ដូរយីហោ ថ្មីហើយ មន្ទីរពេទ្យគ្មានច្បាប់ កែវ ការីណូ ស្ថិតនៅខណ្ឌឬស្សីកែវ_វគ្គ២
![](https://blogger.googleusercontent.com/img/b/R29vZ2xl/AVvXsEi-btw5-tiYZjAWR0UQA1CjyYlSRtAho0AGSwSmoNoU4MYf2N2ye7e6_qfq_DuVNalSD9MKt77zRhIPEUeCGR8PD-W78j5_cIjyhmhtRueE-U5Xm4X-NrasfRGhVCJCye89yz7db-unj6Fqurpp0Ncob-pcTD9MmVgiou4XzXWTtrXVKaXUdUo1X-ZL/s1600/IMG_20230107_171739.jpg)
ដូរយីហោ ថ្មីហើយ មន្ទីរពេទ្យគ្មានច្បាប់ កែវ ការីណូ ស្ថិតនៅខណ្ឌឬស្សីកែវ_វគ្គ២
ចេញផ្សាយនៅថ្ងៃទី០៧ ខែមករា ឆ្នាំ២០២៣ វេលាម៉ោង១៧:២៦នាទីដោះដូរចេញហើយ ស្លាកយីហោចាស់ ដោះដាក់ស្លាកយីហោថ្មី ដោយមិនទាន់ដឹងយ៉ាងណា ឬយ៉ាងណីនោះទេ ចំពោះមន្ទីរពេទ្យគ្មានច្បាប់ កែវ ការីណូ មួយកន្លែង ដែលមានទីតាំងស្ថិតនៅជាប់ហ្នឹងផ្លូវជាតិលេខ៥ ក្នុងសង្កាត់ច្រាំងចំរេះទី១ ខណ្ឌឬស្សីកែវ រាជធានីភ្នំពេញ។
តាមប្រភពព័ត៌មានជាក់ស្ដែងបានឱ្យដឹងថា កាលផ្លាស់ប្តូរស្លាកយីហោចាស់ ផ្លាស់ដាក់យីហោថ្មី របស់មន្ទីរពេទ្យខាងលើ គឺដោយសារតែកន្លងមកមន្ទីរពេទ្យមួយនេះ បើកទទួលពិនិត្យនិងព្យាបាលអ្នកជំងឺ ដោយមិនមានច្បាប់អនុញ្ញាតពីក្រសួងសុខាភិបាល។ ហើយករណីនេះក៏ត្រូវបានខាងក្រសួងសុខាភិបាល និងអាជ្ញាធរពាក់ព័ន្ធចុះបិទទីតាំងមន្ទីរពេទ្យមិនឲ្យមានការទទួលពិនិត្យនិងព្យាបាលអ្នកជំងឺ កាលពីខែតុលាឆ្នាំ២០២២កន្លងទៅថ្មីៗនេះ។ ប៉ុន្តែអ្វីដែលគួរឱ្យហួសចិត្តបន្ទាប់ពីក្រសួងសុខាភិបាលកម្ពុជាសម្រេចឱ្យមន្ទីរពេទ្យមួយនេះបិទដំណើរការ ស្រាប់តែឃើញថាមន្ទីរពេទ្យមួយនេះកាន់តែផ្គើនដោយបន្តបើកដំណើរការទទួលពិនិត្យនិងព្យាបាលអ្នកជំងឺយ៉ាងគឃ្លើន និងមិនមានការរំខានដល់មន្ត្រីជំនាញពាក់ព័ន្ធក្នុងមូលដ្ឋានបន្តិចនោះទេ! នេះហាក់ដូចជាមានការលាក់បាំងនៅពីក្រោយខ្លាំងមែនទែន។
សូមបញ្ជាក់ថា៖ មន្ទីរពេទ្យគ្មានច្បាប់ យីហោ «មន្ទីរពហុព្យាបាល កែវការីណូ» ស្ថិតនៅសង្កាត់ច្រាំងចំរេះទី១ ខណ្ឌឬស្សីកែវ រាជធានីភ្នំពេញ ឃើញថាបានផ្លាស់ប្ដូរឈ្មោះយីហោហើយ គឺប្តូរមកឈ្មោះ «មន្ទីរពហុព្យាបាល និងសម្ភព វិចិត្រសោភា» ហើយកាលផ្លាស់ប្ដូរឈ្មោះយីហោនេះដែរ គឺបន្ទាប់ពីបែកធ្លាយជាបន្តបន្ទាប់ជុំវិញការលួចបើកអាជីវកម្មមន្ទីរពេទ្យដោយគ្មានច្បាប់អនុញ្ញាតម្តងហើយម្តងទៀត ដោយគ្មានខ្លាចញញើតច្បាប់បន្តិច សោះឡើយ។
ទោះជាយ៉ាងណាមិញ ការផ្លាស់ប្តូរឈ្មោះយីហោ របស់មន្ទីរពេទ្យខាងលើនេះ ក្រុមការងារខាងសារព័ត៌មានយើងនៅមិនទាន់ដឹងថា មានច្បាប់អនុញ្ញាតត្រឹមត្រូវពីក្រសួងសុខាភិបាល និងក្រសួងពាក់ព័ន្ធផ្សេងទៀតដែរឬយ៉ាងណានោះទេ ហើយមិនទាន់ដឹងថាមានវេជ្ជបណ្ឌិតរូបណា ដែលមកឈរឈ្មោះនៅមន្ទីរពេទ្យមួយនេះដែរ។
ករណីមន្ទីរពេទ្យគ្មានច្បាប់ ហើយបានដូរស្លាកឈ្មោះយីហោថ្មីខាងលើនេះ ខាងសារព័ត៌មានយើង មិនអាចសុំការបំភ្លឺពីម្ចាស់មន្ទីរពេទ្យបាននោះទេ ព្រោះទូរស័ព្ទខលចូលរាល់លើករាល់សាលតែមិនមានការបំភ្លឺនោះទេ ពោលគឺ៖ គ្រាន់ឮតែសំណួរ របស់អ្នកសារព័ត៌មានសួរសុំការបំភ្លឺជុំវិញមានច្បាប់ឬមិនមាន ស្រាប់តែភ័យរហូតដល់បិទទូរស័ព្ទខលលែងលើកតែម្តង។
ចំណែកឯប្រធានមន្ទីរសុខាភិបាលរាជធានីភ្នំពេញ លោក ងី មានហេង បានអះអាងប្រាប់សារព័ត៌មានថា «យ៉ាងណាក៏មិនឱ្យមន្ទីរពេទ្យមួយកន្លែងខាងលើនេះបើកដំណើរការបាននោះដែរ! ខណៈពេលលោកស្រី ឱ វណ្ណឌីន អ្នកនាំពាក្យក្រសួងសុខាភិបាល ក៏មិនព្រមលើកទូរស័ព្ទអ្នកសារព័ត៌មាន ហើយថែមទាំង Block Whatsapp អ្នកសារព័ត៌មានដើម្បីកុំឱ្យផ្តល់ព័ត៌មាន ព្រោះនាំតែរំខាន។
ករណីខាងលើនេះដែរធ្វើឱ្យមហាជនជាច្រើនលើកឡើងតៗគ្នា ដោយដាក់ការសង្ស័យចំៗចំពោះមន្ទីរពេទ្យដែលគ្មានច្បាប់នេះថា «ម្ចាស់មន្ទីរពេទ្យខាងលើនេះប្រហែលជាប្រើស្នៀតឆ្ពិនភ្នែកហើយ គឺគ្រាន់តែរៀបចំឈុតឆាកផ្លាស់ដូរស្លាកយីហោចាស់ ដាក់ស្លាកយីហោថ្មី ដើម្បីបំភ័ន្តភ្នែកសារព័ត៌មាននិងមហាជន ហើយបំណង នោះគឺធ្វើជាលេសឲ្យមហាជននិងថ្នាក់ដឹកនាំគិតឃើញថាមានច្បាប់អនុញ្ញាត តែធាតុពិត អត់មានច្បាប់ដូចជាស្លាកយីហោចាស់ដដែល។
ទោះជាយ៉ាងណាក្តីពាក់ព័ន្ធទៅនឹងករណីខាងលើនេះក្រុមការងារខាងសារព័ត៌មានយើង និងនៅតែបន្តព្យាយាមរងចាំការបកស្រាយបំភ្លឺពីម្ចាស់មន្ទីរពេទ្យ និងមន្ត្រីជំនាញគ្រប់ក្រសួងស្ថាប័នពាក់ព័ន្ធរៀងរាល់ម៉ោងធ្វើការ។ ក្រុមការងារអ្នកសារព័ត៌មានសង្ឃឹមថាម្ចាស់មន្ទីរពេទ្យហ៊ានធ្វើហ្នឹងហ៊ានទទួល ហ៊ានធ្វើហ៊ានបង្ហាញឯកសារពាក់ព័ន្ធ ដើម្បីជៀសវាងការភាន់ច្រឡំដោយការផ្សាយណាមួយ។
មហាជនជាច្រើនក៏សូមអំពាវនាវស្នើដល់រដ្ឋមន្ត្រីក្រសួងសុខាភិបាល ឯកឧត្តម ម៉ម ប៊ុនហេង សូមមេត្តាពិនិត្យមើលចំពោះមន្ទីរពេទ្យគ្មានច្បាប់ខាងលើដែលបានប្តូរឈ្មោះយីហោថ្មីផងទាន! ក្រោមហេតុផលជៀសវាងមានការក្លែងបន្លំឯកសារណាមួយជាសាធារណៈ ក្នុងការបំភ័ន្តភ្នែកថ្នាក់ដឹកនាំនិងបោកប្រាស់ទំនុកចិត្តមហាជន។ និងស្នើសុំសូមឱ្យមន្ត្រីជំនាញគ្រប់ស្ថាប័នពាក់ព័ន្ធ សូមជួយពិនិត្យមើលឡើងវិញចំពោះវិជ្ជាជីវៈគ្រូពេទ្យដែលបានកំពុងបម្រើការងារនៅក្នុងមន្ទីរពេទ្យគ្មានច្បាប់ ដែលបានដូរឈ្មោះយីហោខាងលើផង។ ព្រោះឃើញហើយថាមួយរយៈពេលនេះមានករណី ពេទ្យខ្វះវិជ្ជាជីវៈ បានកាត់ពោះវៀនថាជាទងសុក ហើយបានបណ្តាលឱ្យគ្រោះថ្នាក់យ៉ាងធ្ងន់ធ្ងរដ៏អ្នកជំងឺទៀតផង៕
![](https://blogger.googleusercontent.com/img/b/R29vZ2xl/AVvXsEgtBUXyw8Fsyn6QFiRDj8U84vR046yN1678LAw0kFzLxP-0z_y7oMC9VZsxjI0eDm2IoT3WwLQPwq-KWqcV4GtsZvpRlHIWt4z5BMp9ea7XJkjKpRm95XbcSIbd9kvO8Q8Z-i8K_QySX0ZhWUshDAoCN771KO_YDA6UOt3xwJlwnV-avQm5Wc_uJGWX/s1600/photo_2021-07-26_09-55-17.jpg)
![](https://blogger.googleusercontent.com/img/b/R29vZ2xl/AVvXsEjy2QHZ1Z6ifU_ix43L9E9vGsO1DXkGdyM6Q3lErw6iN8Nh61BskgsFpZzoxfO-7QypDP-L_pjNyIMQ1U8c_wbJ2u3lYYC7c-EJG391-6VUXJKFTrDRXXBc4LaZhs9aQpn1IfFRSeW83XkPn3f--3LvUKZjIbHItnFPwY6TSZukPTjEO5wSPkAdCsRo/s1600/IMG_20230104_164346.jpg)
![](https://blogger.googleusercontent.com/img/b/R29vZ2xl/AVvXsEhmhTqX_DZKKUoLMA8ob24sNlrBMKaG5X4C6qCUq9jKCpFLQLNljoHqLByuOEk_lWVgXtJR_1l8vju1-lnzNFSbmV2MA7ACPh7tqO-_-5J459Jp-xd5xypXVddMW-7VtpsCedncxEQNiZJmtl1yikVZ_EI8ZqaQjfgzOs_pkKs4Jrwp8lJa5yZ9He8V/s1600/Picsart_22-10-25_13-27-59-052.jpg)
![](https://blogger.googleusercontent.com/img/b/R29vZ2xl/AVvXsEi4EXThL1D0VCGscUDBGFLOVe7RB50KFaIwy-MC9TAI1G_F_6-18L0k0kEMIOensejwIwBaCTEaFx9Nqu5MiYFJ1qTXhxXO5hV2Sso7NJSaEP9Rf39UAWB0w2Ne1Heq-osIB1wavIWmkAdd1R6RntWROezipNfnOn_UkxTx53Qkx_mcDYc375GhYMB6/s1600/IMG_20230107_172152.jpg)
![](https://blogger.googleusercontent.com/img/b/R29vZ2xl/AVvXsEjH4RVP1O5SC75_l1WEwGzoVIxTMmg9snzhrRDP_sXkue0AnCMErtTlRajINtZs-xXl4Qti4u6YW-T5whb4jQcs2fsZzFjQTV3qqvK0riE7Lv2TJy1gmDi-r-wCSFQ-roIwaqEvFG8IB-lfAgJkq-CqxOpSnQtpnZHzIMN3mtn5xQtbGbOmVLd2HtPb/s1600/IMG_20230106_204332_901.jpg)
![](https://blogger.googleusercontent.com/img/b/R29vZ2xl/AVvXsEj8rKqMAdzoZpJcq44ZnlKjvMdVSGqSn8BPnf2eKX1UiwJakJp-sqkvb3-3p07U8ZzzQciDt4IUVzEomyDpuzXrXVsgVT37XOolyJGjAclEuyt3jcXkp8dCRjcphXaYJbytKuvLhSa7imwr2hi7ip6RpsMITTb8eXW8lJfmqPOg2qyxtlf29Cthn8dI/s1600/IMG_20230107_172115.jpg)
![](https://blogger.googleusercontent.com/img/b/R29vZ2xl/AVvXsEgdxXT5P4mfldA-mIPoFBH-Nme5L0U1nAdwYj3or9OMuSoGIydfZ15Wy6GxNZ11pw8_Qto07qGnoaK11PusQJbPjN5K2A_Qvxj0TtfyikvIkiUpIz1lpo-9-z2MHO1DRsGTz23EkUlGAyNTEG5mxsBzMl_WnWhLmZvMP3CnKOhOuDRBHJ9y_aLnPbNl/s1600/IMG_20230104_165225_556.jpg)
![](https://blogger.googleusercontent.com/img/b/R29vZ2xl/AVvXsEhyKoONPR-8CA1w_tnH7dPgyMmzhlXEHZZJLzcMmLDl_sBnoMCsT-LgW2QDTK4ISC1bJoE9JwIXnXe91NpeISPsd4kvXNfxoRTkuLG4AbpulcjdIG2cSYp6jLEomxeU5xePDV68c2ef4JrPYFEMXHooDN9RhtbyNAct7kgDqjjkMhEWiBRn0T2o2vJb/s1600/IMG_20230104_165218_543.jpg)
![](https://blogger.googleusercontent.com/img/b/R29vZ2xl/AVvXsEioEYOXlhVeCh7w5Q_LROOlftMwCP1CCVxniXH-JXuQUg1RK7AAKOx9EZe5m9X9EsafU6e_MdlBEQcNee1843VYDDE8gjylQfRyLmdJxLsKTJlDf4Ce_Lc6mTMM6zhjXHL_7M8bNfbXeRhZQh5l1jnT9U25V93ascUdVRwZDcZ9EjqKHsqkww1F5Pg0/s1600/IMG_20230104_165218_723.jpg)
![](https://blogger.googleusercontent.com/img/b/R29vZ2xl/AVvXsEgbvjDowKiEDhfjJ7TmeqlFtNIZwpVEqbTciYtzXtw-OlnsPnvy-DuU-ERQE06n2piPpf3iiPCyhPHvHUfmJEyyohGi_KYiyTOLFbmAkLeivqnzCby82Nr5GpELLLVRf_EIqOXkXSt_PR3Fxms0Y2SyZCOGfA0-lH4bUsjMTsWWVM5v6DvuT5hXfXma/s1600/IMG_20230104_165219_229.jpg)
![](https://blogger.googleusercontent.com/img/b/R29vZ2xl/AVvXsEhe4Pe87yauCt3FKvaXrDxrlYe2-nvO-pj4U5Ioa4vqaZ-KWT86tGLN5tRA51WpWcQ473wJa0RajjSRIfk-2Wo7F3ngm3yL3bsch9vMAB3cq5Bu1DovLaMudP79P8qUo9QBqk6Muhet3CAhlSZSrqgRP1s7k064iCe7cZFa2ylmmLDNgncNZvbzqTKN/s1600/IMG_20230104_165219_342.jpg)
No comments