ករណីបាត់រថយន្តនៅក្នុងបុរី (បូអៅ) កាលពីយប់ថ្ងៃទី៣១ ខែឧសភា ឆ្នាំ២០២០

(ព័ត៌មានបឋម) ករណីបាត់រថយន្តនៅក្នុងបុរី (បូអៅ)
ភ្នំពេញ ៖ បុរសម្នាក់បានប្ដឹងសមត្ថកិច្ច ក្រោយខ្លួនបាត់រថយន្ត កាលពីយប់ ថ្ងៃទី៣១ ខែឧសភា ឆ្នាំ២០២០ នៅចំណុចក្នុងបូរី (បូអៅ) បណ្ដោយផ្លូវបេតុងលេខ 49cc ភូមិដំណាក់ធំ២ សង្កាត់ស្ទឹងមានជ័យទី៣ ខណ្ឌមានជ័យ រាជធានីភ្នំពេញ ។
ជនរងគ្រោះ មានឈ្មោះ តូយ រី ភេទប្រុស អាយុ៣៣ ឆ្នាំ មានទីលំនៅបច្ចុប្បន្ន នៅភូមិដំណាក់ធំ២ សង្កាត់ស្ទឹងមានជ័យទី៣ ខណ្ឌមានជ័យ បានបាត់រថយន្ត ០១គ្រឿងម៉ាក Lexus 300 ពណ៌ស  ពាក់ស្លាកលេខ ភ្នំពេញ 2P-9853 សេរីឆ្នាំ១៩៩៩ និងបាត់សម្ភារៈមួយចំនួន នៅក្នុងរថយន្ត រួមមាន លុយ ហើយនិងឯកសារមួយចំនួនទៀត ។
បុរសរង់គ្រោះបានរៀបរាប់ ប្រាប់សារព័ត៌មានថា មុនពេលកើតហេតុ ជនរងគ្រោះបានជិះឡានខាងលើ មកពីកនលែងធ្វើការហើយក៏បានផ្ញើរថយន្តនៅក្នុងបុរី (បូអៅ) នៅយប់ថ្ងៃទី៣១ ខែឧសភា ឆ្នាំ២០២០ នៅក្នុងភូមិកើតហេតុ រួចហើយបានដើរមកផ្ទះសំរាក ។
លុះព្រឹកថ្ងៃទី០១ ខែមិថុនា ឆ្នាំ២០២០ ជនរងគ្រោះ ចេញមកយករថយន្តដើម្បីជិះទៅធ្វើការ ស្រាប់តែ បាត់រថយន្ត ដែលបានផ្ញើទុកនៅក្នុងបុរី (បូអៅ) នេះតែម្តង រួចបានទូរសព្ទ័ ទៅប្តឹងសមត្ថកិច្ច ប៉ុស្តិ៍ស្ទឹងមានជ័យ៣ ។
ក្រោយពីទទួល បានបណ្តឹងភ្លាម លោកមេប៉ុស្តិ៍ស្ទឹងមានជ័យ៣ បានធ្វើការសាកសួរ និងស្វែងរកជនសង្ស័យ និងវត្ថុតាង ដែលជនសង្យ័យបានលួចយកទៅ ។ ពេលកំលាំងជំនាញ កំពុងតែបន្តស្វែងរកមុខសញ្ញា ជនសង្ស័យបន្តទៀត៕