ឯកឧត្តម បណ្ឌិត ហ៊ុន ម៉ាណែត៖ អ្វីដែលជាមូលដ្ឋានគ្រឹះមិនអាចខ្វះបាន សម្រាប់វិស័យសារព័ត៌មាន គឺសន្តិភាព សន្តិសុខ និងការបើកសិទ្ធិសេរីភាពគ្រប់បែបយ៉ាងជូនពលរដ្ឋ
![](https://blogger.googleusercontent.com/img/b/R29vZ2xl/AVvXsEitDKANiTwmJ3dTtJMFbx--0jrWRxRuARAGqVHJ1M2dGuSKwEdOFxBxy5TfLx4n5bhuxM8h4SkZNteq50uSylRvBv63EN7EEEvgB9esMTtap_rWSjI3IJMq5t7El30j3bg_BlSbR7mO4B41oloqvh91U1FsQguZ_DehDES8bFy_GMizRLv3MPvEcpMz-Xo/s1600/05E66551-FBFB-4EBC-B500-66735C60554A.jpeg)
ឯកឧត្តម បណ្ឌិត ហ៊ុន ម៉ាណែត៖ អ្វីដែលជាមូលដ្ឋានគ្រឹះមិនអាចខ្វះបាន សម្រាប់វិស័យសារព័ត៌មាន គឺសន្តិភាព សន្តិសុខ និងការបើកសិទ្ធិសេរីភាពគ្រប់បែបយ៉ាងជូនពលរដ្ឋ
ភ្នំពេញ៖ ឯកឧត្តម បណ្ឌិត ហ៊ុន ម៉ាណែត សមាជិកគណៈអចិន្ត្រៃយ៍នៃគណៈកម្មាធិការកណ្តាលគណបក្សប្រជាជនកម្ពុជា និងជាប្រធានយុវជនគណបក្សថ្នាក់កណ្តាល បានថ្លែងថា អ្វីដែលជាមូលដ្ឋានគ្រឹះមិនអាចខ្វះ បានសម្រាប់វិស័យសារព័ត៌មាន រួមទាំងការប្រើប្រាស់បច្ចេកវិទ្យា ដែលបង្កើនវិសាលភាពនៃការផ្សព្វផ្សាយព័ត៌មាន ទៅគ្រប់មជ្ឈដ្ឋាន និងទូលំទូលាយនោះ គឺដោយសារប្រទេសជាតិមានសន្តិភាព ស្ថិរភាព សន្តិសុខ និងការបើកសិទ្ធិសេរីភាពគ្រប់បែបយ៉ាង ជូនដល់ប្រជាពលរដ្ឋ។
កាថ្លែងបែបនេះត្រូវបានធ្វើឡើងក្នុងពិធីសំណេះសំណាល និងពិសារអាហារសាមគ្គីជាមួយក្រុមការងារបណ្តាញផ្សព្វផ្សាយសង្គមថ្ងៃទី២៤ ខែមិថុនា ឆ្នាំ២០២៣ នៅសាលមហោស្រពកោះពេជ្រ រាជធានីភ្នំពេញ។
នាឱកាសនោះ លោកប្រធាន ហ៊ុន ម៉ាណែត បានថ្លែងថា «អ្វីដែលជាមូលដ្ឋានគ្រឹះមិនអាចខ្វះបានសម្រាប់វិស័យសារព័ត៌មាន រួមទាំងការប្រើប្រាស់បច្ចេកវិទ្យាដែលបង្កើនវិសាលភាពនៃការផ្សព្វផ្សាយព័ត៌មានទៅគ្រប់មជ្ឈដ្ឋាន និងទូលំទូលាយនោះ គឺដោយសារប្រទេសជាតិមានសន្តិភាព ស្ថិរភាព សន្តិសុខ និងការបើកសិទ្ធិសេរីភាពគ្រប់បែបយ៉ាងជូនដល់ប្រជាពលរដ្ឋ»។
លោកបានចាត់ទុកវិស័យព័ត៌មានគឺជាចលករនៃបណ្តុំគំនិត ស្មារតី និងទស្សនៈក្នុងការវិភាគពិចារណាប្រកបដោយហេតុផល និងការសម្រេចចិត្តរបស់ប្រជាពលរដ្ឋក្នុងនាមជាម្ចាស់ប្រទេស ព្រមទាំងជាកញ្ចក់ឆ្លុះបញ្ចាំងតថភាពពិតជាក់ស្តែងរបស់សង្គម ដែលរាជរដ្ឋាភិបាលត្រូវការជាចាំបាច់ ដើម្បីមានមូលដ្ឋានក្នុងការកែលម្អចំណុចខ្វះខាតនានា សំដៅធ្វើយ៉ាងណាឆ្លើយតបទៅនឹងតម្រូវការរបស់ប្រជាពលរដ្ឋឱ្យបានកាន់តែលឿន និងមានប្រសិទ្ធភាព។
ជាក់ស្តែងនៅក្នុងការកសាង និងអភិវឌ្ឍប្រទេសកន្លងមក វិស័យព័ត៌មានបានចូលរួមចំណែកដោយផ្អែកលើមុខងារសំខាន់ៗ រួមមាន៖ទី១-ការចូលរួមពង្រឹងលទ្ធិប្រជាធិបតេយ្យផ្អែកលើមូលដ្ឋាននីតិរដ្ឋ ទី២-ជាអ្នកផ្តល់ព័ត៌មានពិត និងលឿនរហ័សពីលើដល់ក្រោម និងពីក្រោមឡើងលើ ទី៣-ជាអ្នកផ្តល់ព័ត៌មានបែបអប់រំ និងចំណេះដឹងសម្រាប់ប្រជាពលរដ្ឋ និងជាធាតុចូលសម្រាប់គោលនយោបាយរបស់រាជរដ្ឋាភិបាល ទី៤-ជាអ្នកឃ្លាំមើល និងត្រួតពិនិត្យតុល្យភាពសង្គមដ៏ស្មោះត្រង់ និងទី៥-ជាអ្នកចូលរួមកែលម្អសង្គមតាមរយៈការផ្តល់ព័ត៌មានពិតគ្រប់ជ្រុងជ្រោយ និងប្រកបដោយតម្លាភាព ដែលបៀបដូចជាថ្នាំពេទ្យដ៏ពិសិដ្ឋសម្រាប់បម្រើឱ្យការអភិវឌ្ឍសង្គមខណៈដែលព័ត៌មានក្លែងក្លាយ គឺប្រៀបដូចជាថ្នាំពុលសម្រាប់សង្គមជាតិទៅវិញ។
លោកបានបន្តថា រាជរដ្ឋាភិបាលក្រោមការដឹកនាំរបស់គណបក្សប្រជាជនកម្ពុជា ដែលមានសម្តេចតេជោជាប្រមុខនៅតែបន្តការបេ្តជ្ញាចិត្តក្នុងការគំាពារសិទ្ធិសេរីភាពនៃការបញ្ចេញមតិ សេរីភាពខាងសារព័ត៌មាន ស្របតាមរដ្ឋធម្មនុញ្ញ និងច្បាប់ស្តីពីរបបសារព័ត៌មានកម្ពុជា។
ទន្ទឹមនឹងនេះ សម្តេចតេជោក៏តែងបានយកចិត្តទុកដាក់ក្នុងការរក្សានូវបរិយាកាសល្អនៃការប្រកបវិជា្ជជីវៈសារព័ត៌មាន និងសោតទស្សន៍នៅកម្ពុជា តាមរយៈការធានាបាននូវការគោរពសិទ្ធិសេរីភាពខាងសារព័ត៌មាន និងសេរីភាពខាងបោះពុម្ពផ្សាយដោយស្មើភាព គ្មានការរើសអើង គ្មានការគំរាមកំហែង និងមិនប្រកាន់និន្នាការនយោបាយឡើយ។
រាជរដ្ឋាភិបាល ក៏ដូចជាគណបក្សប្រជាជនកម្ពុជា គឺខិតខំប្រឹងប្រែងធ្វើអ្វីគ្រប់យ៉ាងដើម្បីផលវិជ្ជមានសម្រាប់ជាតិ និងប្រជាជន ដោយផ្តោតលើកិច្ចការសំខាន់ចំនួន២៖ ទី១-ការជួយគ្នាក្នុងផលវិជ្ជមាន និងទី២-ការកាត់បន្ថយ និងសំដៅឈានទៅលុបបំបាត់ចំណុចអវិជ្ជមាន។
លោក ហ៊ុន ម៉ាណែត បានបន្តទៀតថា ការចូលរួមចំណែកបង្កើនភាពវិជ្ជមានក្នុងសង្គមជាតិ ព្រមទាំងការកាត់បន្ថយ និងសំដៅឈានទៅលុបបំបាត់ភាពអវិជ្ជមាន គឺប្រៀបបាននឹងកម្លាំងចលករក្នុងការរុញច្រាននាវាកម្ពុជាឆ្ពោះទៅកាន់ត្រើយអភិវឌ្ឍ វឌ្ឍនភាពសង្គមនិងការសម្រេចនូវក្តីស្រមៃសម្រាប់យុវជនទាំងក្នុងដំណាក់កាលបច្ចុប្បន្ន និងតទៅអនាគត។
លោកបានបន្ថែមថា វិស័យព័ត៌មាន គឺជាកាតាលីករយ៉ាងសំខាន់បំផុតក្នុងការបង្កើតខ្លឹមសារ និងជាអ្នកចែកចាយព័ត៌មានអំពីសង្គមជាតិ ការបង្ហាញអំពីតថភាពសង្គម ការអភិវឌ្ឍ ជាពិសេសជាកញ្ចក់ឆ្លុះយ៉ាងសំខាន់ ដើម្បីជាមូលដ្ឋានក្នុងការកែប្រែភាពអសកម្មភាពអវិជ្ជមាន ឬបញ្ហាខ្វះខាតផ្សេងៗ ដើម្បីនឹងកែលម្អឱ្យល្អប្រសើរ៕
![](https://blogger.googleusercontent.com/img/b/R29vZ2xl/AVvXsEi1i9kXz3IWo4imRGlBLxg6iO8WQlbM-D4WqqGNNG6WwAWuruljYKKWVlWUq5ndMtCCe_s2gcCvDIk0hjmbZu1onGTmNxBkbPC0jRkfmAPnj8vfDNEvuUZZCPPMi7rViRGcREq6SZPPrtF7Ky_NPH8bJiRlDc1bVyWerMcW7oahDbYf9j1HD90UiyIy818/s1600/IMG_0379.jpeg)
![](https://blogger.googleusercontent.com/img/b/R29vZ2xl/AVvXsEgNVIo0E9YDNYPULb6pxjQazEEE-M9LUGJNI8FGHRnyTgr-b4wAPw9wGKqv4vULcYLPRBzDPrWb6AQf5m1Tmj0CfnfWVAWzfG5hlt9PTjOLY3pU9Rq8X82lY6zPLazzX-Z2wkE94sY4MolQ3FJj94_SnbTYkzRJa557FJf_vEiPVoFAmqOTlWIK1tp9COg/s1600/IMG_0381.jpeg)
![](https://blogger.googleusercontent.com/img/b/R29vZ2xl/AVvXsEiO9LXtqnM8WOW4WXjB90Urt2extRDBcDDvw5aM8FAQ2a1m-xcczyd5E_sdhsCvkalKqEJ9ZR2GrvzoOL4E-rTLLQmSxSF4dAO9k24ON1AKi6S88v1fE-mGdTQTvv9dodYImKT-pHsAttvsFHwpm7P8vFIQaZrvnVnEoCsyGjtya0ACmXyZicLtr1lsXj4/s1600/IMG_0382.jpeg)
![](https://blogger.googleusercontent.com/img/b/R29vZ2xl/AVvXsEiY3YTkhEWFfEQAIgR-UeOH0_kSAGqz7_UROCTVaidb5kDPRF42eY9kTUZhUl92a7ygOWeANM_4M2T7h_0_AUVh7kqiLAlWs0zQt6EdRZVAB8Gu5guiFG9zdpl8A8WNK2gyMEzeiGPRIkDHvRxwlIbC6FM0sdxloz-IYXP64Ll8l04h7Rk2Hal6FmW0qRo/s1600/IMG_0383.jpeg)
![](https://blogger.googleusercontent.com/img/b/R29vZ2xl/AVvXsEgaF44jySe4Mte2pCjDU35jIjOacH5JSGfcRl3jKV9S5dt5isDMZ1dzyUqZPfex4WphDspOMHZnJ7VHioj8e7Bo0ZfLhxfvnVtOfAqk1-CkoRIvY2txdqFULv1RzwFFicFkPFG3ANMOZiLyzQZBGb7G6qiG7sPiwJV8zqkxPYL7ZoXYhgadnEO34nBohHw/s1600/IMG_0384.jpeg)
![](https://blogger.googleusercontent.com/img/b/R29vZ2xl/AVvXsEjoTUSgUHAkd8L9X-1-wrtOgI8aDYXdwKzoBXucTVlnQ72PrD6PFUc_BUcdr7WACT9IQpqVBX89AOQmb-jysp7PvBQOHoR4HhT_iMQ3QDYGmOpGfaPqIypV9dIufTs7Hc1D30gI5R2eHX4FttQnl1vjEagwIssGBiuEU2FQY8azxr4RGH_ooInswYCK1zU/s1600/IMG_0385.jpeg)
![](https://blogger.googleusercontent.com/img/b/R29vZ2xl/AVvXsEhH4QRxcjvA7RbkCB-cU2zfXxl6ImHKxD7jD7FANG1nt05KOhMmCcGlTKt3PxdT7GIaMIHDqI2yVXEFcvSn0NKfcJSSvvkkISK_eAOZ-ZxTTVGooJKDjDEb3QLoE7tSkO7GvJK6UUo6KSe4-Fs3H1nD7DFPxA1meaVyt7quxFMTyTgT3-Pj4OVOj-86aMU/s1600/IMG_0386.jpeg)
![](https://blogger.googleusercontent.com/img/b/R29vZ2xl/AVvXsEj99KGwGckTm3AT51AM422IZMC437nGBje67HyFZsNV4r7g_jJwPm8BojWEy7lyJeZNB5QNQPEIju3XD0kllqvMks3Aaypkj42SLiRSxpFiZ0qGViG-dXh6qPIPGk1da1IRxcLxLxgG_aFkATcFOZkwDDLD_0xTI4NXZJdSLfZstuOZvkyvU9d6stJj990/s1600/IMG_0387.jpeg)
![](https://blogger.googleusercontent.com/img/b/R29vZ2xl/AVvXsEhGVKdKimWRLWE6_pfv_F0jxMf8VyZgBNSOaSNrvbLrqrl3Xhj3GqTIlQ2dcD6a1OuMoItXp3jWwam6qjQ8JWh05PFEmFhuEtyzX45255kBM4Fj_5HfB2FXMEFMVHxfCnAtvGmtSZMFwgszLpvS430lQGWdXe_Gqfz-SM2gahxA4E8JNiU26Wqti8ghnRM/s1600/IMG_0388.jpeg)
![](https://blogger.googleusercontent.com/img/b/R29vZ2xl/AVvXsEik5ElIUWRAnYCBIBiXpx9BdRSyWRahD4_nzEBpaYYE5bybNy3UP-o-N6uJ8jFDTLS_INkSXmIBtLrr4rH9bYqhLNDH3j7ggRVwbCzAcbX8elRX1fpliwTFma1VycB12tGUM1pw7tmHVuU9BC5bfuDzkVe2CRdm3uioDtLySuujYrRsvkruxWZH0PWlPP0/s1600/IMG_0389.jpeg)
![](https://blogger.googleusercontent.com/img/b/R29vZ2xl/AVvXsEi6Gcs0x0Lyqgm5hHpI5HjswFzO9swwOmObJ1ukztO4LBxJNLLWgxrlL6dWBNUGnnB-SnWo-EJKA7NIRNd9aWznweB6iM1QwFwTgpEKr5sYU8YEh53FnW5DdTO77E1R5ShfG53sfO_XkSGukZ0q2DprmXyyy9bbdO3RGZ_V37YEOxHIMoDdIBKTEeoKcfw/s1600/IMG_0390.jpeg)
![](https://blogger.googleusercontent.com/img/b/R29vZ2xl/AVvXsEipJ4e47IrA98uFQqw9CphPGL5PxfdQzALfNKF6h0op4Rph640ndk_f0fHt7H5Cn9uQdsnz59ybmX0dUGRwbNc-GHGVrkwYSu8zEfLXR6YFni9MX2vJhSDqzjNExWnsTja5DD579br4E189SR1ZBU6tvRXZ9I8kCSCFABELGviCimO469PsyIo7dFM2kfg/s1600/IMG_0391.jpeg)
![](https://blogger.googleusercontent.com/img/b/R29vZ2xl/AVvXsEhvR5DIWgvJ0fGiv5b8ecLDf2cQfmEJqnIL1S2JiPWdu36nO1ljIAxmipxTwvUHjUZYAk2F2FxkkRCvXbcP7UQPv_DuLuRY_Pe2m6-1WFApP7ON9C94Uos2YK0eJ4PWrahgyaVf7o_omFgpmc76DkqcT2B1bS-Txx2AvbQA6sHjGZancM7cdIJ2lC8TL0w/s1600/IMG_0392.jpeg)
![](https://blogger.googleusercontent.com/img/b/R29vZ2xl/AVvXsEindybHQM_pfpmW4M3N7oeY2Ad-SZwVK0rLI7BGeNxGKzFwc81NYe1yamFonNnmr_avZOkXc1JrwsNnTLvLUlritPoNzbHB2U9hzmJgWdstK1U3XhRzoGZC8LyDik3LU4YbMCR32c94hWA5I_EsAOGvr7Or44-e_T413asr8Z2qDLATyWmD6kZYgzAu_O8/s1600/IMG_0393.jpeg)
No comments