អធិការក្រុងប៉ោយប៉ែតចុះបង្រ្កាបក្រុមក្មេងប្រើប្រាស់គ្រឿងញៀននៅចំណុចភូមិក្បាលស្ពាន១
ប៉ោយប៉ែត : នៅថ្ងៃទី១៦ខែឧសភា ឆ្នាំ២០២០ នៅវេលាម៉ោង១៣ និង៥០នាទីមានប្រជាពលរដ្ឋរាយការណ៍ថាមានក្រុមក្មេងប្រើប្រាស់គ្រឿងញៀនខុសច្បាប់នៅចំណុចភូមិក្បាលស្ពាន១ សង្កាត់និងក្រុងប៉ោយប៉ែត ខេត្តបន្ទាយមានជ័យ ។ ក្រោយពីទទួលរាយការណ៍ភ្លាម
លោកវរសេនីយ៍ឯក ធិន សិុនដេត អធិការនគរបាលក្រុងប៉ោយប៉ែត និងលោកវរសេនីយ៍ទោ1 កែវ ដូល អធិការ(រង)ទទួលផែនគ្រឿងញៀន។បានដឹកនាំកំលាំងចុះដល់ចំណុះកើតហេតុខាងលើ ឃាត់ខ្លួនជនសង្ស័យចំនួន៣នាក់មានឈ្មោះ៖
១-ឈ្មោះ អៀន គឹមហុង ភេទប្រុស អាយុ២៧ឆ្នាំ ជនជាតិខ្មែរមុខរបរមិនពិតប្រាកដមានទីលំនៅបច្ចុប្បន្នភូមិក្បាលស្ពាន១សង្កាត់និងក្រុងប៉ោយប៉ែត ។
២-ឈ្មោះ សន ចិន្តា ភេទប្រុស អាយុ៣៧ឆ្នាំ ជនជាតិខ្មែរ មុខរបរកសិករ មានទីលំនៅភូមិសាលាកំរើក សង្កាត់សាលាកំរើក ក្រុងសៀមរាប ខេត្តសៀមរាប។
៣-ឈ្មោះ អឿន តារ៉ា ភេទប្រុស អាយុ២៣ឆ្នាំ ជនជាតិខ្មែរ មុខរបរមិនពិតប្រាកដ មានទីលំនៅភូមិមិត្តភាព សង្កាត់និងក្រុងប៉ោយប៉ែត ។
វត្ថុតាងចាប់យកមានម្សៅក្រាមសថ្លាចំនួន១(មួយ) កូនថង់តូច,ដបកែឆ្នៃសម្រាប់ជក់គ្រឿងញៀន២,បំពង់កែវ១កំណាត់, កំណាត់បំពង់បឺតឆ្នៃសម្រាប់ជក់គ្រឿងញៀនមួយចំនួន, កាំបិតវែង១ដើម, កូនកាំបិត២ដើម, សំបកថង់មួយចំនួន, ដែកកេះ៣ និងទូរស័ព្ទដៃ១គ្រឿង។
ជនសង្ស័យទាំងបីនាក់ខាងលើ យើងបាននាំខ្លួនមកសួរនាំនៅអធិការដ្ឋាននគរបាលក្រុងប៉ោយប៉ែតដើម្បីចាត់ការទៅតាមនិតិវិធីច្បាប់ ។