គ្រោះថ្នាក់ចរាចរណ៍ ដ៏ញ៉ាក់សាច់មួយ រវាងម៉ូតូនិងអ្នកស្មើជើង បណ្តាលឲ្យរបួសធ្ងន់ស្រាលចំនួន ៣នាក់ ស្ថិតនៅស្រុកកងមាស ខេត្តកំពង់ចាម

គ្រោះថ្នាក់ចរាចរណ៍ ដ៏ញ៉ាក់សាច់មួយ រវាងម៉ូតូនិងអ្នកស្មើជើង បណ្តាលឲ្យរបួសធ្ងន់ស្រាលចំនួន ៣នាក់ ស្ថិតនៅស្រុកកងមាស ខេត្តកំពង់ចាម

នារសៀលថ្ងៃទី១៩ ខែវិច្ឆិកា ឆ្នាំ២០២៣ ត្រង់ចំណុចភូមិទី០៨ ឃុំកងតាណឹង ស្រុកកងមាស ខេត្តកំពង់ចាម មានករណីគ្រោះថ្នាក់ចរាចរណ៍ដ៏ញ៉ាក់សាច់មួយបានកើតឡើង រវាងអ្នកបើកបរម៉ូតូនិងអ្នកស្មើជើង បណ្តាលឲ្យបុរស ២នាក់រងរបួសយ៉ាងធ្ងន់ធ្ងរ និងម្នាក់ទៀតរងរបួសស្រាល។

តាមប្រភពព័ត៌មានពីកន្លែងកើតហេតុបានឲ្យដឹងថា៖ បុរស២នាក់ អាយុ ប្រហែល ២០ជាងឆ្នាំ បានជិះម៉ូតូម៉ាកហុងដាឌ្រីម ស្លាកលេខកំពង់ចាម 1U-1985 បើកបរក្នុងទិសដៅពីកើតទៅលិច ដល់ត្រង់ចំណុចកើតហេតុ ស្រាប់តែបុកបុរសវ័យចំណាស់ម្នាក់ដែលកំពុងតែដើរឆ្លងកាត់ផ្លូវ បណ្តាលឲ្យប៉ើងទាំងមនុស្ស ប៉ើងទាំងម៉ូតូជាច្រើនម៉ែត្រ និងរបួសយ៉ាងធ្ងន់ធ្ងរ។

ក្រោយពីហេតុការណ៍បានកើតឡើងភ្លាមៗ សមត្ថកិច្ចពាក់ព័ន្ធមូលដ្ឋាន ចុះទៅដល់កន្លែងកើតហេតុ និងបានធ្វើការសង្គ្រោះបឋម វាស់វែង និងបានបញ្ជូនជនរងគ្រោះទៅសង្គ្រោះបន្ទាន់នៅឯមន្ទីរពេទ្យ៕ ព័ត៌មាន បឋម