សមត្ថកិច្ចនគរបាលបានឃាត់ខ្លួនជនសង្ស័យពីបទរក្សាទុកដោយខុសច្បាប់នូវសារធាតុញៀនក្នុងបទល្មើសជាក់ស្តែង
ខេត្តបាត់ដំបង ÷ លោកវរសេនីយ៍ឯក ឆាង វណ្ណឆៃ អធិការនគរបាល ក្រុងបាត់ដំបង ដឹកនាំកម្លាំងផ្នែកជំនាញរបស់អធិការដ្ឋាន កម្លាំងអន្តរាគមន៍ រួមជាមួយមន្រ្តីប៉ុស្តិ៍នគរបាលរដ្ឋបាល វត្តគរ ចុះប្រត្តិបត្តិការបង្រ្កាបករណីរក្សាទុកដោយខុសច្បាប់នូវសារធាតុញៀនក្នុងបទល្មើសជាក់ស្តែង នៅចំណុច ក្រុមទី០៦ ភូមិវត្តគរ សង្កាត់ វត្តគរ ក្រុងបាត់ដំបង ខេត្តបាត់ដំបង កាលពីថ្ងៃ អាទិត្យ ៤រោច ខែពិសាខឆ្នាំជូតទោស័ក ព.ស.២៥៦៤ ត្រូវនឹងថ្ងៃទី១០ ខែឧសភា ឆ្នាំ២០២០ វេលាម៉ោង១៥និង៤៥នាទី កម្លាំងសមត្ថកិច្ចនគរបាលបានឃាត់ខ្លួនជនសង្ស័យ
១-ឈ្មោះ លី អុីសា ហៅ ពាង ភេទប្រុសអាយុ ៣២ឆ្នាំ មានទីលំនៅ ភូមិណាកាឆាយ ឃុំកូប ស្រុកអូរជ្រៅ ខេត្តបន្ទាយមានជ័យ ស្នាក់នៅបណ្តោះអាសន្ន ក្រុមទី០៦ ភូមិវត្តគរ សង្កាត់វត្តគរ ក្រុងបាត់ដំបង ខេត្តបាត់ដំបង ។
ក្នុងកិច្ចប្រតិបត្តិការនេះសមត្ថកិច្ចនគរបាល បានប្រាប់សារព័ត៍មាន ឲ្យដឹងថាសមត្ថកិច្ចបានដកហូតវត្ថុតាងរួមមាន៖
-ម្សៅក្រាមពណ៌សថ្លាច្រកក្នុងថង់ប្លាស្ទិកថ្លា ចំនួន ១៥ថង់ (ធំ១១ថង់ តូច០៤ថង់) ទម្ងន់ ១,០៣៤,២០ក្រាម ទាំងសំបកសង័្សយជាសារធាតុញៀនប្រភេទមេតំហ្វេតាមីនម៉ាទឹក កក ICE
-ម្សៅពណ៌សសង័្សយជាសារធាតុញៀនប្រភេទកេតាមីនចំនួន ០១កូនថង់
-សារធាតុរាវចំនួន០៣កូនដបសង្ស័យជាសារធាតុញៀន
-កូនជញ្ជីងសំរាប់ថ្លឹងថ្នាំញៀនលក់ចំនួន០១
-ទូរសព្ឌ័ដៃចំនួន០១គ្រឿង
-កូនកាបូបសំរាប់ដាក់ប្រាក់ពណ៌ទឹកប៊ិចចំនួន០១
-ប្រាក់រៀលចំនួន៣០ម៉ឺនរៀល
-ម៉ូតូចំនួន០១គ្រឿង ម៉ាកអុិចសេចទ័រ ពណ៌សលាយខ្មៅ គ្មានស្លាក់លេខ លេខតួ និងលេខម៉ាស៊ីន៥៨៨៨១១។
បច្ចុប្បន្នជនសង្ស័យនិងវត្ថុតាងត្រូវនគរបាលក្រុងបាត់ដំបងបានកសាងសំណុំរឿងបញ្ជូនមកការិយាល័យជំនាញចាត់ការតាមនីតិវិធីច្បាប់។