គេហទំព័រ កងមាស​ សូមថ្លែងអំណរអរគុណយ៉ាងជ្រាលជ្រៅ ដល់សម្ដេច ទ្រង់ ឯកឧត្តម អ្នកឧកញ៉ា លោកជំទាវ លោក លោកស្រី អ្នកនាងកញ្ញា និង បងប្អូនប្រិយមិត្ត ជនរួមជាតិទាំងក្នងនិងក្រៅប្រទេស ដែលបានចូលមកកាន់ គេហទំព័រ កងមាស សូមជួបតែ សេចក្ដីសុខ សេចក្ដីចំរើន ក្នុងក្រុមគ្រួសារ ។ សូមអរគុណ !!!

Header Ads

ad728
  • ព័ត៌មានថ្មីៗ

    មូលនិធិគន្ធបុប្ផាកម្ពុជា៖ សកម្មភាពកៀរគរថវិកាបរិច្ចាគ នៅតាមដងផ្លូវរបស់បុគ្គល និងក្រុមមួយចំនួនដែលមិនមានការអនុញ្ញាត នៅតែបន្តកើតមាន

    ភ្នំពេញ ៖ មូលនិធិគន្ធបុប្ផាកម្ពុជា នៅថ្ងៃទី៣០ ខែឧសភា ឆ្នាំ២០២០នេះតាមរយៈ Facebook ផ្លូវការរបស់ខ្លួនបានបញ្ជាក់ឲ្យដឹងថា សកម្មភាពកៀរគរថវិកាបរិច្ចាគ នៅតាមដងផ្លូវរបស់បុគ្គល និងក្រុមមួយចំនួនដែលមិនមានការអនុញ្ញាតពីមូលនិធិគន្ធបុប្ផាកម្ពុជា នៅតែបន្តកើតមាន។
    ដោយសង្កេតឃើញបែបនេះ លេខាធិការដ្ឋានមូលនិធិគន្ធបុប្ផាកម្ពុជា បានធ្វើការផ្សព្វផ្សាយឡើងវិញ នូវសេចក្ដីសម្រេច ស្ដីពីក្រមសីលធម៌សម្រាប់បុគ្គលកៀរគរ និងប្រមូល ឬទទួលវិភាគទានបរិច្ចាគសប្បុរសធម៌ សម្រាប់មូលនិធិគន្ធបុប្ផាកម្ពុជា ដែលកំណត់អំពីយន្តការ និងវិធានការ ចំពោះបុគ្គលកៀរគរ និងប្រមូលអំណោយ ឬបុគ្គលទទួលវិភាគទានសប្បុរសធម៌ទាំងនោះ។
    ជាមួយគ្នានេះ មូលនិធិគន្ធបុប្ផាកម្ពុជា សូមលើកទឹកចិត្តដល់បុគ្គល ឬក្រុមបុគ្គលទាំងអស់ ដែលមានបំណងចូលរួមកៀរគរមូលនិធិសប្បុរសធម៌ សូមធ្វើការទំនាក់ទំនង មកលេខាធិការដ្ឋានរបស់មូលនិធិ ដែលមានទីតាំងនៅក្រសួងសេដ្ឋកិច្ច និងហិរញ្ញវត្ថុ ដើម្បីពិភាក្សា និងទទួលបានសម្បទា ក្នុងការកៀរគរនូវមូលនិធិសប្បុរសធម៌ ដើម្បីគាំទ្រដល់កិច្ចដំណើរការ របស់មន្ទីរពេទ្យគន្ធបុប្ផា។
    លេខាធិការដ្ឋានមូលនិធិគន្ធបុប្ផាកម្ពុជា សូមបញ្ជាក់ជូនថា រហូតមកដល់ពេលនេះ មូលនិធិគន្ធបុប្ផាកម្ពុជា មិនទាន់បានអនុញ្ញាតជាផ្លូវការដល់បុគ្គល ឬក្រុមបុគ្គលណាមួយ ដែលមានបំណងចូលរួមកៀរគរនូវមូលនិធិសប្បុរសធម៌ សម្រាប់មូលនិធិគន្ធបុប្ផាកម្ពុជា នៅឡើយទេ៕




    Post Top Ad

    Post Bottom Ad


    http://www.kangmeasnews.com/
    គេហទំព័រ កងមាស​ សូមថ្លែងអំណរអរគុណយ៉ាងជ្រាលជ្រៅ ដល់សម្ដេច ទ្រង់ ឯកឧត្តម អ្នកឧកញ៉ា លោកជំទាវ លោក លោកស្រី អ្នកនាងកញ្ញា និង បងប្អូនប្រិយមិត្ត ជនរួមជាតិទាំងក្នងនិងក្រៅប្រទេស ដែលបានចូលមកកាន់ គេហទំព័រ កងមាស សូមជួបតែ សេចក្ដីសុខ សេចក្ដីចំរើន ក្នុងក្រុមគ្រួសារ ។ សូមអរគុណ !!!
    រក្សាសិទ្ធិ​គ្រប់យ៉ាងដោយ គេហទំព័រ កងមាស
    "គេហទំព័រ កងមាស" ដំណើរការ​តាមប្រកាសលេខ...ចុះថ្ងៃទី...ខែ...ឆ្នាំ ២០...
    គេហទំព័រ កងមាស​ មានទីស្នាក់ការស្ថិតនៅ ផ្លូវលំ ភូមិទី២ ឃុំកងតាណឹង ស្រុកកងមាស ខេត្តកំពង់ចាម
    សម្រាប់ព័ត៌មានបន្ថែម សូមទំនាក់ទំនងតាមលេខ +855 77 90 666 4
    Copyright © 2020 កងមាស | រចនាគេហទំព័រដោយ បាយ័ន​ មុខគុជ