រាមនៅអ៊ុយក្រែន, ការប្រែប្រួលអាកាសធាតុ, ការរាតត្បាតនៃជំងឺឆ្លង, វិបត្តិសេដ្ឋកិច្ចសកល, កំណើនអតិផរណា,បញ្ហារបស់មីយ៉ាន់ម៉ា និងការប្រកួតប្រជែងភូមិសាស្ត្រនយោបាយជាដើម។
ដើម្បីឆ្លើយតបនឹងបញ្ហាខាងលើនេះ អ្នកឧកញ៉ា គិត ម៉េង បានបង្ហាញការគាំទ្រយ៉ាងពេញទំហឹងចំពោះការប្រកាន់យកនូវជំហរមជ្ឈភាពរបស់អាស៊ាន និងអាស៊ានរួមគ្នាធ្វើ ដោះស្រាយបញ្ហាប្រឈមទាំងអស់គ្នា។ជាមួយគ្នានេះ អ្នកឧកញ៉ា គិត ម៉េង បានស្នើអាស៊ានត្រូវបញ្ចេញសំលេងអន្តរាគមន៍ឱ្យបញ្ចប់ជាបន្ទាន់នូវជម្លោះរវាងអ៊ុយក្រែន និងរុស្ស៉ី និងអនុញ្ញាតឱ្យមានការចាប់ផ្តើមចចារដោយសន្តិវិធី និងតាមរយៈការទូត។
ប្រធានសភាពាណិជ្ជកម្មកម្ពុជា ក៏បានស្នើអាស៊ានត្រូវតែបន្តធ្វើជាចំណុចស្នូលសម្រាប់ប្រព័ន្ធពាណិជ្ជកម្ម ដែលមានលក្ខណៈបើកចំហរ ស្មើភាព និងពហុភាគីប្រកបដោយការទទួលខុសត្រូវប្រកាន់ខ្ជាប់នូវវិធានច្បាប់ បន្តជំរុញកំណែទម្រង់បរិស្ថាន សង្គម និងអភិបាលកិច្ច តាមរបៀបយុត្តិធម៌ និងប្រកបដោយចីរភាពពិតប្រាកដ៕
![](https://blogger.googleusercontent.com/img/b/R29vZ2xl/AVvXsEhBgfvG7xNj-MjrTtIBP0CoKNMsYYELjMemI7RoZhPN9VmpjMutJO9cP94BHWMQVNExfU_1g_NitW-kXnRcLN4v5bO8KgfK6az8BYaX4BtZ-qn7nQQj9jLzfmzKGV9CzCncaHt1n4UHkoVDPYpjrp9W0oYp5KjTD-biMarqAh0O1G-b0ca_V4d9t4GT/s1600/FB_IMG_1668088719652.jpg)
![](https://blogger.googleusercontent.com/img/b/R29vZ2xl/AVvXsEjpFqwwWibGJdhy2Yq5pGj8B3zGrDyBVBD2H_be6tcAPM_uXe7ybuMsFn_2AbOyFRD06q4ntQkAOxlv7JyHDRGLWz1qTKxMJuT1nytns_KGDzjyGjzEUgR8LaCyvnqEszDw-6_KFHv5a1Py2YW1WQ1O6YHsj9GwmtZm1S0MFXdmW3qbq_nfUv-vDF4-/s1600/FB_IMG_1668088721840.jpg)
![](https://blogger.googleusercontent.com/img/b/R29vZ2xl/AVvXsEibYjh1i2EmltqFhaMcQwt9QWkSIPUx-37bZcVpmA925YTkAzyBa54lc-Y_Bk2e6SFtL3swde45f7MSOLwjF6Ljyqrnp5NdcS1gztUWjLAFhQdoGwdx0GlDFzmkkGU4NX7t1W1cHO7gQnnNCfYX7xn0EaqWSGCg82uPinsh0RsF5XBKH6JYp7GL87xK/s1600/FB_IMG_1668088724160.jpg)
![](https://blogger.googleusercontent.com/img/b/R29vZ2xl/AVvXsEgDQfIg5EmJtE6LIqWqvVe5BvBnPZdPhfbBL2_uB29nSUgNp7enIeaOcPLjainwysMiEMfKSCp4Fag94L5RsELc1qzxZczHyuid5LygdxpZAfoGhHJr5T5umD7Tzlc7Vfz4Tk-m5ow3P_g7mcH5bNXpQGiD7XCsryVfbFjo4tH3mHKIDOpyL9HVx0Yb/s1600/FB_IMG_1668088726228.jpg)
![](https://blogger.googleusercontent.com/img/b/R29vZ2xl/AVvXsEhTzwsdFk7LisKexbBGIEEp9gmlwVccPvgmaY-QuMptsdb3l317DguByUdprRtNnSsQW2cHp7lQvNzqOrM0aAHKXT3mQGvqyGE_LNh_yLhjXXr-cIYykvidSsy9SETo7j-3zOqNewgF4qVUdp90cjZrusaGtghBB6faZZqGByNfKGEZAslXxt6vBYr1/s1600/FB_IMG_1668088728014.jpg)
![](https://blogger.googleusercontent.com/img/b/R29vZ2xl/AVvXsEj_yKIRvjTEcNmhAkhY64BLAH5-eeWECPzlDuV2PYezdB-RDw_wu_Be_gIujwPgAAQ7YgW4Ik6qUqLVfYqamaCz93QpijbXSgD3c8gySWmCgZtWjKQtQplWnhdokhfLn9yAefoUb1ZTHgitory7wWrVd9rwIFlG8p07NbsPtyg0J5jZfOFgP2OJ9FNk/s1600/FB_IMG_1668088729916.jpg)
![](https://blogger.googleusercontent.com/img/b/R29vZ2xl/AVvXsEi1NPRUMNJyh_OkV6ShLPL2e8EM7Ewq7GgHWDqG15oO-d-fXULm0qahD9IWShfIlEWyLg47TewIXiOOuFalr_FgEOZFOLHttzhVCPnsiizTfvTDPa1D8sth1rqCNNVD6zrSsfdYJaJZ7ulL0ISpvjIQTrz-3QvfPt3Mt-DdqA0MnSP6VKmSFgbbunyh/s1600/FB_IMG_1668088732285.jpg)
![](https://blogger.googleusercontent.com/img/b/R29vZ2xl/AVvXsEgLF4lSLL-wadAOEaJ5GcVcJRAfxpsSL6fVLmgiUcrtIWjX3bstk5y04BlY8VX8q8NlczF3sFlTSBUPXfJNUMOf9xvmKQPDvW70uq0yW8DeMyYdqK9Huj1RT2QMXZexCpD2yVcxI5uz0kpt95I04YiUdmRuBhxwu6i2vpBDi8IJvG42lD_nQ9Kqbyi5/s1600/FB_IMG_1668088734239.jpg)
![](https://blogger.googleusercontent.com/img/b/R29vZ2xl/AVvXsEginTk5ZTc26RNfofigun0VOLWRl02AofqfXXFGtUhWzHJnL4cPDMQmynpKS2Qvkmd5syDRC6BUT6CF9VVrLjYI_7jcH6cMfIRIFp1oST6jQqP0wy4Htuzx0WrCwICTVfcgv8vwA3lqDICRbv51QPzBEsuFjejxbYoCGdmlKoenwtCvfChlYeevUmQA/s1600/FB_IMG_1668088736263.jpg)
![](https://blogger.googleusercontent.com/img/b/R29vZ2xl/AVvXsEg8PmgJwx9M6d5pr9XPIxw2DSNyD9N3u2ZEG80Bw-4EJs0INLUew0zDOz_PQRnrIM0DRGIV69eROTbEtfUOjWtLUJZj5P_tEFLzynEVUBGGOkL3dTIKqc13m6hbDBTvULu4G4iguqjUFEtTSKjtkeg2MWRVWcyGDP6rTHY2nqfQp6NSlLEy6VfqgaOG/s1600/FB_IMG_1668088738528.jpg)
![](https://blogger.googleusercontent.com/img/b/R29vZ2xl/AVvXsEhUDQWgPBmJ6NIIwgzDF0XCc07sLUBRLUp6QYCGPprQ2_NeM3i5vs1p0VXUztr8BKQ0VH4wRJJdMja8kEiF2E0VmHpOXsvXgFi3MeqBlAMfsZi5uJhrzM7UIhaHtf1Mvc0dK_drM7IilRip8BJIEwtSGhoxZXhhHL7wmBwABr7-SfU5s9fiO-AOT0z5/s1600/FB_IMG_1668088741317.jpg)
![](https://blogger.googleusercontent.com/img/b/R29vZ2xl/AVvXsEiSimD5w5mxwf5S45zBTw-Na12uRjo4x5ZmgVDm2oOqLeG5on1h79Hvy3wasq-UyQl2RKkCrw3AO-QVIWXbDBHgM-8txe0R97ArFCNZ6ANYE5ibGsHnhRYTvhhts0lhJqNrpM3Bz48yBI0k-DGKRp1lmzt1Y-lv1e5MgUIQ83CFwgSrMEYyntiXCGuF/s1600/FB_IMG_1668088743902.jpg)
![](https://blogger.googleusercontent.com/img/b/R29vZ2xl/AVvXsEhhsAg_pntXK6uz-TM2RKXXLUKQ2UQQoj48htEfTe53FXOIQXpISfJ1R606tNVNmwXn2CKIunGe8RitDDp_34PTxOyhJO-LLOyssY1e-uPaB7vJUnVYda3rav0rAdcYkeb-j9JsQm6OrNwg_SEvegjqbJ3kSPvpkyzTJfSymvbzs9zQGxHH-nt_psM2/s1600/FB_IMG_1668088751478.jpg)
No comments