សមត្ថកិច្ចល្បាតក្នុងមូលដ្ឋានប្រទះឃើញរថយន្ត១គ្រឿង ចត កៀនព្រៃមានភ្លើងពិលទូរស័ព្ទទៀត លុះចុះមើលស្រាប់តែឃើញជនសង្ស័យ២នាក់រត់ចេញពីរថយន្តនោះតែម្តង
ភ្នំពេញ ៖ បើតាមសេចក្តីរាយការណ៍បានឱ្យដឹងថា រថយន្តមួយគ្រឿងបាត់ភ្លាមៗម្ចាស់មិនទាន់បានទៅប្តឹងសមត្ថកិច្ចឲ្យជួយអន្តរាគមន៍ផង ស្រាប់តែសមត្ថកិច្ចល្បាតក្នុងមូលដ្ឋានប្រទះឃើញរថយន្ត១គ្រឿងកៀនព្រៃមានភ្លើងពិលទូរស័ព្ទទៀត លុះចុះមើលស្រាប់តែឃើញជនសង្ស័យ២នាក់រត់ចេញពីរថយន្តនោះតែម្តង ក្រោយមកម្ចាស់មកមើលឃើញជារថយន្តរបស់ខ្លួនពិតប្រាកដមែន បង្កឱ្យមានការភ្ញាក់ផ្អើលកាលពីម៉ោង៩និង៣០នាទីយប់ ថ្ងៃទី១១ ខែឧសភា ឆ្នាំ២០២០ នៅខាងក្រោយផ្សារឯករាជ្យ១ ស្ថិតនៅតាមបណ្តោយផ្លូវលំ ភូមិត្រពាំងថ្លឹង១ សង្កាត់ចោមចៅទី១ ខណ្ឌពោធិ៍សែនជ័យ ។
ជនរងគ្រោះជាម្ចាស់រថយន្តមានឈ្មោះ កាន គឹមទី ភេទប្រុស អាយុ៤៩ឆ្នាំ មុខរបរលក់គុយទាវ រស់នៅក្នុងបុរីឡុងនី ភូមិត្រពាំងថ្លឹង សង្កាត់ចោមចៅទី១ ខណ្ឌពោធិ៍សែនជ័យ ។ ចំណែករថយន្តដែលជនសង្ស័យលួចយកទៅបាត់ម៉ាកហាយឡេនឌ័រ ពណ៌ទឹកប្រាក់ ពាក់ស្លាកលេខភ្នំពេញ 2R-7217 ។
តាមប្រភពពីជនរងគ្រោះ បានអោយដឹងថា រថយន្តរបស់គាត់បានទុកនៅមុខផ្ទះក្នុងបុរីឡុងនី ក៏ត្រូវជនសង្ស័យលួចបាត់ ហើយគាត់មិនទាន់នឹងបានដាក់ពាក្យបណ្ដឹងនៅឡើយទេ ។
បើតាមសមត្ថកិច្ចនគរបាលប៉ុស្តិ៍ចោមចៅទី១ បានឱ្យដឹងថា នៅមុនកើតហេតុ កម្លាំងនគរបាលប៉ុស្តិ៍បានចេញល្បាតនៅក្នុងមូលដ្ឋានចំណុចទីតាំងកន្លែងកើតហេតុ ក៏ប្រទះឃើញរថយន្តមួយគ្រឿងម៉ាក ហាយឡេនឌ័រ ពណ៌ទឹកប្រាក់មួយគ្រឿងចតទុកចោលកៀនព្រៃជិតរបងរោងចក្រមួយកន្លែង នៅខាងក្រោយផ្សារឯករាជ្យ១ ។ ដោយមានការសង្ស័យ ព្រោះឃើញនៅក្នុងរថយន្តនោះមានភ្លើងពិលទូរស័ព្ទ ក៏ចុះទៅមើល ស្រាប់តែឃើញជនសង្ស័យចំនួន២បានរត់ចេញពីរថយន្តគួរឲ្យសង្ស័យតែម្តង។
ប្រភពដដែលបន្តទៀតថា ក្រោយពីកម្លាំងសមត្ថកិច្ចបានដើរទៅក្បែររថយន្ត ក៏ឃើញសំភារៈមួយចំនួន ដូចជា អត្តសញ្ញាណប័ណ្ណ និងកាតធនាគារនៅក្រោមរថយន្ត ចំណែកឯនៅក្នុងរថយន្ត ត្រូវជនសង្ស័យរុះរើកកាយរាយពេញរថយន្ត ថែមទាំងរថយន្ដត្រូវជនសង្ស័យលួចប្តូរស្លាកលេខទៀត។ ដោយឃើញស្លាករថយន្ដនៅជាប់រថយន្ដ ពាក់ស្លាកលេខ ភ្នំពេញ 2BD-9025 ចំណែកឯឆៀកជាប់រថយន្ដបែរជាពាក់ស្លាកលេខ ភ្នំពេញ 2R-7217 ។
ភ្លាមៗនោះដែរ ដោយមានក្រុមអ្នកសារព័ត៌មានជាច្រើននាក់ កំពុងតែឡាយវីដេអូ ស្រាប់តែជនរងគ្រោះដែលបាត់រថយន្តនោះឃើញ ក៏បានមកមើលរថយន្តខាងលើ ពិតជារថយន្តរបស់គាត់ ដែលទើបនឹងបាត់ពិតប្រាកដមែន ។
ក្រោយពេលកើតហេតុ សមត្ថកិច្ចនគរបាលប៉ុស្តិ៍ចោមចៅទី១ បានយករថយន្តខាងលើយកទៅរក្សាទុកនៅប៉ុស្តិ៍នគរបាលចោមចៅទី១សិន ដើម្បីរង់ចាំម្ចាស់រថយន្តទៅយកឯកសារសំគាល់រថយន្ត ទើបសមត្ថកិច្ចប្រគល់ឱ្យជនរងគ្រោះវិញ ៕
ជនរងគ្រោះជាម្ចាស់រថយន្តមានឈ្មោះ កាន គឹមទី ភេទប្រុស អាយុ៤៩ឆ្នាំ មុខរបរលក់គុយទាវ រស់នៅក្នុងបុរីឡុងនី ភូមិត្រពាំងថ្លឹង សង្កាត់ចោមចៅទី១ ខណ្ឌពោធិ៍សែនជ័យ ។ ចំណែករថយន្តដែលជនសង្ស័យលួចយកទៅបាត់ម៉ាកហាយឡេនឌ័រ ពណ៌ទឹកប្រាក់ ពាក់ស្លាកលេខភ្នំពេញ 2R-7217 ។
តាមប្រភពពីជនរងគ្រោះ បានអោយដឹងថា រថយន្តរបស់គាត់បានទុកនៅមុខផ្ទះក្នុងបុរីឡុងនី ក៏ត្រូវជនសង្ស័យលួចបាត់ ហើយគាត់មិនទាន់នឹងបានដាក់ពាក្យបណ្ដឹងនៅឡើយទេ ។
បើតាមសមត្ថកិច្ចនគរបាលប៉ុស្តិ៍ចោមចៅទី១ បានឱ្យដឹងថា នៅមុនកើតហេតុ កម្លាំងនគរបាលប៉ុស្តិ៍បានចេញល្បាតនៅក្នុងមូលដ្ឋានចំណុចទីតាំងកន្លែងកើតហេតុ ក៏ប្រទះឃើញរថយន្តមួយគ្រឿងម៉ាក ហាយឡេនឌ័រ ពណ៌ទឹកប្រាក់មួយគ្រឿងចតទុកចោលកៀនព្រៃជិតរបងរោងចក្រមួយកន្លែង នៅខាងក្រោយផ្សារឯករាជ្យ១ ។ ដោយមានការសង្ស័យ ព្រោះឃើញនៅក្នុងរថយន្តនោះមានភ្លើងពិលទូរស័ព្ទ ក៏ចុះទៅមើល ស្រាប់តែឃើញជនសង្ស័យចំនួន២បានរត់ចេញពីរថយន្តគួរឲ្យសង្ស័យតែម្តង។
ប្រភពដដែលបន្តទៀតថា ក្រោយពីកម្លាំងសមត្ថកិច្ចបានដើរទៅក្បែររថយន្ត ក៏ឃើញសំភារៈមួយចំនួន ដូចជា អត្តសញ្ញាណប័ណ្ណ និងកាតធនាគារនៅក្រោមរថយន្ត ចំណែកឯនៅក្នុងរថយន្ត ត្រូវជនសង្ស័យរុះរើកកាយរាយពេញរថយន្ត ថែមទាំងរថយន្ដត្រូវជនសង្ស័យលួចប្តូរស្លាកលេខទៀត។ ដោយឃើញស្លាករថយន្ដនៅជាប់រថយន្ដ ពាក់ស្លាកលេខ ភ្នំពេញ 2BD-9025 ចំណែកឯឆៀកជាប់រថយន្ដបែរជាពាក់ស្លាកលេខ ភ្នំពេញ 2R-7217 ។
ភ្លាមៗនោះដែរ ដោយមានក្រុមអ្នកសារព័ត៌មានជាច្រើននាក់ កំពុងតែឡាយវីដេអូ ស្រាប់តែជនរងគ្រោះដែលបាត់រថយន្តនោះឃើញ ក៏បានមកមើលរថយន្តខាងលើ ពិតជារថយន្តរបស់គាត់ ដែលទើបនឹងបាត់ពិតប្រាកដមែន ។
ក្រោយពេលកើតហេតុ សមត្ថកិច្ចនគរបាលប៉ុស្តិ៍ចោមចៅទី១ បានយករថយន្តខាងលើយកទៅរក្សាទុកនៅប៉ុស្តិ៍នគរបាលចោមចៅទី១សិន ដើម្បីរង់ចាំម្ចាស់រថយន្តទៅយកឯកសារសំគាល់រថយន្ត ទើបសមត្ថកិច្ចប្រគល់ឱ្យជនរងគ្រោះវិញ ៕
About កងមាស
