មន្ត្រីស័ក្តិ៥ ម្នាក់ ផឹកទឹកបង្ហាញនិស្ស័យពិត រហូតឈានដល់បើករថយន្តបុកអ្នកដំណើរផ្អើលពេញផ្លូវ
![](https://blogger.googleusercontent.com/img/b/R29vZ2xl/AVvXsEgnNkA8ZmOCMV4Ixh9ejLmeMcX5a0wEFxh-iS6YTYh_aNi3dmXwk1aXu66MIH8eV6TvcUyBsS4tryL7Na23wH2IgaKrhQDg_DUH69bIkthYgdxp4Mfjisq9lwrl5gS5tTFnox_ct1HZbzUDdkB2qWVMPDqnci47mepQf-1p4HrfxQdA912bDBaT5JWj/s1600/Picsart_22-12-28_10-15-58-735.jpg)
មន្ត្រីស័ក្តិ៥ ម្នាក់ ផឹកទឹកបង្ហាញនិស្ស័យពិត រហូតឈានដល់បើករថយន្តបុកអ្នកដំណើរផ្អើលពេញផ្លូវ
ចេញផ្សាយនៅថ្ងៃទី២៨ ខែធ្នូ ឆ្នាំ២០២២ វេលាម៉ោង១០:២០នាទីនៅចំណុចផ្លូវជាតិលេខ១ កាលពីល្ងាចថ្ងៃទី២៧ ខែធ្នូ ឆ្នាំ២០២២ មានរថយន្តម៉ាក Jeep ពាក់ស្លាកលេខ កម្ពុជា BCN-5886 បើកបរដោយបុរសម្នាក់ជាមន្ត្រីស័ក្តិ៥ ឈ្មោះ មុី សំអាត បានបើកបរក្នុងស្ថានភាពស្រវឹងស្រា ទៅបុកផាសអេប PassApp បណ្តាលឱ្យខ្ទេចមួយចំហៀងមុខ។
តាមប្រភពព័ត៌មានពីកន្លែងកើតហេតុបានឱ្យដឹងថា មន្ត្រីស័ក្តិ៥ ឈ្មោះ មុី សំអាត រូបនោះ បានធ្វើដំណើរលើផ្លូវជាតិលេខ១ ឆ្ពោះពីកៀនស្វាយ ទៅខណ្ឌច្បារអំពៅ រាជធានីភ្នំពេញ រហូតមកដល់មុខវត្តក្នុងសង្កាត់ក្បាលកោះ ខណ្ឌច្បារអំពៅ ស្រាប់តែបើករ៉េចង្កូតពេញផ្លូវនិងបុក PassApp រួចបើករត់រហូតដល់ បុក PassApp ជាបន្តបន្ទាប់នៅលើកំណាត់ផ្លូវជាតិលេខ១ ហ្នឹងបង្កឱ្យមានការភ័យខ្លាចយ៉ាងខ្លាំងចំពោះអ្នកធ្វើដំណើរ។
ប្រភពព័ត៌មានដដែលបានឱ្យដឹងថា៖ បន្ទាប់ពីមានការបើករត់ហើយទៅបុកគេជាបន្តបន្ទាប់ រហូតឈានដល់បែកកង់ឡានលែងទៅមុខរួច ទើបមានការឃាត់រថយន្តនិងជនបង្កបាន ហើយក៏បញ្ជូនទៅកាន់អធិការដ្ឋានខណ្ឌច្បារអំពៅ ដើម្បីចាត់វិធានការតាមផ្លូវច្បាប់។
អ្វីដែលកាន់តែហួសចិត្តក្នុងករណីខាងលើនេះដែរ ខាងសារព័ត៌មានយើងទទួលបានថា ជនដែលបង្កហេតុខាងលើនេះត្រូវបានសមត្ថកិច្ចឱ្យត្រឡប់ទៅផ្ទះធ្វើការវិញជាធម្មតា។
ហើយករណីដោះលែងជនបង្កហេតុខាងលើនេះ លោក រឿន សុជីវី អធិការរង ខណ្ឌច្បារអំពៅ ទទួលផែនការងារចរាចរណ៍ មិនហ៊ានធ្វើការបំភ្លឺជាមួយអ្នកសារព័ត៌មាននោះទេ ខណៈលោក ម៉ៅ សឿត អធិការខណ្ឌ ក៏មិនព្រមលើកទូរស័ព្ទ៕
![](https://blogger.googleusercontent.com/img/b/R29vZ2xl/AVvXsEhRftHZZWLVfcYKyat3_GCOFXw2ZaVhGnXj9ar7qkSNMjbFd1nAulcSdK0XUY7LeEN1Mg5rGBGY7nrBwquvp5AOw8w5N4vjD2KDHhhn9HxnZm_rqq1uAYSmMZPsWDRzZyDKGXlFnnNxcfmA4fV1bY9lj8Z8Xl1goB0SBwujXa8-jxc7LBvJhH_QhnHI/s1600/IMG_20221227_214052_630.jpg)
![](https://blogger.googleusercontent.com/img/b/R29vZ2xl/AVvXsEjrnkhJDg-112MJWAX-YawDTSxXSsfVpry2Lka621iDKNJRMpW8Tuf2lt1Vt072mpWzczBrJyV39YO6DXjyTsEVOoXe7MnykkaaugYLtfmtzawaSaRhKttDs7sEL5jyYZbwynhDU8m9mb9QwsfzEiroYxSLvNvoqxSX2Csvfg3X8pQB5jLVICdc2M0T/s1600/IMG_20221227_214052_703.jpg)
![](https://blogger.googleusercontent.com/img/b/R29vZ2xl/AVvXsEjeeksQi5NGUjuqyQeaOzBBO0Oz50F5PIfV0o24C4HBl1NpmNTaf_oanZyEkvDZF4Kka-e4oopXWTr_rdcpGzoN686ISNE0MTvSghUsAuJL3dkn--pzaV6VNf2vWcqpgAMwU4Kj-SQCkdr4NrICipv6y1Lkp9ZcG2M1i8-Kn_AIrHNxNEC1d67Xshq6/s1600/IMG_20221227_214053_125.jpg)
![](https://blogger.googleusercontent.com/img/b/R29vZ2xl/AVvXsEidus5AGrfflgZPpjmX_u0Ek_syP03-XAw0saFp0EKr8VSDuzcDpnMwyfY9skj3yjiUzzTRSjwy4hXQT2N1qyOcp--c123HKeP2-MWDxC5P1rz2sz5G08aNifrvY5qwZQo2hCdRLKr9t6mqgDgT3m0mRoMB4YWmqfHUBGdoANdW4VztFSC1B4ikAhZ0/s1600/IMG_20221227_214053_310.jpg)
![](https://blogger.googleusercontent.com/img/b/R29vZ2xl/AVvXsEiKUdwmPQpQyBt2amlduxx-WZinFJ6lHqZKCvd7EwQWGR4BGRXiv5C1KeOq-ghurVoE3oZzpqMlmFjVCAC7DTlILwpet3lQdJh-xcFH0UPn5QtFLcX0RQ7evP7ZGQgJ8Ob_Z2BtM4h0ujWEebk46LYppmDIn7WNzKubNakXIYOR9j0lmMxA9RG--0e9/s1600/IMG_20221228_100829_533.jpg)
![](https://blogger.googleusercontent.com/img/b/R29vZ2xl/AVvXsEj8g6Wk9-sO72uRhIlkDT9t_8vPyP3dCkIF4CpwVub_yo0paPWLiSjDg4HwJvxlk8-14WCZLqScmSeIBCt8LVw3A4trlWBlwvhD6VoiRRk3dMOYNYobWPsSy84dVtl3pqEU6NnfS3hpE-Q87XjLqOJGmKc8KVrWpfijbAzRWBf8vCuoDq23QpuPb6zV/s1600/IMG_20221228_100830_427.jpg)
![](https://blogger.googleusercontent.com/img/b/R29vZ2xl/AVvXsEg9fWAC3CKtROYMQPGApeImCMxkOh2D-pF_f_lfpHOoN6j2M9AfcEvtf4Qnmsi5u_7wR_KHXD7htgv1yXDrfayTlPrxyqRNh2rWWySmAcZe5PvcE9UAZtSTBP7CKWogP5JQFSaqCYc9znpgzuu0CTbqE0I1HFjRHJ3jTTVND3rn07X-fwdFlaRYyKRM/s1600/Screenshot_2022_1228_094135.jpg)
No comments