បុរសជាម្ចាស់រថយន្ត៥៧០ បាញ់សម្លាប់យុវជនម្នាក់ស្លាប់នៅតាមដងផ្លូវត្រូវបានសមត្ថកិច្ចឃាត់ខ្លួន
![](https://blogger.googleusercontent.com/img/b/R29vZ2xl/AVvXsEgxDULdYOmVE8hu86RbNzzT1Ae90ugTe7PUPRjHU-cKJGSMmJ1fpNRAumQ4QPk2Cqhyhhk9MSY-RmsC9pBaOYZf4vH8vsnSe1W2engZoacla8yzPQT0qWXrngtM1RVB7TLoArBTx3t_JZ6geBZYSL67Q23z_0gzAjNd63kBwKovbQA4VYeyktmqPfgp/s1600/Picsart_22-11-02_19-21-15-986.jpg)
បុរសជាម្ចាស់រថយន្ត៥៧០ បាញ់សម្លាប់យុវជនម្នាក់ស្លាប់នៅតាមដងផ្លូវត្រូវបានសមត្ថកិច្ចឃាត់ខ្លួន
ភ្នំពេញ៖ បុរសវ័យជាង៤០ឆ្នាំ ដែលជាម្ចាស់រថយន្ត 570 បាញ់សម្លាប់យុវជនម្នាក់ដែលជាមុខសញ្ញាសង្ស័យ ត្រូវបានកម្លាំងសមត្ថកិច្ចជំនាញព្រហ្មទណ្ឌសហការជាមួយនឹងកម្លាំងមូលដ្ឋាន ខណ្ឌសែនសុខធ្វើការស្រាវជ្រាវរហូតកំណត់មុខសញ្ញាបានឡោមព័ទ្ធផ្ទះជនសង្ស័យ។ ស្រាប់តែពេលនោះជនសង្ស័យក៏បានចេញមកសារភាពខ្លួននៅប៉ុស្តិ៍នគរបាលរដ្ឋបាលបឹងកក់ទី១ មូលដ្ឋានខណ្ឌទួលគោក។
យោងតាមចម្លើយសារភាពរបស់បុរសវ័យចំណាស់ជាម្ចាស់រថយន្ត lexus570 ដែលបានបាញ់ប្រហារលើយុវជនម្នាក់នោះបានឲ្យដឹងថាខ្លួនកំពុងតែជិះរថយន្តស្រាប់តែយុវជនដែលជាជនសង្ស័យបានជិះម៉ូតូ។មកប៉ះជាមួយនឹងរថយន្តរបស់គាត់ ហើយមិនឈប់ព្យាយាមគេច បន្ថែមទៀតក៏ឮសំឡេងស្រែកមកថាចោរៗ ផងនោះ បានដកកាំភ្លើងបាញ់ចេញពីក្នុងរថយន្តបាញ់ ពីក្រោយបណ្ដាលឲ្យស្លាប់តែម្ដង។
បច្ចុប្បន្នបុរសជាជនដៃដល់ត្រូវបានកម្លាំងសមត្ថកិច្ចជំនាញប្រគល់ជូនសមត្ថកិច្ចមូលដ្ឋានខណ្ឌសែនសុខ ដើម្បីសួរនាំនិងកសាងសំណុំរឿងចាត់ការតាមនីតិវិធី។
គួរបញ្ជាក់ផងដែរនៅវេលាម៉ោងម៉ោង០១និង២០នាទីរសៀលថ្ងៃទី០២ ខែវិច្ឆិកា ឆ្នាំ ២០២២ យុវជនម្នាក់ដែលគេសង្ស័យថាជាមុខសញ្ញាគាស់ផ្ទះខណៈដែលកម្លាំងសមត្ថកិច្ចព្រហ្មទណ្ឌកម្រិតស្រានៃស្នងការដ្ឋាននគរបាលរាជធានីភ្នំពេញកំពុងតែតាម ភ្លាមនោះប្រហែលជាជនសង្ស័យដឹងមុនឬយ៉ាងណា បានព្យាយាមជិះគេចខ្លួន ស្រាប់តែមានបុរសម្នាក់កំពុងតែជិះរថយន្តម៉ាកលុចស៊ីស ៥៧០ បានដកកាំភ្លើងបាញ់ទៅលើយុវជនដែលគេសង្ស័យ ជាមុខសញ្ញាចោរពីក្រោយខ្នងបណ្ដាលឲ្យស្លាប់ភ្លាមៗនៅម្ដុំ សាលា IU ចំណុចផ្លូវលេខ ១០១១ កែងជាមួយនឹងផ្លូវលេខ១៩៧៨ មូលដ្ឋានសង្កាត់ភ្នំពេញថ្មី ខណ្ឌសែនសុខ រាជធានីភ្នំពេញ។
តាមមន្រ្តីជំនាញបានឱ្យដឹងថាជនរងគ្រោះ ឈ្មោះ រិទ្ធិ ចិត្ត្រា អាយុ២៤ឆ្នាំ ស្នាក់នៅផ្លូវលំ ភូមិ រោងចក្រ សង្កាត់គោកឃ្លាង ខណ្ឌសែនសុខ រាជធានីភ្នំពេញត្រូវ២គ្រាប់ចំខ្នងធ្លាយមកទ្រូងដួលស្លាប់នៅលើចិញ្ចើមផ្លូវ។
តាមប្រភពព័ត៌មានបានឲ្យដឹងថានៅមុនពេលកើតហេតុកម្លាំងនគរបាលព្រហ្មទណ្ឌកម្រិតស្រាលនៃស្នងការដ្ឋាននគរបាលរាជធានីភ្នំពេញ កំពុងតែល្បាតនិងច្បាមមុខសញ្ញាគាស់ផ្ទះ ភ្លាមនោះស្រាប់តែលេចមុខជនសង្ស័យ០២ នាក់ជិះម៉ូតូពីរគ្រឿង ដោយម្នាក់ជាម៉ូតូម៉ាកសង់ឌ្រីម និងម្នាក់ទៀតដែលជាជនរងគ្រោះបានស្លាប់គឺជិះម៉ូតូម៉ាកស្គុបពីពណ៌ខ្មៅ ពាក់ស្លាកលេខភ្នំពេញ 1JG ៤៧២៩ ត្រូវបានជនស៊ីវិលម្នាក់ដែលកំពុងតែជិះរថយន្តម៉ាកលុចស៊ីស 570 kuro ពណ៌ខ្មៅ បានដកកាំភ្លើងបាញ់ទៅលើយុវជនដែលជាជនសង្ស័យជិះម៉ូតូម៉ាកស្កូបពី ពីក្រោយខ្នងចំនួន០២គ្រាប់ បានឲ្យដួលម៉ូតូស្លាប់ភ្លាមៗនៅកន្លែងកើតហេតុ។
បច្ចុប្បន្នសពជនរងគ្រោះត្រូវបានកម្លាំងសមត្ថកិច្ចធ្វើការកុសល្យវិច្ច័យរួចត្រូវបានយកទៅតម្កល់នៅវត្ត ទឹកថ្លា ប្រគល់ជូនសាច់ញាតិមកទទួលធ្វើបុណ្យតាមប្រពៃណី៕
![](https://blogger.googleusercontent.com/img/b/R29vZ2xl/AVvXsEjrGw3N8YVjNet1oLrqYYZAXX_eAU4CynhTJOIgotmRFwRx_WGXVHogBTSzGhO8u78oI7fvHz3YXdzYhK2ZiWRl8kO2UE4B4TxcwcPj02M7RiU-gZ4iyz_ju0OjMFFB5aG5vkFn8UPW9NoI95BIo08M5n5p3kDiJDQGUKIyBiEvu4S1RjvdDqGdmF9c/s1600/FB_IMG_1667374902565.jpg)
![](https://blogger.googleusercontent.com/img/b/R29vZ2xl/AVvXsEiF8cMFNGMa3sq0H4ApqRAuvvwvtpRvp-3CntL8AnXPtbI6cI_yMqPRnBqD3yla7A5JvLXgWu_2gzwIh5TGYC_jB9XieI5b5BuXsUCnP6cFkCymga5R2tKNoUyCreLNTasuU5n9dovpcnyAdF0yxw3_zz-_Wodi76CiMHft-xWu8ZYMJokdzRHVvput/s1600/FB_IMG_1667374904685.jpg)
![](https://blogger.googleusercontent.com/img/b/R29vZ2xl/AVvXsEjabAE0z2Zde8YKl1YZ0Ya444XBLkYBTNUlLF7IE-m5txLW2wVfu65N6dAl_D7hExyCmgv1c17Rq8bZUCK3qf35kd6FpTVvKTEZkMFA4w_mQst7NIAZKzUppX8vfVbtwjk830NtNeTazN2A4yh1Dz1IoiBR9e9A0RwvkKosjoW7N2sHKGbaX5gjk3xZ/s1600/FB_IMG_1667374907220.jpg)
![](https://blogger.googleusercontent.com/img/b/R29vZ2xl/AVvXsEgyq1LZgVZa94mNFmfZouFioloG6BOZoXsBTH1Zx92QM_VMw5soSsuhhm-O6e-VAOn7uC8EgLW0eIGw5M1eem1px6cdlsMVNFCacZqDHp9uHd8_acQc9MSB-Z4ZNmc__3gypeifiGdzYh-NDMonSCTTYyRInygCt7v8mZSyZyKnKrcwEedLT6xv7lA4/s1600/FB_IMG_1667374911808.jpg)
![](https://blogger.googleusercontent.com/img/b/R29vZ2xl/AVvXsEihr7W569kINgcyNkIXN1ukpuykheI2bekEdYPGWsP38QoyDsqqZMeLZXQtthD3vRc-6ueKgrBaCTCi6WXnvEUEKx4tICnsNKyIrTZxKyse4Vv7N_ovSweuWhH9NfVarWdk6Vne6MeTZCzqQ_xEfVraDZT1a-23sdqA0GMRZ913Hkq4LsTq4nLMiCfa/s1600/FB_IMG_1667391483333.jpg)
![](https://blogger.googleusercontent.com/img/b/R29vZ2xl/AVvXsEi5xx7KhtWml9qZM7vrG6etjyqlv4DjUe3iYBBncCy7Bg7kNyEUV5tgbhAbnnXGwkkmapsIQCfTh3Qn7eu_YWMCTismUJ3YnnzzXHvWYeZ0JZNLLJKxrQtHkS0J_HZti3-kjT2GH9T84PfnJOYsc0F9nJdPbonOeEElLeMULCedTvt6I_W8a6RsryOQ/s1600/FB_IMG_1667391486716.jpg)
![](https://blogger.googleusercontent.com/img/b/R29vZ2xl/AVvXsEjIoaXYGtO1Ht5hYBkBb5LHkWEe9rNfyr219kpJB1uOTahQ34b3W3G-sBKQXBPSPXBxdqQxGdssm_XGg53SxC_v8gKiMtZU2_Lm3m7-HcDsIW9IFNJ2i1MzS8rWBjXAgTRklt95kGMpIgFvMGX9v6cWqmfy8dAQNm5lteFxL7DoSbgQUnryh7VnDk6s/s1600/FB_IMG_1667391489037.jpg)
No comments