គេហទំព័រ កងមាស​ សូមថ្លែងអំណរអរគុណយ៉ាងជ្រាលជ្រៅ ដល់សម្ដេច ទ្រង់ ឯកឧត្តម អ្នកឧកញ៉ា លោកជំទាវ លោក លោកស្រី អ្នកនាងកញ្ញា និង បងប្អូនប្រិយមិត្ត ជនរួមជាតិទាំងក្នងនិងក្រៅប្រទេស ដែលបានចូលមកកាន់ គេហទំព័រ កងមាស សូមជួបតែ សេចក្ដីសុខ សេចក្ដីចំរើន ក្នុងក្រុមគ្រួសារ ។ សូមអរគុណ !!!

Header Ads

ad728
  • ព័ត៌មានថ្មីៗ

    នាវាពិឃាតអ៉ីរ៉ង់ច្រឡំបាញ់មីស៊ីល ចំនាវាមួយគ្រឿងទៀតអំឡុងការធ្វើសមយុទ្ធ នាំឲ្យមនុស្ស ២០នាក់ស្លាប់

    តេហេរ៉ង់ ៖ នាវាពិឃាតអ៊ីរ៉ង់មួយគ្រឿងត្រូវបានរាយការណ៍ថា បានបាញ់ទៅលើនាវារបស់ខ្លួនមួយគ្រឿងផ្សេងទៀត ដោយចៃដន្យដែលបានបណ្តាលឲ្យមនុស្សយ៉ាងយោចណាស់ ២០នាក់បានស្លាប់បាត់បង់ជីវិត និងជាច្រើននាក់ទៀតរងរបួស។ នេះបើយោងតាមការចេញផ្សាយដោយ សារព័ត៌មានតួកគី TRT World នាព្រឹកថ្ងៃចន្ទ ទី១១ ខែឧសភា ឆ្នាំ២០២០។
    ហេតុការណ៍ខាងលើនេះបានកើតឡើង នៅក្នុងកំឡុងពេលធ្វើសមយុទ្ធយោធាមួយរបស់កងទ័ពជើងទឹកអ៊ីរ៉ង់ កាលពីថ្ងៃអាទិត្យម្សិលមិញនេះ នៅឯឈូងសមុទ្រពែរ្ស។
    របាយការណ៍បឋមបានអះអាងថា មីស៊ីលប្រភេទ C-802 ណូអ័រ (C-802 Noor) ត្រូវបានបាញ់ចេញពីនាវាពិឃាតមួយគ្រឿង ដែលមានឈ្មោះថា ហ្សាម៉ារ៉ាន (Jamaran) ហើយបានវាយប្រហារដោយចៃដន្យ ទៅលើនាវាមួយគ្រឿងផ្សេងទៀតមានឈ្មោះថា កូណារ៉ាក់ (Konarak) ដែលជានាវាដឹកទំនិញរបស់អ៊ីរ៉ង់។ ប្រភពពីឆ្មាំបដិវត្តអ៊ីរ៉ង់ ដែលហៅកាត់ថា IRGC បានចាត់ទុកឧប្បត្តិហេតុនេះថា ជាកំហុសរបស់មនុស្សតែប៉ុណ្ណោះ ទោះបីមិនទាន់មានសេចក្តីថ្លែងការណ៍ផ្លូវការណាមួយ ពីយោធាអ៊ីរ៉ង់ក៏ដោយ។
    គួរជម្រាបថា ឧប្បត្តិហេតុនេះកើតឡើង បន្ទាប់ពីសកម្មភាពនៅឯឈូងសមុទ្រពែរ្ស នារយៈពេលប៉ុន្មានសប្តាហ៍ចុងក្រោយនេះ ហាក់ជួបប្រទះភាពតានតឹងមួយកម្រិតឡើងវិញ ដោយសារតែការពាក់មុខយក្សដាក់គ្នារវាងអ៊ីរ៉ង់ និងសហរដ្ឋអាមេរិក។
    កាលពីចុងខែមេសាកន្លងទៅនេះ មានការប្រឈមមុខគ្នាយ៉ាងគ្រោះថ្នាក់មួយ រវាងកងទ័ពជើងទឹកអាមេរិក និងឆ្មាំសមុទ្រអ៊ីរ៉ង់ នៅជិតដែនទឹកអ៊ីរ៉ង់ក្នុងឈូងសមុទ្រពែក្ស។ ប្រការនេះវាបានធ្វើឲ្យអ៊ីរ៉ង់ បង្កើនសកម្មភាពសមយុទ្ធកងទ័ពជើងទឹក កាន់តែខ្លាំងបន្ថែមទៀត៕





    Post Top Ad

    Post Bottom Ad


    http://www.kangmeasnews.com/
    គេហទំព័រ កងមាស​ សូមថ្លែងអំណរអរគុណយ៉ាងជ្រាលជ្រៅ ដល់សម្ដេច ទ្រង់ ឯកឧត្តម អ្នកឧកញ៉ា លោកជំទាវ លោក លោកស្រី អ្នកនាងកញ្ញា និង បងប្អូនប្រិយមិត្ត ជនរួមជាតិទាំងក្នងនិងក្រៅប្រទេស ដែលបានចូលមកកាន់ គេហទំព័រ កងមាស សូមជួបតែ សេចក្ដីសុខ សេចក្ដីចំរើន ក្នុងក្រុមគ្រួសារ ។ សូមអរគុណ !!!
    រក្សាសិទ្ធិ​គ្រប់យ៉ាងដោយ គេហទំព័រ កងមាស
    "គេហទំព័រ កងមាស" ដំណើរការ​តាមប្រកាសលេខ...ចុះថ្ងៃទី...ខែ...ឆ្នាំ ២០...
    គេហទំព័រ កងមាស​ មានទីស្នាក់ការស្ថិតនៅ ផ្លូវលំ ភូមិទី២ ឃុំកងតាណឹង ស្រុកកងមាស ខេត្តកំពង់ចាម
    សម្រាប់ព័ត៌មានបន្ថែម សូមទំនាក់ទំនងតាមលេខ +855 77 90 666 4
    Copyright © 2020 កងមាស | រចនាគេហទំព័រដោយ បាយ័ន​ មុខគុជ