ចុមយក្ស៖ ក្រសួងសេដ្ឋកិច្ច ផាកពិន័យរណ្ដៅដីល្មើសច្បាប់ធំមួយកន្លែងនៅ ស្រុកខ្សាច់កណ្ដាល របស់លោក អ៊ុក រដ្ឋា ចំនួន៣លានដុល្លារ
![](https://blogger.googleusercontent.com/img/b/R29vZ2xl/AVvXsEia8ZKO7n3f8pTDxH0xBS9c8AVKfkY-OqzBtv53ipLl4CjGjKOW26srD45dKEW20xHWBDpFiZOo0P-Z41GYQhH8xBBPXuW34kWOt6uA0PFrOf-82nD6clwLA4P_uTmC67c7jj9MnGO-bQT_ON1-OvoNA-I9c6vWbeW_rpWe0Lz-3P_icm0sBBnMM37EeT8/s1600/C2935258-5A1D-47A9-9605-CDB04576FA25.jpeg)
ក្រសួងសេដ្ឋកិច្ច ផាកពិន័យរណ្ដៅដីល្មើសច្បាប់ធំមួយកន្លែងនៅ ស្រុកខ្សាច់កណ្ដាល របស់លោក អ៊ុក រដ្ឋា ចំនួន៣លានដុល្លារ
ក្រសួងសេដ្ឋកិច្ច និងហិរញ្ញវត្ថុ បានចេញលិខិតផាកពិន័យរណ្តៅដីល្មើសច្បាប់ធំមួយក្នុងស្រុកខ្សាច់កណ្តាល ដែលគេស្គាល់ម្ចាស់អាជីវកម្មឈ្មោះ អ៊ុក រដ្ឋា ជាទឹកប្រាក់ចំនួន៣លានដុល្លារ។
ការពិន័យនេះ ក្រោយពីរណ្ដៅដីរបស់ឈ្មោះ អ៊ុក រដ្ឋា មិនបានបំពេញកាតព្វកិច្ចបង់ពន្ធចំណូលជូនរដ្ឋ ក្នុងការធ្វើអាជីវកម្មជីកយកអាចម៍ដី ដោយអាជ្ញាបណ្ណធនធានរ៉ែ ផុតសុពលភាព ស្ថិតក្នុងភូមិពុកឫស្សីកណ្ដាល ឃុំពុកឫស្សី ស្រុកខ្សាច់កណ្ដាល ខេត្តកណ្ដាល។
ក្រសួងសេដ្ឋកិច្ច ទុកពេលឲ្យ៣០ថ្ងៃ ហើយបើមានការយឺតយ៉ាវត្រូវរងការពិន័យ២ភាគរយ នៃទឹកប្រាក់ដែលជំពាក់ជារៀងរាល់ខែប្រសិនបើក្រុមហ៊ុនមិនអនុវត្តតាម នឹងត្រូវបង្កកគណនីក្រុមហ៊ុននៅគ្រប់ធនាគារទាំងអស់ ហាមឃាត់ការនាំចេញនាំចូល បង្កការផ្ទេរកម្មសិទ្ធិ ការធ្វើអំណោយ ផ្ទេរមរតក ហាមឃាត់ការចូលរួមដេញថ្លៃ ផ្អាកការផ្តល់ការអនុញ្ញាតវិនិយោគ ផ្អាកការសាងសង់ ហើយវិធីចុងក្រោយ គឺប្តឹងទៅតុលាការ។
សូមរំលឹកថា កាលពីថ្ងៃទី២៦ ខែឧសភា ឆ្នាំ២០២៣កន្លងទៅ ក្រុមការងារចម្រុះគណៈកម្មាធិការបង្រ្កាបបទល្មើសការធ្វើអាជីវកម្មធនធានរ៉ែ ខេត្តកណ្តាល បានចុះត្រួតពិនិត្យការដ្ឋានរណ្តៅដីរបស់ក្រុមហ៊ុនខាងលើ និងបានរកឃើញថា ការដ្ឋាននេះ បានធ្វើអាជីវកម្មលើអាជ្ញាបណ្ណដែលហួសសុពលភាព តាំងឆ្នាំ២០១៨មកម្ល៉េះ ហើយកាលណោះមេការក្រុមហ៊ុនបានប្រើបក្ខពួកបើករថយន្តមកពាំងផ្លូវក្រុមការងារថែមទៀតផង។
ក្រោយពីធ្វើការពិនិត្យវាស់វែងរបស់ក្រុមការងារអន្តរក្រសួង ឃើញថា ក្រុមហ៊ុនបានជីកអាចម៍ដីលក់ ដោយមិនបានបង់សួយសារចូលរដ្ឋជាង១លានម៉ែត្រត្រីគុណ ទើបក្រុមការងារ ធ្វើការគណនីនិងពិន័យទៅតាមច្បាប់៕
![](https://blogger.googleusercontent.com/img/b/R29vZ2xl/AVvXsEi0gQORfSglAhCVbjhohhvovFDK2oo0339uSq83q_UzqTzatn-89h21H1lyAeQSADuG7ZfTGQAmcTEPmLNh25h23-hxGlwHxZfIpxyrdGqPRr3fprzhaz3AG0KYyhRUM-zs-SjPixGqEt-WKmT_GZs2pX81HTc9DeqY-7e_MKwU8DilZGDTS6PPiZgLmYM/s1600/IMG_1606.jpeg)
![](https://blogger.googleusercontent.com/img/b/R29vZ2xl/AVvXsEijFokfHrdcPnh6vvfXHqUyxn8zM8YhQkEopVFviQ9FTisYw_mgji2nDt0Nr-dtMpAc5i7UHzuds8ZLQjzmPnbgfGLxh6Xh8VwiFbEvzzBY6ikOCt_D97St1vwjKfzTO8ZlhA-lMOn-dY2LVlu-6B40RBgQlMWqqKZ6JCBQzJwhrFROjXp3hHDpn9Obe8s/s1600/IMG_1607.jpeg)
![](https://blogger.googleusercontent.com/img/b/R29vZ2xl/AVvXsEjbZfzNYMe-D7yIJWyvfuujsRwrudYKFL2PKXe08GffKaE3hyzcLicX6xn3pwdx5YtbxQTPFijnowH0cPDbGPiuM0vsRp2q-HZUivzWu1kL3_MQchefDU5i3yZOEpeWJ8On1924ugJlUYtaisGiHMhdav0RQ-zTV7lVxGg_hbSJeD_MS3N6_1N7J9C8Fu4/s1600/IMG_1608.jpeg)
![](https://blogger.googleusercontent.com/img/b/R29vZ2xl/AVvXsEjJuC6LAX-JMs9Zfoqo1CNfOrd-JOLuqs-g7aEidj16l_FsNmD3ctno64NomUEViMcIIthYSVavvNpSJXlug8PXMZ_AGLNakT3kqsYPDBf9XlRr0DvlxSrd4jGIJl3tuFtSEIebYu7w9BKYrX0y6FA-NHONCW52IXzmfi_kc2Jr6y4rUpS9sZsu4IPU95c/s1600/IMG_1609.jpeg)
![](https://blogger.googleusercontent.com/img/b/R29vZ2xl/AVvXsEjX5pyhSYoR7SEWvxntIsjeYcWGUtYXZ_tjmq6f-FCCvhshoOOHNlTBtgFfr5TvujA9J6fjgmULbArY1vslQbaHu2OdOaUP63mMH7PjqTeluzhB5Vi84IIuMaJOMkj71eQRyTntz7qZjwuIWfi_kIGBQVdpu439Aj4_z8YxXHSyHtOEfCpwYxBv_vD_PZE/s1600/IMG_1610.jpeg)
No comments