ករណីហិង្សាបំផ្លាញទ្រព្យសម្បត្តិអ្នកដទៃ រហូតពេលនេះជនរងគ្រោះនៅមិនទាន់ទទួលបានសំណង ខណៈជនដៃដល់ត្រូវបានដោះលែង
![](https://blogger.googleusercontent.com/img/b/R29vZ2xl/AVvXsEiELE9kL48nw8ZxfXJ-86xR1RvjZ8k2FqQ2Q8LLvwLJaCXRvhqsRT8i9LpY1OrKVNQrDUibk7ye8KygXUbe-P5nWzd--GA2h2gqhHEpA-bmOoH5abnb-dLe0gfVv3Ej1A2Mf-_G6L8vbs1b1zpJ16ojBfJp2Quvd-upw84WqErW4-E2Dz77xQdavtN7/s1600/IMG_20230209_124245.jpg)
ករណីហិង្សាបំផ្លាញទ្រព្យសម្បត្តិអ្នកដទៃ រហូតពេលនេះជនរងគ្រោះនៅមិនទាន់ទទួលបានសំណង ខណៈជនដៃដល់ត្រូវបានដោះលែង
ចេញផ្សាយនៅថ្ងៃទី០៩ ខែកុម្ភៈ ឆ្នាំ២០២៣ វេលាម៉ោង១៣:១៥នាទីករណីហិង្សាវ៉ៃកំទេចកញ្ចក់រថយន្តបង្កដោយពីរនាក់ប្តីប្រពន្ធ កាលពីថ្ងៃទី២០ ខែវិច្ឆិកា ឆ្នាំ២០២២ កន្លងទៅ រហូតមកដល់ពេលនេះ ជនរងគ្រោះនៅមិនទាន់ទទួលបានយុត្តិធម៌នោះទេ ខណៈដែលជនដៃដល់ត្រូវបានលោកចៅក្រម នៃសាលាដំបូងរាជធានីភ្នំពេញ សម្រេចដោះលែងឱ្យមានសេរីភាពវិញ ទាំងដែលជនរងគ្រោះនៅមិនទាន់ទទួលបានសំណងសូម្បីតែមួយកាក់មួយសេន។
ករណីដោះលែងជនល្មើស ទាំងដែលជនរងគ្រោះពុំទាន់ទទួលបានសំណងសូម្បីតែមួយកាក់មួយសេន ខាងលើនេះ លោក ដួង អក្ខរា ជាជនរងគ្រោះផ្ទាល់បានលើកឡើងថា «ករណីនេះបានធ្វើឡើងបន្ទាប់ពីលោក សាន ប៊ុនធឿន ចៅក្រមស៊ើបសួរ នៃសាលាដំបូងរាជធានីភ្នំពេញ បានសម្រេចដោះលែងជនត្រូវចោទឈ្មោះ ហុង សុគន្ធា ហៅ Mey Mey ភេទស្រី អាយុ២៥ឆ្នាំ ឱ្យត្រឡប់ទៅផ្ទះវិញ ដោយមិនសួរជនរងគ្រោះសូម្បីតែមួយម៉ាត់។
បើយោងតាមការសន្និដ្ឋានបញ្ជូនរឿងឱ្យស៊ើបសួរ របស់ ព្រះរាជអាជ្ញារង លឹម ប៊ុនហេង ចុះថ្ងៃទី២៤ ខែវិច្ឆិកា ឆ្នាំ២០២២ បានធ្វើការសម្រេចចោទប្រកាន់ជនបង្កឈ្មោះ ហុង សុគន្ធា ហៅ (Mey Mey) ភេទស្រី អាយុ២៥ឆ្នាំ មុខរបរលក់ដូរតាមអនឡាញ ពីបទៈ ធ្វើឱ្យខូចខាតដោយចេតនា (យកដុំថ្មគប់កញ្ចក់រថយន្ត) ប្រព្រឹត្តនៅចំណុចមុខផ្ទះលេខ ១៨ជី ផ្លូវបេតុង សង្កាត់វាស្បូវ ខណ្ឌច្បារអំពៅ រាជធានីភ្នំពេញ កាលពីថ្ងៃទី២០ ខែវិច្ឆិកា ឆ្នាំ២០២២។ ព្រះរាជអាជ្ញារង លឹម ប៊ុនហេង ក៏បានបានសម្រេចឱ្យឃុំខ្លួនជនបង្កខាងជាបណ្ដោះអាសន្ន ផងដែរ។
បន្ទាប់ពីព្រះរាជអាជ្ញារង ធ្វើការសម្រេចចោទប្រកាន់ ស្រាប់តែដល់ចៅក្រមស៊ើបសួរលោក សាន ប៊ុនធឿនក៏សម្រេចឱ្យដោះលែងជនបង្កហេតុខាងលើ ឱ្យមានសេរីភាពឡើងវិញ ដោយស្ថិតឱ្យនៅក្រៅឃុំជាបណ្តោះអាសន្ន ដោយហេតុផលជនបង្កត្រូវមានកាតព្វកិច្ចចិញ្ចឹមបីបាច់ថែរក្សាកូនតូចៗ ដែលមាននៅក្នុងបន្ទុកគ្រួសារ និងហេតុផលផ្សេងៗជាច្រើនទៀត។
ចំពោះការដោះលែងជនដៃដល់ខាងលើនេះ លោកដួង អក្ខរា ដែលជាជនរងគ្រោះបានកើតទុក្ខមិនសុខចិត្ត ក្នុងការសម្រេចដោះលែងជនល្មើសឈ្មោះ ហុង សុគន្ធា ពីសំណាក់លោកចៅក្រមខាងលើ ព្រោះជារឿងអយុត្តិធម៌ខ្លាំងណាស់ចំពោះរូបគាត់ ខណៈដែលរូបគាត់ត្រូវបានជនបង្កទាំងពីរនាក់ប្តីប្រពន្ធបាននាំគ្នាធ្វើសកម្មភាពយកដុំថ្មគប់វាយកម្ទេចរថយន្តរបស់គាត់បណ្តាលឱ្យបែកកញ្ចក់ខូចខាតខ្ទេចអស់ទាំងស្រុង មិនតែប៉ុណ្ណោះជនបង្កទាំងពីរនាក់នេះបានធ្វើការស្រែកជេរប្រមាថធ្ងន់ៗមកលើរូបគាត់ និងគ្រួសារ។
សូមបញ្ជាក់ថា៖ កាលពីថ្ងៃទី២០ ខែវិច្ឆិកា ឆ្នាំ២០២២ មានជនដៃដល់ប្ដីប្រពន្ធពីនាក់ ឈ្មោះ ហុង សុគន្ធា (ហៅ Mey Mey) និងប្តីឈ្មោះ មុំ គីមស្រ៊ុន បានមកខ្ចីលុយពីជនរងគ្រោះឈ្មោះ ដួង អក្ខរា ចំនួនមួយមុឺនដុល្លារ ដោយដាក់សែកតម្កល់ ខណៈពេលដែលជនរងគ្រោះមិនព្រមឱ្យខ្ចី ស្រាប់តែជនបង្កពីរនាក់ប្តីប្រពន្ធមួយគូរនេះ នាំគ្នាខឹងសម្បាយ៉ាងខ្លាំងក៏យកដុំថ្មគប់វាយកម្ទេចរថយន្ត របស់ជនរងគ្រោះខ្ទេចកញ្ចក់អស់ចំនួន០២គ្រឿង។ បន្ទាប់ពីបានបង្កហេតុយកដុំថ្មមកវាយកម្ទេចឡានទាំងពីរគ្រឿងនេះខូចស្ទើរទាំងស្រុងរួចមក កម្លាំងសមត្ថកិច្ចនគរបាលនៃអធិកាដ្ឋានខណ្ឌច្បារអំពៅ ក៏បានចុះមកអន្តរាគមន៍ និងបានធ្វើការឃាត់ខ្លួនជនដៃដល់ជាប្រពន្ធបានភ្លាមៗផងដែរ ។ ចំណែកឯជនបង្កជាប្តីបានរត់លាក់ខ្លួនពួនអាត្មា បាត់ស្រមោលសូន្យឈឹងនៅក្នុងពេលនោះតែម្ដង ។
ករណីខាងលើនេះដែរ ជនរងគ្រោះលោក ដួង អក្ខរា សូមអំពាវនាវទទូចស្នើសុំដល់ឯកឧត្តមប្រធានសាលាដំបូងរាជធានីភ្នំពេញ ហើយនិង រដ្ឋមន្ត្រីក្រសួងយុត្តិធម៌ ឯកឧត្តម កើត រិទ្ធ សូមមេត្តាជួយអន្តរាគមន៍បើកការស៊ើបអង្កេតលើសុំណុំរឿងខាងលើនេះផង និងសូមឱ្យមានវិធានការតាមផ្លូវច្បាប់ណាមួយចំពោះជនដៃដល់ពីរនាក់ប្តីប្រពន្ធមួយគូរខាងលើនេះ៕
![](https://blogger.googleusercontent.com/img/b/R29vZ2xl/AVvXsEguOh1q_x7h9f_2PD0Y9hXrfAjR_8lCBvrC_-aKNwT-T0XNI9w4P3VVwNZym1pVuVzLAzIyed6rO9PrMRFMCIILItS11ckdOkqgbPWvLI4Sf9HQk1SPSDqVEnLg7uACBBmeqOOMLIFQ8hx3lUGn_Xg9Bb92m2wQLw6mOcE2AiLLz-IY3jM_F7LRdq01/s1600/IMG_20230209_131117_541.jpg)
![](https://blogger.googleusercontent.com/img/b/R29vZ2xl/AVvXsEgxxlzo9BzuV3aKYS3_WPCmfVIPphTGqqcOodZcUbIWlRtmipYN58qQQP4MXxvGhVAFyyCMWiUxugEBdy248Zv0V9VWxeicE7RiOrHAJCOmdaWQstxvRn-oG7joKIdNM2HQK2lbp30nL0DObO6qVVE4_ToJDmPFXS8nZj-oDRCE7eLKCsjfqGFNLKqy/s1600/IMG_20230209_121400_075.jpg)
![](https://blogger.googleusercontent.com/img/b/R29vZ2xl/AVvXsEgyUujRCg6UiHZdqTvRC-T1jOf4aH-H7c7cbbnQc8tvEByfZd7DgFn1anGMoWwg6L9JAdrtP-nwmhr43EFR1m_H8jQvV7uv2VE_CyZMCRinFdrNU7RLYFs2HOY34BDEszpf3_iaGISAWenyQT-YOHQsmA9jgfBiQOM54kmBPgbBdsqw3fY2zC8B04vz/s1600/IMG_20230209_121400_114.jpg)
![](https://blogger.googleusercontent.com/img/b/R29vZ2xl/AVvXsEisEMgKTVUr_YJ7kIwY2ROVUTglayOQ8lL0iAq4jAQr9akS0AwzHFMZEpnZ374yDl0Du5TLGfjynGL_SH_8Z_kN9K8rPNZziG0gkwwFGRs_icbr-vMl_Ijdk0XNVXLzap0_blTf3QWOHoc4lTVXXqc7y9bFT72a0DGCVpaAb-a-A31VbacUF9CyANlL/s1600/IMG_20230209_121400_131.jpg)
![](https://blogger.googleusercontent.com/img/b/R29vZ2xl/AVvXsEg2w3DefacN62b_kq-3OC9G7Ivp1xqH2IyCSGJyv18gUm9v3AKXihoSopEpg0x5BGcqWZeqBU-mMCSXzkPIncwNXsa1gaKOL3YnBBunzfuyvQNHlO9zkY-ikQ6TaiZkqSEck37pUoNQKU6a32hBpFQ9ErlZCyr7AyL0PVfyS9rQ2EFAQmDMNVdvyJzh/s1600/IMG_20230209_121404_142.jpg)
![](https://blogger.googleusercontent.com/img/b/R29vZ2xl/AVvXsEgBoKXxEbwyt6V9g-DbcbdcICKHF1PBvL8k9mTXyFNVxzQlyXazNQpLefq2mqQi4PrRDOa5DJSj5h9jBNP4EXHWjIiNuB7phYgj99Nsw_cC7mEG-jp03rAlfPR1t_bO18SwJjA_Z3pbBrNlZnxGmycSx0q8mFBiUJwCI2IGfta1RXyWryMeysb6BdGn/s1600/IMG_20230209_121404_371.jpg)
![](https://blogger.googleusercontent.com/img/b/R29vZ2xl/AVvXsEjPIt1XmHPKituFoZ0AVL6XKf7V9jB2CeuiqMJ0hMudLPAFDS-Ev3r3lwYISO5fsAXxkYKVw2aksMF2BTbmCj9_SurDpzrayO_21udWl0JbW4uuzIAqLzrjmjw-6M8V7FvFv1Tv-3sDSlITS6_yrpePiYUmkjDVcwIhfWtv8IrMrGQmmATRmgULqcW5/s1600/IMG_20230209_121404_447.jpg)
![](https://blogger.googleusercontent.com/img/b/R29vZ2xl/AVvXsEjwbaJwyjPVzUxu3A9qx6RTZqYeerE4fog8n6EW0lKxvNv3xwrAdX8QeN1GZXv4t8MFoYhx8MX2DMwixtBvK6F2r0lRheUYjIsnDtuzfohtzhe-maScTDqsE6C4Rk1dP4cRaEUAy68tocXPSxfoOTjGwXesYvM6Z5gUWzc04HTxlkaF9XEhNKNZazd9/s1600/IMG_20230209_121404_551.jpg)
![](https://blogger.googleusercontent.com/img/b/R29vZ2xl/AVvXsEjnSO834kezpoa9GoiRNf9CrgMvjXi0cnlb2w5XEnm8LeKTva2Umjm3fNiSYKZaqIBV2A3lpZG9nZ4YwSDqgUbfuN9b6kbaGVjbE7XlWjqQxOZD0vhMnNkSURAmPl0sPcwZipv-HxK0rSGmV_XtO9IjxzttZ1_AK4f1cVRvz05-JYRR7tBP5WZNKM-R/s1600/IMG_20230209_131109_184.jpg)
![](https://blogger.googleusercontent.com/img/b/R29vZ2xl/AVvXsEgZ4kYbvii_WTJysH-zauS5X-Kw15J2Qhfn9qwr83DyxnvnQTz6sYoA-9TVzflGtfPjIGfbSRrlJW3uJ1b1kMtqjE8G2wQ5PtPiektoPkz1U5USXvonDbTEGbBRA7nm3Eu2n2pVJRXFMbRpRBwaSSPDRGm7QChCaHEk3E1f1lUTP52Mv887a_Rwpxd7/s1600/IMG_20230209_131121_809.jpg)
No comments